الموضوع: ادفع فلوس الشقة واستلمها بعد 15 يوم ؟

هااا ايه الاخبار؟ الحوار طلع ايه؟ انا عندي فضول اعرف اخر اساليب النصب

انا مش فاهم لو الشقه ايجار قديم ازاى الست هاتبعيلك لازم صاحب العمارة هو اللي يبيع والست دى المفروض انها حق انتفاع ياعنى ماتقدرش تبيع ولا هى المالكه وهاتبيعلك ايجار قديم

المشاركة الأصلية كتبت بواسطة beshomilan

دلوقتى انا خاطب وقدامى شقه قانون قديم وصاحبتها مش عايشه فيها بقالها كذا سنه بس عفشها فيها وسايبه مفتاحها مع السمسار بقالها كتير يفرج عليها الناس اللى ناويه تشترى

السمسار ده انا بقالى معاه سنه بلف وعرفته عن قريب بس مش معرفه شخصيه وهو حد كويس وامين..ومكتبه قدام البيت اللى فيه الشقه دى

المهم قلت اخلص فيها والست متردده ولطعتنا كتير على بال ماردت وفكرت وسألت وكانت مستنيه تجيب اكتر وتعبانه وحوارات على بال ماردت ورضيت بالمبلغ بتاعنا رغم انه كتيراصلا على تمن الشقه وباين جدا انها ست مقرفه

المهم اتفقنا مع السمسار نخلص الجمعة او السبت الجاىين عشان سيادة صاحبة الشقه اجازتها فى الايام دى وانا اصلا بيكون عندى شغل وقلت عادى

ولقيت السمسار طلب نروح لصاحب البيت فى منطقه بولاق على الكورنيش عشان نخلص القعده ورغم انى معارض تماما الفكره انى اروح لحد بلفلوس وكنت طالب ان القعده تكون عند السمسار اللى مكتبه قدام البيت اللى فيه الشقه ولكنه قال لا ده راجع غنى ومرتاح والدنيا امان والكلام اللى مليش علاقه بيه ده..وعديت الدنيا ومقلتش حاجه

ومن شويه لقيت السمسار بيقوللى ان صاحبة الشقه بعد مانمضى العقد وتاخد الفلوس قال ايه هتاخد 15 يوم عشان تفضى الشقه من عفشها!!!!وفالوقت ده هيكون المفتاح معاه هو!!

قلتله يعنى ايه؟؟انا ادفع فلوسى كامله ويبقى المفتاح مش معايا؟؟وهو تنزيل سرير بدولاب بشويه كراكيب هياخد 15 يوم؟؟

قاللى انت مش ضامننى وانا المفتاح معايا وامان والكلام الحمضان ده؟؟قلتله وانا مالى بكل ده؟؟يعنى ادفع الفلوس وافضل اجرى وراك ووراها عشان تدونى مفتاح شقتى؟؟

ده شقى عمرى ادفعه فحاجه مخدتهاش؟؟وانا اضمن منين السمسار وصاحب الشقه وصاحب البيت اصلا؟؟؟وافرض الست دى اخرتنى شهر او شهرين او اكتر ايه الحل؟؟اجرى وراكم وانا دافع فلوس اصلا فحاجه بتاعتى؟؟؟

رغم ان المحامى بتاعى وهو راجل ثقه جدا قاللى احذر تمضى عقد اى شقه وتدفع فلوس ومتاخدش المفتاح وتغير الكالون بعدها..وحذرنى اوى من الموضوع وانا بسبب كده فشكلت كذا شقه بسبب نفس الموضوع

وخطيبتى شايفه انى محبكها اوى ومتزمت ولازم اسايس الامور عشان الدنيا تمشى واننا بقالنا سنه ونص مخطوبين وضيعنا كذا شقه بسبب نفس الحوار وانى وانى....واسباب ضياع الشقق كتيره زى احيانا صاحب البيت معهوش ورق ملكيته للبيت اللى هناخد فيه الشقه وحوار انى استنى كام اسبوع عشان العفش يخرج وحوارات كتير لا داعى لذكرها

فهل كده انا غلطان ياجماعة؟؟ قولولى عشان انا تعبت بجد

إنت صح

فى الزمن ده الفلوس مع المفتاح يدا بيد

إيه المشكلة إنها تفضى الشقة فى 15 يوم و بعد كدة تسلم الشقة و تستلم الفلوس و ممكن تاخد مبلغ صغير ربط كلام و تستلمه بإيصال

هما حلين ملهمش تالت
هتدفع الفلوس كلها تاخد المفتاح والشقة تبقي فاضية لو مش فاضية تيجي في يوم واحد تشيلهم وخلاص
الحل التاني تسيبك من الكلام دا والحوار دا ولا تبيع ولا تشتري