عاوز اغير من 516 ل 620

**fourseasons** · 22-10-2013 09:13 PM

يا جماعة الخير عاوز اغير من 516 ل 620 ايه رائيكم فى الموضوع ده.بصراحة نفسى فى الأوتوماتك و العربية داخلة دماغى قوى.العربية بتاعتى مريحانى و كل حاجة بسم الله ما شاء الله بس انا كان نفسى و فى مخططى انى بعد ال 516 اجيب 620 و مع ثقتى فى الأسبرانزا عموما ايه رائيكم افيدونى

**Mohyeldin1974** · 22-10-2013 09:17 PM

خد بالك ال٦٢٠ ماتورها 2000 cc بس عربيه مركب وبتقول بابا وماما وطول مانت بتصونها صايناك

**hugan** · 22-10-2013 09:20 PM

ال 620 ركوبه محترمه
انا سوقتها يوم بامانه احساس المرسيدس
بس تستحمل الضريبه والبنزين
ومش بسهوله تعرف تلاقي ركنه في الشارع

**hugan** · 22-10-2013 09:37 PM

المشاركة الأصلية كتبت بواسطة fourseasons

والله يا رجالة انا عارف موضوع ال 2000 ده حيبقى مقرف شوية فى الضريبة و البنزين بس بالنسبة للبنزين اعتقادى حيزيد بنسبة 30% من ال 516 ده تقريبا و الضريبة مقدور عليها ان شاء الله.لاكن ايه رأيكم فى الموضوع اساسا.وبالنسبة لل516 فالكمليات ال فيها برضوا مش شوية

لاء طبعا في فرق
فتحه سقف
ستاير خلفي كهرباء
اوتوماتيك مفيش مقارنه مع المانيوا ل
تصميم رئاسي
كراسي جلد طبيعي
موتور 2000 سي سي
ايرباج
الاوتومتيك لوحده كفايه

**hugan** · 22-10-2013 09:48 PM

المشاركة الأصلية كتبت بواسطة fourseasons

ما هو ده ال بتكلم فيه يا هوجن باشا بس المشكلة ان معايا ال 516 من الزيرو بس ال 620 حتبقى مستعملة فده برضوا مخوفنى شوية

طبعا مش هاتشتري اي عربيه والسلام

مبدئيا هايكون في شروط ماتتنازلش عنها
فبريكه بالكامل
كيلو متر لايزيد عن 40.000
كده ان شاء الله تلاقي عربيه نضيفه
وتدور براحتك طالما مفيش داعي للاستعجال
لحد ما تلاقي العربيه اللقطه اللي ما تتسابش
ومش هاتقل عن ال 516 اللي معاك

انا عملت كده لما نويت علي التغيير للتيجو
اول مالفيت العربيها للي بشروطي
بعت ال516 في السوق يوم الجمعه
واشتريت التيجو يوم الاحد
كله بتساهيل ربنا

**saddam** · 22-10-2013 10:33 PM

صديقي المواطن
كلامك مش وطني وغير مقبول وإهانة لل 620 العظيمة إزاي تقارنها بال 516 التعبانة
قطعا قولا واحدا تبيع ال 516 وعلى طول تاخد 620 ومصروف البنزين مش حيفرق 30% هي بتعمل اللتر 10 كيلو ولو تكييف تعمل 9 وعطلاتها معروفة غطا قربة راديتير ذراع عصاية فتيس وكلها توافه وبسيطة غير كده مفيش
نصيحة متاخدش أقل من 2010 مهما حصل
وبالتوفيق وإلى اﻷمام ومن نصر إلى نصر
ودمتم للنضال
ملحوظة لما تبيع ال 516 وتجيب ال 620 توعدني تعمل موضوع تسجل فيه شديد أسفك وإعتذارك على جريمة مقارنة ال 516 بال 620 ولكل ملاكها في أرجاء المحروسة أنا لغاية دلوأتي مش عارف إزاي العربيتين دول طالعين من نفس المصنع

**fourseasons** · 22-10-2013 10:39 PM

هاهاهاهاهاهاهاهاهاها والله بيعجبنى تعليقاتك جدا يا استاذ صدام.وان شاء الله ال فيه الخير ربنا يقدمه.وانا بصراحة كانت ال 620 من طموحاتى بعد ال 516 و معلش يا سيدى اهو الواحد بياخد السلم واحدة واحدة.هاهاهاهاهاهاهاهاها وان شاء الله لما ربنا يكرمنى بواحدة كويسة هو ده المهم انها تكون واحدة كويسة.ان شاء الله اعمل تقرير كويس.ورائى حضرتك كده رينج السعر يعمل كام للحالة النضيفة 2010 2011 وكيلو متر 40000 ل 50000

الموضوع: عاوز اغير من 516 ل 620

LinkBack

أدوات الموضوع

عرض

-

-

-

-

المواضيع المتشابهه

عاوز اغير الكربراتير؟؟

عاوز اغير زيت موبيل 1

حد عنده فكرة لو عاوز اغير زيت الفرامل هحتاج كمية و نوع و اغير كل اد ايه ؟؟؟؟

عاوز اغير الكوتشات

عاوز اغير الكاوتش

الكلمات الدلالية لهذا الموضوع

المفضلات

المفضلات

ضوابط المشاركة