الموضوع: مجانيه التعليم الجامعى هل هى الاسلوب الافضل ؟؟؟

المشاركة الأصلية كتبت بواسطة tutankhamoun

أستاذ أسلام كلام جميل و نظري إلى حدا ما في حتة المسئولية و الكلام ده

أنت عندك مشاكل اجتماعية كبيرة من تأثير الثقافة و الدين مع بعض .

رجال الدين بيشجعوا الناس تخلف عيال كثير بغض النظر عن القدرة على التربية و بغض النظر عن الناتج من هذا التكاثر الأرنبي !

الخطاب الديني يجب ان يتطور و ان يكون رجال الدين فاهمين

يعني تلاقي مصر بتأخد معونات (لو المعونات دي وقفت أحنا تقريبا ممكن نقتل بعض )
معونات و ديون خارجية و مساحة أرض زراعية بتقل و بنبني عليها نتيجة الأنفجار الأرنبي ..... و المياه بقتل و الزراعة بتقل
و تلاقي لسه فيه ناس بتكرر مقولة دي مصر غنية بس بتتسرق !!!!

الثقافة نفسها في الجلاش يا فندم و المتعلم قبل الجاهل بيردد الكلام ده .

لازم نقف على مشاكلنا و نعرفها و نعرف أساسها و جذورها أيه ... و بعدين نضع الحلول .

هاديك مثال على الثقافة دي

طبعا كلنا عارفين أن الدعم عموما هو منظومة فاسدة و غير عادلة

دعم البنزين .... الناس هنا في المنتدى عملت عليه بالوا ....... خصوصا الناس اللي بتستهلك كتير .
مع ان المستهلك كتير ده بياخد دعم بتاع المستشفى و التعليم و الصحة ........... من بقية الشعب
و أنا واحد من الناس دي و لا أستثني نفسي .

محدش عايز يساعد الحكومة و محدش عايز يتنازل عن أي حاجة مقابل ان البلد تتحسن و محدش حاسس بحد نهائيا .
كله بيفكر لنفسه فقط لا غير .

طبعا أنا آسف أني أتكلمت في حاجة غير موضوع التعليم و لكن الحاجات كلها متشابكة

تعالى كدا أعلن أن الحكومة هاتوقف مجانية التعليم الجامعي ؟؟؟؟؟؟؟؟؟؟ و شو ف الناس هاتعمل أيه و رد الفعل هايكون أيه ؟؟؟؟؟؟

أحنا أصبحنا شعب أناني و أخد على المعونات و المساعدات .... محدش بقى عايز ينتج و تشوف الناس و هي بتشحت في الشارع بدون أدنى كرامة و قمة في البجاحة و ناس كتيرة كدا .

على العموم أي شئ يتم تنفيذه يجب تنفيذه تدريجيا علشان الناس ما تحسش به قوي .

و أنا متفق في أغلب الكلام اللي أنت طرحته في اول الموضوع .

مع تحياتي

ا/tutankhamoun انا معاك فى صعوبه تقبل الناس ان الحكومه تشيل المعلقه من بقهم بس هو ده الصح مفيش دوله محترمه فى العالم بتدعم الشعب كله غنى ومتوسط وفقير وفى كل المجالات الحكومات المحترمه بتدعم الفقراء وجزء من الطبقه المتوسطه"الاكثر احتياجا" فقط وعلى الطبقات الاعلى التكيف مع اوضاعها علشان الحكومه تقدر تصرف على البنيه التحتيه والمشروعات الاستثماريه خاصه ان موازنه الدوله تحس انها عايزه تترمى فى الزباله الايرادات اغلبها من الضرايب ومصر كلها بتتهرب من الضرايب الا الموظفين والمصروفات كلها على الدعم والمرتبات ومع ذلك الناس بتطالب الحكومه بتحسين الخدمات والبنيه التحتيه -اكيد فى سرقه بس مش بالشكل اللى الناس متخيلاه- على الرغم ان ايرادات اى موازنه فى اى دوله تلاقى الضرايب فيها رقم يخض لان الضرايب بره على النفس مفيش حاجه منغير ضريبه والمصروفات اغلبها اقتصاديه .

فلازم الحكومه تاخد قرارات جريئه زى الغاء دعم بنزين 95 كده اللى اتمل عليه ضجه وبعدها الناس تقبلته وتكيفت معاه لان الفلوس اللى بتدعم البنزين المفروض تتوجه لدعم المواصلات العامه وتحسين الطرق وايجاد وسائل مواصلات احدث واسرع وهكذا فى كل المجالات وده موضوع اخر غير اللى بنتكلم فيه بس بصراحه لازم نتكلم فيه لانه اساس الازمه اللى المصريين دايما بيهربوا منها .

ممكن نبدأ فى موضوع التعليم بالتدريج بس المشكله انه حل واحد لازم يتعمل مع بعضه وعلى التوازى فلازم نعترف الاول بوجوب الحل وبعدها نتكلم فى التنفيذ خصوصا ان طالما الناس مش عايزه تساعد الحكومه المفروض منتوقعش ان الحكومه حتساعدنا ولكن نتوقع انها لازم تضحك علينا فتدينا علاوه من هنا وترفع الضرايب والاسعار من هنا لان المسؤل الحكومى مش ساحر ولا حاجه وهو مننا اصلا .
من الاخر محدش بيساعد الشعوب الا نفسها
تحياتى ليك ولأرائك المحترمه.

المشاركة الأصلية كتبت بواسطة Ahmed_Adham

احنا فعلا محتاجين نتفطم ونبطل نعتمد على الحكومه في كل حاجه.

هو ده الحل ومفيش غيره .
تحياتى.