-
ضبط الزوايا
السلام عليكم و رحمة الله و بركاته
أنا عندى سؤال يا شباب بخصوص زوايا العجل فى سيفيك 2008
الموضوع بإختصار إن العربية لما بمشى بسرعة بتحدف يمين و لو عايزها تمشى على خط مستقيم لازم ألف الدركسيون شمال شوية.
النقطة التانية إن الدركسيون أتقل لما ألفه ناحية اليمين.
روحت عملت ظبط زوايا فى التوكيل,
مشكلة إنها بتحدف يمين قلت بس لسه موجودة
و الدركسيون زى ما هوه
قريت فى منتديات أجنبية إن فى ناس كتير عندهم نفس المشكلة و إن العربية بتطلع كده من المصنع علشان الأمان ( لو حد نام و هو سايق العربية تحدف للرصيف اليمين)
يا شباب أرجو الإفادة لو حد واجهته المشكلة دى أو عنده معلومة
و شكرا جزيلا مقدما
-
جرب الأول تبدل الكاوتش الأمامى اليمين مكان الشمال فلو الحدفة راحت او حدفت شمال يبقى المشكلة عندك من الكاوتش فية فردة متأكلة اكتر من التانية فى الحالة دى اما تشترى فردين جداد او رجع الفردتين خلفى والخلفى امامى !!
-
اللف بتاع الدركسيون لما يكون يمين اتقل من شمال بيبقى ضغط الاطارات مش مظبوط وعن تجربه بتحصل معايا كتير لما ضغط الاطارات بيقل بتحصل معايا ويبقى الدركسيون لفته يمين تقيله جدآ عكس اليمين
-
صديقي المواطن
دي مش منتديات أجنبية دي منتديات كفتة وحتى مش بلدي كمان وريحتها فايحة كمان
أساسا لو عربية تصممها شركة تحدف لما تنام عشان تطلع الرصيف فالشركة دي الناس بره تقعد ترفع عليها دعاوي لغاية متبيع صحابهم الفانيلات
مبدئيا إنت تبصلي على حالة الكاوتش ولو كويسين تعمل لهم حركة إكس ثم تسيبك من التوكيلات ومهندسيها المصنفين درخحة خامسة في مقياس الفشل ثم تروح لحد محترم تظبط زوايا بالكومبيوتر وترصص كمان وتقله حطلي مثبت طاره وتتفق معاه إن الطارة لو متعدلتش فترجعله مرة ومرتبن وثلاثة ﻷن الطارة من اﻷشياء في المستعمل لا تستعدل من أول مرة وبالتوفيق وإلى اﻷمام ومن نصر إلى نصر
ودمتم للنضال
Content Relevant URLs by
vBSEO 3.6.0 PL2