الموضوع: علشان لما حد يقولكوا إن الشعب المصري متدين بطبيعته تبقوا تصدقوا

المشاركة الأصلية كتبت بواسطة أبو بودي وعمر

طبعا راح عمل محضر في قسم الخانكة والبهوات اللي مش فاضيين طبعا للحاجات الهايفة دي علشان مشغولين بمحاربة الإرهاب قالوله اتفاوض مع العصابة !

شعارات الحكومة كانت :-
الشرطة في خدمة الشعب ، الشرطة في خدمة الوطن
وتم تعدلها صورياً :-
الشعب والوطن في خدمة الشرطة
وبالتفويض :
الجيش والشرطة أيد واحدة ضد .... ( الأرهاب فقط )
ودلوقتي أصبحت :-
من أنهاردة مفيش حكومة – أنا الحكومة
كل واحد يكون حكومة نفسه
وأعتبروا إن سؤالنا عن حقوقنا من الحكومة أو الشرطة
دي بمثابة : السؤال لغير الله مزلة !

المشاركة الأصلية كتبت بواسطة أبو بودي وعمر

يا بيه احنا مبنقبلش على نفسنا فلوس حرام !
صدقتوا إننا شعب متدين بطبيعته ولا لسة ؟!!

فكرتني بفيلم العار !
كان تاجر مخدرات ومش عايز يعمل قرض بنك علشان نسبة الفوائد حرام !
وياريت بلاش ندخل الدين في السياسة ! ،هذه نقرة وهذه نقرة
أنتم مش شايفين اللي بيدخل الدين في السياسة بيحصل له أيه !!

اللي بيحصل في البلد دي سياسة ! واللي بيعملوا كده في البلد عندهم دين !
والإرهاب بأة دي الشماعة !
والموضوع دا في الإجتماعي

ربنا يجعل كلامنا خفيف عليهم

المشاركة الأصلية كتبت بواسطة M.Mosaad

ربنا يردله ضالته ان شاء الله
حاجة بقت تقرف - خليه يقول للداخليه البلطجيه كانوا لابسين تي شيرتات رابعه او معاهم بلالين عليها شعار رابعه او كانوا ملثمين ملتحين و هما يقلبوا الدنيا علي العربيه

معلشي لازم نستحمل الجوع و المرض علشان الشرطه تعيش و تسترد ثقتها في نفسها

هم يبكي وهم يضحك

( دا أنا كرهت اللون الأصفر وبخاف منه رغم أني كنت بحبه )
وضربت أبني في العيد لما جاب بلونات صفرة أو لما يقول لي باي باي ومش موضح الخمس صوابع .
دا أنا حتى بخاف أحط أي أيكونة من قائمة الإبتسامات علشان لونها أصفر

المشاركة الأصلية كتبت بواسطة تامر.محمد

امبارح او النهارده صفحة المنتدى على الفيس اعلنت عن ان عضو اثناء محاولة سطو على عربيته قدام هايبر وان ........... لقي مصرعه
الله يرحمه

أنه في الجنه إن شاء الله
وأنا شخصياً – رغم أني سيدة سأفعل مثله دفعاً عن ديني ونفسي وحقي وأموالي وأولادي
فعَنْ أَبِي هُرَيْرَةَ رضي الله عنه قَالَ : جَاءَ رَجُلٌ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَ : يَا رَسُولَ اللَّهِ أَرَأَيْتَ إِنْ جَاءَ رَجُلٌ يُرِيدُ أَخْذَ مَالِي ؟ قَالَ : فَلَا تُعْطِهِ مَالَكَ ، قَالَ : أَرَأَيْتَ إِنْ قَاتَلَنِي ؟ قَالَ : قَاتِلْهُ ، قَالَ : أَرَأَيْتَ إِنْ قَتَلَنِي ؟ قَالَ : فَأَنْتَ شَهِيدٌ ، قَالَ : أَرَأَيْتَ إِنْ قَتَلْتُهُ ؟ قَالَ: هُوَ فِي النَّارِ . رواه مسلم ( 140 ) .
وعَنْ سَعِيدِ بْنِ زَيْدٍ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قُتِلَ دُونَ مَالِهِ فَهُوَ شَهِيدٌ ، وَمَنْ قُتِلَ دُونَ أَهْلِهِ فَهُوَ شَهِيدٌ ، وَمَنْ قُتِلَ دُونَ دِينِهِ فَهُوَ شَهِيدٌ ، وَمَنْ قُتِلَ دُونَ دَمِهِ فَهُوَ شَهِيدٌ ) .