الموضوع: مجانيه التعليم الجامعى هل هى الاسلوب الافضل ؟؟؟

المشاركة الأصلية كتبت بواسطة dr_ahmed80

يا صديقنا الفاضل استاذ اسلام/
انا كدكتور فى كلية صيدلة اشغلت فى جامعة حكومية و كرهت البيروقراطية المقرفة و شغال فى جامعة خاصة فى ظل تحكم الرأسمالية و الفلوس و يبقى انه لا يوجد معيار واحد فى البلد دى تقدر تقيش عليه التعليم
بمعنى هل تعلم ان الدولة بتدعم الطالب الساقط ؟؟؟؟؟؟
الطالب فى اخر سنة فى اى كلية عملية ممكن يفضل يسقط الى مالا نهاية ؟!!!! و كل سنة بياخد مكان طالب تانى و الدولة بتدفعله فلوس طب على الاقل الطالب الى بيسقط مرة اى سنة يتكفل بعد كده بمصاريف دراسته دى حاجة
شىء تانى ان البلد دى بيدخلو فيها الجامعة مش علشان التعليم حضرتك ..... يعنى الى دخل كلية اداب قسم مكتبات مثلا هيطلع يشتغل بيها مع احترامى و كامل تقديرى للتخصص و لكن هوة داخل الجامعة علشان لما يتخرج و يروح يتجوز يبقى مؤهل عالى و تانى حاجة علشان الجيش مايبقاش عسكرى مراسة تلات سنين
يبقى نوصل ان اساسا المنظومة غلط لا طالب عاوز يتعلم و لا دولة عاوز تحقق معايير و جودة تعليمية
(قلبت علينا المواجع)..........
و لنا الله يا مصر

عارف يا د/ احمد كلام حضرتك بيؤكد ان فعلا الدوله لازم تاخد قرار فى الموضوع ده وبسرعه وان الطالب مش لازم نفضل نديله المعلومات بالمعلقه ونصرف عليه زى محضرتك قلت الى مالا نهايه لان بالفعل اغلب الطلبه مش بتدخل الجامعه علشان تتعلم بيدخل الجامعه علشان يصاحب ويتدلع ويبقى اسمه خريج تعليم عالى او علشان الجيش زى حضرتك مقولت يبقى لازم الطالب يعرف انه لو مش عايز يتعلم ميضيعش وقته ويضيع سنين عمره وفلوس الدوله ويوفر كل ده ويواجه الحياه بدرى وكل اب عارف ان ابنه مش فالح فى التعليم يخليه يتعلم حاجه تنفعه وتنفع بلده .

حضرتك تأكيدا على كلامك كليه تجاره قبل متخرج كان عندنا طلبه فى سنه رابعه بقالهم 12و13 سنه ومخلصوش وشغالين بره الكليه full time وبييجى يتسلى يوم اجازته فى الجامعه .
اتمنى بجد تيجى حكومه جريئه تشتغل بجد وتاخد قرارات محوريه فى كل المجالات واهمها التعليم علشان البلد تبقى فعلا على اول الطريق الصح ونبطل سياسه الطبطبه وان احنا مش حنغير العالم ولازم نسيب الامور على قديمه بدل منجيب لنفسنا وجع الدماغ .
يا رب البلد تتغير ومتبقاش المواضيع دى من المواجع هههههههههههه
تحياتى لحضرتك .

طبعا 100 % من وقف مجانية التعليم الجامعي .

و لكن يجب الأبقاء على مجانية التعليم الأساسي (أبتدائي و حتى الثانوي) الثانوي بأنواعه . و يجب الأهتمام بالتعليم الفني .
حاجة كمان مهمة .

الأنفجار السكاني ......... يجب ان يتوقف ........ مساحة الأرض الصالحة للأستخدام و الموارد الزراعية لا تكفينا .

أحنا بنستورد جزء كبير جدا من أكلنا .

دي حتة بس زيادة و لكن مهمة لأنها سلسلة مرتبطة ببعض .

للاسف هى منظومه متاكمله وثقافه شعب كمان

يعنى علشان الكلام ده يحصل لازم يكون فيه سوق عمل يتقبل خريخ التعليم الاساسى يعنى ما يعاملوش على انه فاشل معرفش يخش كليه وبردو لازم تكون الدوله قادره انها تطور التعليم الاساسى بحيث الخريج ما يبقاش ناقصه حاجه او ما يبقاش جاهل وبكده التعليم العالى يبقى وسيله للارتقاء اكتر بمستوى الفرد للى عايز يعلى بشأنه ومستواه

كمان انت لازم تغير ثقفاه لاشعب يعنى نظره المجتمع لخريج الثانوى العام وخريج التعليم لافنى للاسف نظره دونيه اوى
لازم الكلام ده يتغير لازم كمان يكون فيه تنميه للفرد نفسه وتوعيه اكتر بحيث انه يبص للتعليم على انه مش مجرد شهاده لا ده وسيله للارتقاء بمستوى الانسان وان خريج الثانوى او الدبلوم ما يوقفش لحد كده ويكتفى لا لازم يكون عنده الاراده والهدف اللى يخليه يتعلم اكتر ويعلى اكتر وانه ما يبصش للتعليم العالى انه مجرد شهاده

لاسف لو قارنا العصور القديمه بالعصر الحالى
تلاقى عدد الجامعات زمان كان قليل جداااا لكن عدد العباقره والمتميزين +كمان مستوى المجتمع ساعتها كان عامل ازاى قارن كل ده بقى بعدد الجامعات اللى موجوده دلوقتى مش فى مصر بس لا فى العالم وشوف عندك كام عالم او عبقرى او مخترع هتلاقى الفرق كبييير لان الرساله العليمه نفسها اتغيرت زمان كانت لهدف العلم دلوقتى مجرد شهاده اعرف اشتغل بيها واتجوز بيها وبس

وعلشان تعمل كل الكلام ده محتاج اجيال جديده عقولها فاضيه وانت تحفر فيها اللى انت عايزه وتعلمه صح هو ده اللى بيعمل تقدم

المشاركة الأصلية كتبت بواسطة tutankhamoun

طبعا 100 % من وقف مجانية التعليم الجامعي .

و لكن يجب الأبقاء على مجانية التعليم الأساسي (أبتدائي و حتى الثانوي) الثانوي بأنواعه . و يجب الأهتمام بالتعليم الفني .
حاجة كمان مهمة .

الأنفجار السكاني ......... يجب ان يتوقف ........ مساحة الأرض الصالحة للأستخدام و الموارد الزراعية لا تكفينا .

أحنا بنستورد جزء كبير جدا من أكلنا .

دي حتة بس زيادة و لكن مهمة لأنها سلسلة مرتبطة ببعض .

ا/tutankhamoun انا بيتهيئلى ان ممكن الغاء مجانيه التعليم الجامعى مع الاهتمام بالتعليم الاساسي والمهنى ممكن يساهم بشكل كبير فى تقليل الانفجار السكانى لانى بصراحه شايف عدم تحمل المسؤليه هو سبب الموضوع ده فالشاب خريج الجامعه مجرد انه يحس سهوله الحياه وتكرار الفرص القيمه بسهوله بتخليه يتخرج غير متحمل لاى مسؤليه وكمان بيبقى سنه كبير نسبيا فبيبقى الوقت المتاح ليه علشان يكون نفسه فيتسرع فى الجواز بدون خبره
انما لما يتخرج من ثانوى ويبدأ يتحمل مسؤليه نفسه واختياراته ممكن يتعلم ضمنا مع تحمل المسؤليه ان عدد الاطفال الاقل افضل لمستقبل احسن .
تحياتى .

المشاركة الأصلية كتبت بواسطة mgheam

مجانية التعليم نظام اثبت فشلة

فالاف الطلبة الان يكلفون الدولة ملايين ومليارات وهم كل هدفهم يصاحب بنت او تصطاد عريس او يستعرض مهاراته الحنجورية في المظاهرات


وطبعاً الجامعات الخاصة ايضاً بنفس السؤ لكن بيضيع وقته بفلوسة وفلوس اهله وبالتالي هم احرار يضيعوا فلوسهم بالطريقة اللى تعجبهم :)

لذلك مع الغاء مجانية التعليم الجامعي مع تطبيق نظام منح للشباب الفقير والمتوسط اللى عنده كفاءه وعايز يكون انسان محترم ومستعد فعلاً يتعب ويشقى عشان يكون حاجه لها قيمه

وطبعا الجامعات المحترمة في الخارج لامجانية ولاخاصة ... لأن الجامعه مش سوبر ماركت !!

الجامعه المحترمه بتكون جامعات اهلية التعليم فيها بفلوس (سواء من الطالب او منحة من الحكومة) وبيكون لها مجلس امناء ورعاه من المجتمع من الذين تخرجوا منها ونبغوا في مجالهم

والارباح بتكون على شكل وقف يعاد فيه المال للجامعه بعد استثماره ويصرف على الابحاث والارتقاء بمستوى الجامعه

ده طبعاً صعب يحصل في مصر

لأن اي شعب متخلف بيبقى ضد مصالحة والشئ الوحيد اللى يريحية (تعليم مجاني ليس له قيمه ثم يتخرج فيجد وظيفة بمرتب لاقيمة له .. فيعيش على الكفاف ليتزوج ويتكاثر وينجب اطفال وهكذا انتهت كل مهمه له في الحياه .. وهكذا)

بصراحه انت اوجزت فانجزت فى اخر فقره هى دى المشكله وعلشان كده محتاجين وزاره شجاعه قادره على اتخاذ قرار زى ده واللى حيعود بالنفع على المجتمع كله بغض النظر عن انتقادات غير مجديه او سفسطه فارغه مش حتقدمنا
بجد لازم قرارات زى دى تتاخد فى اقرب وقت علشان نلحق نطلع من صف العالم التالت ونتقدم شويه
شكرا لردك .

المشاركة الأصلية كتبت بواسطة monamize4

متفق معاك تماما

فعلا مش معقول يبقى واحد عنده 22 سنة و لسه بيدرس !!!!!!!
الصح ان معظم الشباب يشتغل بعد ثانوى و بكدة هنزود طبقة العمال
و ساعتها هتبقى كلمة عامل ليها معنى افضل من معناها الحالى لانه هيبقى
تعليمه كويس مش مجرد "اسطى"

و المفروض كمان ان الجامعة يرجع ليها هيبتها
و انها تبقى بمصاريف عالية او بمنح للمتفوقين
ساعتها بس نقدر نستنى من طالب الجامعة ان يقدر يبنى البلد
لانه بجد هيكون رايح يتعلم مش يعد ف الكافتيريا و يهزر مع اصحابه

هو ده اللى فعلا لازم يحصل .

المشاركة الأصلية كتبت بواسطة besso

للاسف هى منظومه متاكمله وثقافه شعب كمان

يعنى علشان الكلام ده يحصل لازم يكون فيه سوق عمل يتقبل خريخ التعليم الاساسى يعنى ما يعاملوش على انه فاشل معرفش يخش كليه وبردو لازم تكون الدوله قادره انها تطور التعليم الاساسى بحيث الخريج ما يبقاش ناقصه حاجه او ما يبقاش جاهل وبكده التعليم العالى يبقى وسيله للارتقاء اكتر بمستوى الفرد للى عايز يعلى بشأنه ومستواه

هى الفكره ان المجتمع حيتقبل الشخص ده مجبرا لان الشخص ده حيبقى اخوه وابنه وقريبه وطبعا العامل حيتحول لمواطن بيجبر المجتمع انه يحترم لان سلوكه حيتغير لانه من طبقه محترمه وموضوع شغله المهنى هو عمل شريف ليس الا
كمان انت لازم تغير ثقفاه لاشعب يعنى نظره المجتمع لخريج الثانوى العام وخريج التعليم لافنى للاسف نظره دونيه اوى
لازم الكلام ده يتغير لازم كمان يكون فيه تنميه للفرد نفسه وتوعيه اكتر بحيث انه يبص للتعليم على انه مش مجرد شهاده لا ده وسيله للارتقاء بمستوى الانسان وان خريج الثانوى او الدبلوم ما يوقفش لحد كده ويكتفى لا لازم يكون عنده الاراده والهدف اللى يخليه يتعلم اكتر ويعلى اكتر وانه ما يبصش للتعليم العالى انه مجرد شهاده

عارف حضرتك الموضوع لو اتنفذ بعد دراسه محترمه وبخطه زمنيه محدده التعليم الاساسي حتتطور مناهجه ويتأهل المدرسين للتربيه قبل التعليم حيحصل اللى حضرتك بتقول عليه تلقاءيا ثم ان طموح الانسان وحبه للتحسين من مستواه هو اللى حيخلى المهن والتجاره الحره يكون فيها مبدعين يتنافسوا مع بعض بشرف
لاسف لو قارنا العصور القديمه بالعصر الحالى
تلاقى عدد الجامعات زمان كان قليل جداااا لكن عدد العباقره والمتميزين +كمان مستوى المجتمع ساعتها كان عامل ازاى قارن كل ده بقى بعدد الجامعات اللى موجوده دلوقتى مش فى مصر بس لا فى العالم وشوف عندك كام عالم او عبقرى او مخترع هتلاقى الفرق كبييير لان الرساله العليمه نفسها اتغيرت زمان كانت لهدف العلم دلوقتى مجرد شهاده اعرف اشتغل بيها واتجوز بيها وبس

وعلشان تعمل كل الكلام ده محتاج اجيال جديده عقولها فاضيه وانت تحفر فيها اللى انت عايزه وتعلمه صح هو ده اللى بيعمل تقدم
عندك حق طبعا وده دليل اكبر على وجوب اتخاذ قرار فى الموضوع ده بس اسمحللى اختلف معاك فى جزئيه اننا محتاجين اجيال جديده بشكل كامل للتغيير التغيير ممكن يحصل دلوقتى ويظهر اثره بعد 10 سنين

حقيقى الواحد متفائل لان الموضوع محدش معترض عليه اجمالا والاعتراضات كلها تفصيليه ممكن تتحل بس الواحد يتمنى وجود سلطه تنفيزيه تقدر تاخد القرار الهايل ده وتتحمل شويه اللغط اللى حيحصل بس حتنفع البلد وحتغيرها للابد .
تحياتى .

أستاذ أسلام كلام جميل و نظري إلى حدا ما في حتة المسئولية و الكلام ده

أنت عندك مشاكل اجتماعية كبيرة من تأثير الثقافة و الدين مع بعض .

رجال الدين بيشجعوا الناس تخلف عيال كثير بغض النظر عن القدرة على التربية و بغض النظر عن الناتج من هذا التكاثر الأرنبي !

الخطاب الديني يجب ان يتطور و ان يكون رجال الدين فاهمين

يعني تلاقي مصر بتأخد معونات (لو المعونات دي وقفت أحنا تقريبا ممكن نقتل بعض )
معونات و ديون خارجية و مساحة أرض زراعية بتقل و بنبني عليها نتيجة الأنفجار الأرنبي ..... و المياه بقتل و الزراعة بتقل
و تلاقي لسه فيه ناس بتكرر مقولة دي مصر غنية بس بتتسرق !!!!

الثقافة نفسها في الجلاش يا فندم و المتعلم قبل الجاهل بيردد الكلام ده .

لازم نقف على مشاكلنا و نعرفها و نعرف أساسها و جذورها أيه ... و بعدين نضع الحلول .

هاديك مثال على الثقافة دي

طبعا كلنا عارفين أن الدعم عموما هو منظومة فاسدة و غير عادلة

دعم البنزين .... الناس هنا في المنتدى عملت عليه بالوا ....... خصوصا الناس اللي بتستهلك كتير .
مع ان المستهلك كتير ده بياخد دعم بتاع المستشفى و التعليم و الصحة ........... من بقية الشعب
و أنا واحد من الناس دي و لا أستثني نفسي .

محدش عايز يساعد الحكومة و محدش عايز يتنازل عن أي حاجة مقابل ان البلد تتحسن و محدش حاسس بحد نهائيا .
كله بيفكر لنفسه فقط لا غير .

طبعا أنا آسف أني أتكلمت في حاجة غير موضوع التعليم و لكن الحاجات كلها متشابكة

تعالى كدا أعلن أن الحكومة هاتوقف مجانية التعليم الجامعي ؟؟؟؟؟؟؟؟؟؟ و شو ف الناس هاتعمل أيه و رد الفعل هايكون أيه ؟؟؟؟؟؟

أحنا أصبحنا شعب أناني و أخد على المعونات و المساعدات .... محدش بقى عايز ينتج و تشوف الناس و هي بتشحت في الشارع بدون أدنى كرامة و قمة في البجاحة و ناس كتيرة كدا .

على العموم أي شئ يتم تنفيذه يجب تنفيذه تدريجيا علشان الناس ما تحسش به قوي .

و أنا متفق في أغلب الكلام اللي أنت طرحته في اول الموضوع .

مع تحياتي

المشاركة الأصلية كتبت بواسطة tutankhamoun

أستاذ أسلام كلام جميل و نظري إلى حدا ما في حتة المسئولية و الكلام ده

أنت عندك مشاكل اجتماعية كبيرة من تأثير الثقافة و الدين مع بعض .

رجال الدين بيشجعوا الناس تخلف عيال كثير بغض النظر عن القدرة على التربية و بغض النظر عن الناتج من هذا التكاثر الأرنبي !

الخطاب الديني يجب ان يتطور و ان يكون رجال الدين فاهمين

يعني تلاقي مصر بتأخد معونات (لو المعونات دي وقفت أحنا تقريبا ممكن نقتل بعض )
معونات و ديون خارجية و مساحة أرض زراعية بتقل و بنبني عليها نتيجة الأنفجار الأرنبي ..... و المياه بقتل و الزراعة بتقل
و تلاقي لسه فيه ناس بتكرر مقولة دي مصر غنية بس بتتسرق !!!!

الثقافة نفسها في الجلاش يا فندم و المتعلم قبل الجاهل بيردد الكلام ده .

لازم نقف على مشاكلنا و نعرفها و نعرف أساسها و جذورها أيه ... و بعدين نضع الحلول .

هاديك مثال على الثقافة دي

طبعا كلنا عارفين أن الدعم عموما هو منظومة فاسدة و غير عادلة

دعم البنزين .... الناس هنا في المنتدى عملت عليه بالوا ....... خصوصا الناس اللي بتستهلك كتير .
مع ان المستهلك كتير ده بياخد دعم بتاع المستشفى و التعليم و الصحة ........... من بقية الشعب
و أنا واحد من الناس دي و لا أستثني نفسي .

محدش عايز يساعد الحكومة و محدش عايز يتنازل عن أي حاجة مقابل ان البلد تتحسن و محدش حاسس بحد نهائيا .
كله بيفكر لنفسه فقط لا غير .

طبعا أنا آسف أني أتكلمت في حاجة غير موضوع التعليم و لكن الحاجات كلها متشابكة

تعالى كدا أعلن أن الحكومة هاتوقف مجانية التعليم الجامعي ؟؟؟؟؟؟؟؟؟؟ و شو ف الناس هاتعمل أيه و رد الفعل هايكون أيه ؟؟؟؟؟؟

أحنا أصبحنا شعب أناني و أخد على المعونات و المساعدات .... محدش بقى عايز ينتج و تشوف الناس و هي بتشحت في الشارع بدون أدنى كرامة و قمة في البجاحة و ناس كتيرة كدا .

على العموم أي شئ يتم تنفيذه يجب تنفيذه تدريجيا علشان الناس ما تحسش به قوي .

و أنا متفق في أغلب الكلام اللي أنت طرحته في اول الموضوع .

مع تحياتي

احنا فعلا محتاجين نتفطم ونبطل نعتمد على الحكومه في كل حاجه.