شراء شقة تقسيط ورفع قضية صحة توقيع(استفسار)

**mohabelnegm** · 23-10-2013 09:10 AM

مع أخر قسط بتدفعة بتاخد من صاحب الشقة 3حاجات,
أول حاج امضاء على "ملحق للعقد" بتكتب فى عنوانة ملحق للعقد اللى بتاريخ كذا بخصوص الشقة كذا(و بتكتب نفس المقدمة اللى كانت مكتوبة فى العقد ألأصلى بخصوص الشقة) و بتكتب فى الملحق أن صاحب الشقة أستلم كافة مستحقاتة و أن الشقة أصبحت ملكية تامة ليك ألخ..
الحاجة التانية بتكون توكيل بالبيع للنفس و الغير و التعامل مع المياه و الكهرباء و الغاز و التليفونات.
الحاجة التالتة تنازل موثق فى الشهر العقارى عن عداد الكهرباء علشان تعرف تنقلة بأسمك لأن فى الكهرباء فى محافظات بيرفضوا صحة التوقيع و بيطلبوا التنازل ده
طبعا الحاجات ديه بتطلبها منه و مابتديلوش القسط ألأخير الا لما بيديلك الورق ده (أنا كنت حتى كاتب الكلام ده فى العقد, ربط دفع القسط ألأخير بتخليص الورق ده)

**mastr_n** · 23-10-2013 09:46 AM

المشاركة الأصلية كتبت بواسطة mohabelnegm

مع أخر قسط بتدفعة بتاخد من صاحب الشقة 3حاجات,
أول حاج امضاء على "ملحق للعقد" بتكتب فى عنوانة ملحق للعقد اللى بتاريخ كذا بخصوص الشقة كذا(و بتكتب نفس المقدمة اللى كانت مكتوبة فى العقد ألأصلى بخصوص الشقة) و بتكتب فى الملحق أن صاحب الشقة أستلم كافة مستحقاتة و أن الشقة أصبحت ملكية تامة ليك ألخ..
الحاجة التانية بتكون توكيل بالبيع للنفس و الغير و التعامل مع المياه و الكهرباء و الغاز و التليفونات.
الحاجة التالتة تنازل موثق فى الشهر العقارى عن عداد الكهرباء علشان تعرف تنقلة بأسمك لأن فى الكهرباء فى محافظات بيرفضوا صحة التوقيع و بيطلبوا التنازل ده
طبعا الحاجات ديه بتطلبها منه و مابتديلوش القسط ألأخير الا لما بيديلك الورق ده (أنا كنت حتى كاتب الكلام ده فى العقد, ربط دفع القسط ألأخير بتخليص الورق ده)

ياباشا تسلم ويباركلك فى اولادك وصحتك
فعلا حاجات الواحد ماكنش عامب حسابة عليها اللة ينور
يعنى دلوقتى اعمل صحة التوقيع بس لحين ميعاد الدفعة الاخيرة واعمل الكلام اللى حضرتك قولت علية؟

**mesaharaty** · 23-10-2013 09:58 AM

طيب - وبعد إذن صاحب الموضوع الكريم - فيه سؤال ربما يثرى النقاش فى الموضوع .
لو واحد شارى شقة ومعاه توكيل بالبيع للنفس والغير والتعامل مع الجهات الحكومية وغير الحكومية والتوكيل ده بقاله مثلا 10 سنين ومافيش صحة توقيع ، فما هو بالتفصيل الإجراء القانونى المتبع فى هذه الحالة لكى يقوم المشترى بإجراءات التمليك الصحيحة حتى يضمن أن تؤول الشقة لملكيته ؟

مع الشكر

**A.Saad** · 23-10-2013 10:49 AM

صحة توقيع يعنى ان توقيعك فقط صحيح
مالوش دعوة بالعقد ايه نظامه ولا يثبت ملكية ولا حيازة
معاك صور ورق الارض
شوف امكانية التسجيل شهر عقارى
او صحة وتعاقد على الاقل

**محمد بلال** · 23-10-2013 03:14 PM

سؤال لصحاب الموضوع ايه نظام الشقة وايه نظام التقسيط بتاعها علشان انا ببحث على شقة يكون تقسيط سنوى او نصف سنوى وشكرا جزيلا

**mohabelnegm** · 24-10-2013 12:03 AM

المشاركة الأصلية كتبت بواسطة mastr_n

ياباشا تسلم ويباركلك فى اولادك وصحتك
فعلا حاجات الواحد ماكنش عامب حسابة عليها الله ينور
يعنى دلوقتى اعمل صحة التوقيع بس لحين ميعاد الدفعة الاخيرة واعمل الكلام اللى حضرتك قولت علية؟

صحة التوقيع أعملها علطول بالعقد اللى معاك و فى أول قعدة مع البائع تبتدى تتكلم معاه فى الحاجات ديه علشان كل حاجة تبقى واضحة من ألأول (التوكيل و التنازل عن عداد الكهرباء). ملحق العقد كده كده هايمضى عليه مع أخر قسط. فيه ملاك بيطلبوا فلوس لتغيير عداد الكهرباء"أتمنى أن البايع بتاعك ميكونش من الناس ديه" حصلت معايا مرة فى شرا شقة أنه طلب ألفين جنيه فى عمل التنازل عن عداد الكهربا و بالعافيه خد ألف و خمسماية.

**drcobra** · 05-11-2013 01:46 PM

فى نقطة مهمة لو الشقة ليها ضرايب عقارية روح انت ادفعها بالعقد اللى معاك وخد وصل بالمبلغ (بيبقى مبلغ بسيط كل سنة) ودا اثبات قوى جدا فى ملكيتك للشقة.

**Mohamad hamed** · 11-03-2018 06:36 AM

السلام عليكم
انا اشتريت شقة جديدة بالقسط والمالك بيقول انة هو الى هركب العدادات عداد الكهرباء وعداد المياة بس بيقلى ان عداد الكهرباء مش هيبقا باسمك لانة عداد كودى الى بيتشحن لكن المياة هيبقا باسمى هل فعل كلامة صحيح ولا اخليه يكتبة باسمى عداد الكهرباء و
هل لبد ان اخذ منه توكيل فى الشقة قبل اخر قسط
وهل تسجيل العقد فى الشهر العقارى يغنى عن التوكيل

افيدونى