ادفع فلوس الشقة واستلمها بعد 15 يوم ؟

**qkash.com** · 23-10-2013 05:53 AM

زي ما العضو المحترم ما قالك ليه الست دي متفضيش الشقة وبعدين تكتبوا العقد وتاخد فلوسها
وازاي انت مشفتش صاحبة الشقة ولا اتكلمت معاها؟؟؟؟؟امال الموافقة جاتلك ازاي؟ لو عن طريق السمسار؟؟؟ طيب وايه اللي يثبت انها موافقة علي السعر بتاعك اعتقد السمسار ده نصاب وممكن يكون متفق علي سعر تاني خالص علشان كده مش عايز يوصلك للست صاحبة الشقة
وممكن يكون الموضوع كله اشتغالة كبيرة وحوار نصب مترتب كويس من السمسار وتكون الشقة دي مجرد اداة للنصب ولا هي للبيع ولا الست دي هي صاحبتها اصلاً والموضوع كله حوار كبير

**محمد يوسف** · 23-10-2013 10:10 AM

المشاركة الأصلية كتبت بواسطة qkash.com

زي ما العضو المحترم ما قالك ليه الست دي متفضيش الشقة وبعدين تكتبوا العقد وتاخد فلوسها
وازاي انت مشفتش صاحبة الشقة ولا اتكلمت معاها؟؟؟؟؟امال الموافقة جاتلك ازاي؟ لو عن طريق السمسار؟؟؟ طيب وايه اللي يثبت انها موافقة علي السعر بتاعك اعتقد السمسار ده نصاب وممكن يكون متفق علي سعر تاني خالص علشان كده مش عايز يوصلك للست صاحبة الشقة
وممكن يكون الموضوع كله اشتغالة كبيرة وحوار نصب مترتب كويس من السمسار وتكون الشقة دي مجرد اداة للنصب ولا هي للبيع ولا الست دي هي صاحبتها اصلاً والموضوع كله حوار كبير

كلام سليم جدا .. وحصل كتير مع ناس نعرفهم

**A.Saad** · 23-10-2013 10:46 AM

المحامى بتاعك صح
وانت صح
حل وسط

شوف ورق الشقة
اكتب العقد
الفلوس عند استلام الشقة بعد ال 15 يوم واما تكون فاضية تماما وفى الشقة نفسها ومعاك اصحاب من كل مكان

لو الحوار اتغير وقالوا انك هتستلم ساعتها برده مش تروح بفلوس
خليهم جاهزين مع حد فى مكان قريب امان

وممكن تروح تسال عن الشقة دى الجيران عليها مشاكل وخناقات ولا لا
او واحد صاحبك علشان السمسار مش يشوفه

موضوع السمسار امين
مع الاحترام ليه
اى نصاب بيلعب على طمع الناس
ومش بيبان انه مشكوك فيه الا بالعافية
وممكن ساعتها يقولك انا اتنصب عليا انا كمان زيك

**أحمد كمال** · 23-10-2013 01:47 PM

بص يابن الناس عشان انا خطيبتي من كام سنة لبستني في شقة لان كان نفسها فيها و يا الشقة دي يا الجوازة تبوظ و مضيت على عقد المحامي مش موافق عليه و كانت ايام سودة

و في الاخر لبست اسود و الراجل رمالي فلوسي و ناقصة و بالذل بعد سنتين اما الاسعار ولعت و ان كان عاجبك

و هي و اهلها قالوا لي شوف شقة زيها يا مع السلامة !!

خطيبتك و اهلها مش هينفعوك اما يتنصب عليك في شقا عمرك

انت صح

اعمل الصح لحماية شقاك و التفكير الصح في الامور العملية مثل شراء العقارات يكون بالعقل لا العاطفة زي ما الستات بتفكر (عايزة دي يبقى خلاص عايزة دي و فكك من الرسميات الخ الخ )

مفيش حاجة اسمها محبكها ....... انت لو بتشتري موبايل و قلت لك هات ال 1000 و لا 2000 تمن الموبايل و اديني يومين افضي الداتا بتاعتي و اديهولك مش هتوافق فما بالك بشقة

**abou-yahia** · 23-10-2013 03:10 PM

الموضوع بسيط ان شاء الله

حضرتك لو الشقه لقطه وعجباك وفرصه متقدرش تضيعها

تروح وتمضي العقد وتخلي عليه شهود

وتاخد توكيل من صاحب الشقه في البيع والتنازل والتعامل مع الكهرباء والمياه

وتاني يوم تعمل بلاغ في القسم ان باب الشقه لقيته مكسور وعايز تعمل محضر

بس يا سيدي

حيقولك مين صاحب الشقه

ساعتها حتطلع الورق اللي معاك وحيثبت في محضر رسمي

وتبلغ صاحب الشقه انه يجي ياخد حاجته ساعتها

وبكده تكون ضربت عصافير الشجره كلها بحجر واحد

ثبت ان الشقه بتاعتك واستلمتها من غير تاخير

تحياتي

**أحمد كمال** · 24-10-2013 12:35 AM

بص ابويا الله يخليه في الحاجات الكبيرة دي ليه مقولة باسمعها منه من و انا عندي 7 سنين

يقول لي يابني هو احنا رايحين نشتري قزازة بيبسي كولا ؟؟؟؟؟؟؟ دي (كذا) ..... (شقة ...... عربية ..... كمبيوتر ايام ما كان حاجة قيمة ...... الخ الخ) ......