عرض للطباعة
يا جماعة الخير عاوز اغير من 516 ل 620 ايه رائيكم فى الموضوع ده.بصراحة نفسى فى الأوتوماتك و العربية داخلة دماغى قوى.العربية بتاعتى مريحانى و كل حاجة بسم الله ما شاء الله بس انا كان نفسى و فى مخططى انى بعد ال 516 اجيب 620 و مع ثقتى فى الأسبرانزا عموما ايه رائيكم افيدونى
خد بالك ال٦٢٠ ماتورها 2000 cc بس عربيه مركب وبتقول بابا وماما وطول مانت بتصونها صايناك
ال 620 ركوبه محترمه
انا سوقتها يوم بامانه احساس المرسيدس
بس تستحمل الضريبه والبنزين
ومش بسهوله تعرف تلاقي ركنه في الشارع
والله يا رجالة انا عارف موضوع ال 2000 ده حيبقى مقرف شوية فى الضريبة و البنزين بس بالنسبة للبنزين اعتقادى حيزيد بنسبة 30% من ال 516 ده تقريبا و الضريبة مقدور عليها ان شاء الله.لاكن ايه رأيكم فى الموضوع اساسا.وبالنسبة لل516 فالكمليات ال فيها برضوا مش شوية
لاء طبعا في فرقاقتباس:
المشاركة الأصلية كتبت بواسطة fourseasons
فتحه سقف
ستاير خلفي كهرباء
اوتوماتيك مفيش مقارنه مع المانيوا ل
تصميم رئاسي
كراسي جلد طبيعي
موتور 2000 سي سي
ايرباج
الاوتومتيك لوحده كفايه
ما هو ده ال بتكلم فيه يا هوجن باشا بس المشكلة ان معايا ال 516 من الزيرو بس ال 620 حتبقى مستعملة فده برضوا مخوفنى شوية
طبعا مش هاتشتري اي عربيه والسلاماقتباس:
المشاركة الأصلية كتبت بواسطة fourseasons
مبدئيا هايكون في شروط ماتتنازلش عنها
فبريكه بالكامل
كيلو متر لايزيد عن 40.000
كده ان شاء الله تلاقي عربيه نضيفه
وتدور براحتك طالما مفيش داعي للاستعجال
لحد ما تلاقي العربيه اللقطه اللي ما تتسابش
ومش هاتقل عن ال 516 اللي معاك
انا عملت كده لما نويت علي التغيير للتيجو
اول مالفيت العربيها للي بشروطي
بعت ال516 في السوق يوم الجمعه
واشتريت التيجو يوم الاحد
كله بتساهيل ربنا
ربنا يخليك يا هوجن باشا
صديقي المواطن
كلامك مش وطني وغير مقبول وإهانة لل 620 العظيمة إزاي تقارنها بال 516 التعبانة
قطعا قولا واحدا تبيع ال 516 وعلى طول تاخد 620 ومصروف البنزين مش حيفرق 30% هي بتعمل اللتر 10 كيلو ولو تكييف تعمل 9 وعطلاتها معروفة غطا قربة راديتير ذراع عصاية فتيس وكلها توافه وبسيطة غير كده مفيش
نصيحة متاخدش أقل من 2010 مهما حصل
وبالتوفيق وإلى اﻷمام ومن نصر إلى نصر
ودمتم للنضال
ملحوظة لما تبيع ال 516 وتجيب ال 620 توعدني تعمل موضوع تسجل فيه شديد أسفك وإعتذارك على جريمة مقارنة ال 516 بال 620 ولكل ملاكها في أرجاء المحروسة أنا لغاية دلوأتي مش عارف إزاي العربيتين دول طالعين من نفس المصنع
هاهاهاهاهاهاهاهاهاها والله بيعجبنى تعليقاتك جدا يا استاذ صدام.وان شاء الله ال فيه الخير ربنا يقدمه.وانا بصراحة كانت ال 620 من طموحاتى بعد ال 516 و معلش يا سيدى اهو الواحد بياخد السلم واحدة واحدة.هاهاهاهاهاهاهاهاها وان شاء الله لما ربنا يكرمنى بواحدة كويسة هو ده المهم انها تكون واحدة كويسة.ان شاء الله اعمل تقرير كويس.ورائى حضرتك كده رينج السعر يعمل كام للحالة النضيفة 2010 2011 وكيلو متر 40000 ل 50000
ههههههههههههاقتباس:
المشاركة الأصلية كتبت بواسطة saddam
تعليق رائع
اهم حاجة تكشف على العربية بالاسكنر وتشوف حساسات الفتيس لا قدر الله لو الفتيس فيه مشكلة مقرف جدا وكانت تجربة مريرة ----غير استهلاك البنزين عربية ماشاء الله مفيش عربية بالسعر ده تديك الامكانيات دى
موفق باذن الله
صديقي المواطن
موديلات 2010 النظيف من 65 إلى 75 ألف وممكن أغلى ولكن الضايع تلاقي حتى ب 50 ألف وبالتوفيق وإلى اﻷمام ومن نصر إلى نصر ودمتم للنضال
أنا عندي وحده زيرو بس إتعدل فيها حاجات ولسه حعدل حاجات وهي مرفوعة من سنتين ونص وحاططها تحت غطا مكلفني تفصيل 600 جنيه وقتها دلوأتي ولا ألف جنيه ضد الماء والنار ودي لو خلصت مش عايز أصدمك أنا لو إتدفعلي فبها 150 ألف مش حبيعها وعلى فكرة أنا شاريها من التوكيل ب 102 ألف جنيه في سنتها وهي عربيتي رقم 3 في مجموعتي عيبها الوحيد من وجهة نظري عربية بالفخامة دي مكانش ينفع تنزل من غير مثبت سرعة
وبالتوفيق وإلى اﻷمام ومن نصر إلى نصر
ودمتم للنضال
شكرا استاذ صدام.وعاوز رائى باقى الأعضاء ال معاهم 620 ايه رائيهم فيها
دى الخلاصه ............... والعيب الوحيد عندى فى ال 620 الحجم الكبير ومتاعب الركنه فى اى منطقه .اقتباس:
المشاركة الأصلية كتبت بواسطة saddam
وممكن يتركب لها مثبت سرعه .............. تحياتى لك يا استاذ صدام .اقتباس:
المشاركة الأصلية كتبت بواسطة saddam
محدش قال رائى اخر يا جماعة؟
العربيه من وجهه نظرى بحكم طولها الكبير اللى قاعد ورا بيطلع عينه مرجحه مع المطبات والعيب التانى انها بعد فتره بحس انها بتعوم مع الفرمله ومش عارف ده عيب العربيه اللى انا سقتها ولا عيب موجود فى كله
غير كده عربيه بضربلها تعظيم سلام
مفيش مرجحه ولا حاجه وبعد تغيير المساعدين امامى وخلفى بمساعدين مونرو غايه فى الروعه وبخاصه فى السفر ..... تحياتى .اقتباس:
المشاركة الأصلية كتبت بواسطة mohyeldin1974
العربية دى فعلا لما ركبتها وانا بعاين موقع مع د.استشارى تكييف وهو اللى كان بيسوقها بنفسه قلتله يا د انا ملاحظ انك بنفسك بتسوق العربية دى تحديدا وكانت سوداء اللون على فكرة
قاللى انا اخر ما زهقت لانى ضخم مبلقيش رحتى فى السواقه الا مع العربية دى
وما شاء الله وانا سامع صوت المساعدين الغاز ولا بتحس باى مطب خالص والموقع بالعبور مدغدغ
فعلا عربية ممتازة وخصوصا احساس خاص معها بالفخامة او الرفاهية
وفتيسها الاوتوماتيك بتاعها ملبن ما شاء الله ولا الامريكانى
بس البريليانس الكبيرة شكلها تحفة برضوا
البرلنياس حلوة برضوا بس مش زى الأسبرانزا فى الأنتشار ولا قطع الغيار +وانا برضوا من الأحجام الكبيرة هاهاهاهاه عشان كده بدور على الحاجات الكبيرة
هههههاقتباس:
المشاركة الأصلية كتبت بواسطة fourseasons
يبقى توكل على الله
بس
فابريكة بالكامل
بس
كيلومتر قليل نوعا
بس
مش متهان صالونها
بس
تسوقها الول وترتحلها نفسيا
واللى يكشف لك ع العربية اللى هتستقر عليها مبدئيا عندى
ب م.نصر
وبعد كده على مركز صيانة معتمد لتقرير شامل على طول
بصراحه عربيه جامده تستاهل كل خير اهم حاجه قطع الغيار لان كانت مع صديق بس باعها من 3 سنين عشان قطع الغيار
عندك فين في مدينه نصراقتباس:
المشاركة الأصلية كتبت بواسطة carrier
مش واضحه النقطه دي
المشكلة يا باشا ان انا فى اسكندرية بس الحمد لله صاحبى الأنيم عنده مركز صيانة اسبرانزا و كان شغال فى التوكيل
وبالنسبة للأخ aftr معلش هو صاحبك ساكن فين لأن ال اعرفه ان كل قطع الغيار متوفرة و الحمد لله
اقتباس:
المشاركة الأصلية كتبت بواسطة hugan
عند نور الميكانيكى اللى ورا السجلات العسكرية ورا الحديقة الدولية
طلع عنده اسطى محمد نور جايبه فقط للاسبرانزا عنده فى الورشة والصينى بالمرة
لما كلمته علشان يشوقلى حد يعمل شوية حجات لعربية اخويا a516
قالى عدى عليا بالعربية رحت وصلاة النبى عليه حافظ مسمار مسمار بالعربية ومتمكن فى شغله لانى قعدت مع نور وهو شغال فى اسبرانزا تانية
وقاللى اى عربية اسبرانزا هتهالى اكشف لك عليها واققولك تكمل ولا لا
ال 620 كل قطع غيارها متوفره وكتيير
تماماقتباس:
المشاركة الأصلية كتبت بواسطة carrier
السلام عليكم
لي صديق معاه 620 ومش بيشغل باله بالبنزين لانه بيفول 80 وماشيه معاه زي الساعه ربنا يبارك له فيها يا رب
وعلى فكره انا امتلك سياره a516 وبصراحه انا اعتز بها جدا وقطع الغيار تقريبا كلها متوفره ورخيصه بس المشكله اللي بتقابلني المزاريب في الابواب الخلفيه دايما مسدوده وبتحوش الميه جواها وبتعمل بارومه وقبل كده عملتها سمكره ودوكو ورجعت تاني وبالنسبه لقطع الغيار مجموعة ابوعوف بصراحه كل حاجه متوفره عندهم واسعار في متناول الجميع
https://www.facebook.com/abououfgroup
غلطاقتباس:
المشاركة الأصلية كتبت بواسطة amr hosny 35
انا كنت حرص كل الحرص بعد الغسيل اسللك المزراب الامامي والخلفي في كل باب
كان بينزل كميه مياه كبيره جدا
تخيل المياه دي لو فضلت في الباب
اكيد هاتعمل بارومه وبسرعه