عرض للطباعة
السلام عليكم ورحمه الله وبركاته
اخوتى بارك الله فيكم لدى استفسار
انا سيارتى بولو 1998 ومن 6 أشهر تقريبا اتقطع سلك الدبرياش وغيرته بس ركبت العادى مش الاوتوماتيك
وبعدين اتقطع تانى فجأه من يومين ركبت سلك جديد النهارده والميكانيكى ظبطه
لكن لما مشيت لقيت العربيه مش بتسحب بتمشى على 40 بالعافيه
رجعت له تانى قالى انها محتاجه طقم دبرياج
ازى اتأكد ان كلامه مظبوط؟؟
متابع ...........
العربية قبل قطع اسلك الدبرياج كان سحبها كويس ولا لأ؟؟؟
لو سحبها ماكنش كويس يبقى فعلا الطقم عايز يتغير
هل بعد تركيب السلك الجديد دواسة الدبرياج بقت واطية عن وضعها الطبيعى؟؟؟
لو فعلا واطية يبقى الراجل شادد سلك الدبرياج ترجعله تخليه يهويه شوية
تعرف ان طقم الدبرياج محتاج تغيير لما تدوس بنزين وال Rpm يعلى ( الى أخره ) وانت معشق نقله ومش دابس على الدبرياج خالص مع عدم وجود تسارع فى العربيه وخاصه فى المطالع ( يعنى تحس انك ممور بالرغم انك معشق ) وحاجه تانى ان العربيه ممكن تطلع على التالت من وضع الثبات بدون المرور على الأول او التانى بدون رجرجه قى العربيه . مع الأحتمال اللى قاله الأستاز romieh فى التعليق السابق