شراء شقة تقسيط ورفع قضية صحة توقيع(استفسار)

**mastr_n** · 23-10-2013 07:49 AM

السلام عليكم

كنت عايز اخد رأيكوا فى موضوع
الحمد للة اشتريت شقة بس طبعا مش كاش عليها افساط نصف سنوية تخلص فى 2015 المهم انا دفعت دفعة التعاقد والراجل عملى عقد وكل واحد فينا معاة نسخة من العقد
انا اشتريت بدون محامى بصراحة الراجل مهندس استشارى وهوة صاحب العقار وطبعا اتطلعت على اصول ملكية الأرض وعقد المشاركة بينة وبين صاحب الأرض وكل الأوراق وطبعا شوفت بطاقتة والأوراق كلها متسجلة فى الشهر العقارى يعنى كنت متطمن الى حد ما بعد ماشوقت العقود

دلوقتى لو حبيت ارفع دعوة صحة توقيع على العقد اللى معايا اية الاجراءات المطلوبة وبتاخد وقت اد اية فى المحاكم؟وهل ينفع صحة التوقيع والشفة لسة عليها اقساط؟

وهل الدعوة توضح ان الشقة لا قدر اللة ماتباعتش لحد تانى؟ الزمن دة لازم الواحد ياخد كل احتياطاتة
سؤال اخير متوسط اتعاب المحامى فى حدود كام ؟

**احمد المصرى** · 23-10-2013 08:27 AM

ال اعرفه ان صحه توقيع مش مستند قانونى بمعنى ان ممكن شقه واحده تاخد 10 صحه توقيع وبرضوا اسال محامى يكون فاهم اكتر منى

بس اهم حاجه تنقل عداد الكهرباء والغاز باسمك دا اهم شى فى المرحله دى

**hassanin_lada** · 23-10-2013 08:33 AM

صحة التوقيع مش عقد

ده اثبات ان التوقيع ده توقيعه هو بس مش اكتر بس بتمشي الحال

ةمعظم الناس شغال بيه التكلفة حوالي 250 او 300 يعني في الحدود دي وبتاخد حوالي 4 سهور في المحكمة

بس كنت عملت ليك 3 عقود لان في واحد بتستخدمه في صحة التوقيع وماتطمنش ممكن تعوزه تاني في اي حاجه

حاول تعمل عقد تاني

والاهم من صحة التوقيع والعقود هو وضع اليد وحط تحتها الف خط

ومبروك عليك الشقة ياباشا

**mastr_n** · 23-10-2013 08:41 AM

المشاركة الأصلية كتبت بواسطة hassanin_lada

صحة التوقيع مش عقد

ده اثبات ان التوقيع ده توقيعه هو بس مش اكتر بس بتمشي الحال

ةمعظم الناس شغال بيه التكلفة حوالي 250 او 300 يعني في الحدود دي وبتاخد حوالي 4 سهور في المحكمة

بس كنت عملت ليك 3 عقود لان في واحد بتستخدمه في صحة التوقيع وماتطمنش ممكن تعوزه تاني في اي حاجه

حاول تعمل عقد تاني

والاهم من صحة التوقيع والعقود هو وضع اليد وحط تحتها الف خط

ومبروك عليك الشقة ياباشا

حضرتك ماشاء اللة شكلك فاهم اللة يبارك فى صحتك
دلوقتى لو مافيش امكانية لعمل عقد تالت واعتقد صاحب الشقة مش هايرضى كمان
يبقى مافيش غير العقد اللى معايا يبقى انا هادية للمحامى يعمل بية صحة التوقيع وبعد كدة يدهولى تانى صح كدة؟

واية الضمانات اللى ممكن اعملها تانى لأثبات الملكيىة وجزاك اللة كل حير

**hassanin_lada** · 23-10-2013 08:45 AM

علي فكره عشان ماتقلقش بس انا لسا عامل صحة توقيع لارض مشتريها وفي حته لبش شوية فامتقلقش بس اهم حاجه تكون معاك صورة من الملكيه بتاعته وصورة البطاقة بتاعته لانك هتعوزه في صحة التوقيع

**hassanin_lada** · 23-10-2013 08:47 AM

حاول لو معرفتش مافيش مشاكل

كده كده العقد هيرجعلك تاني ممضي ومختوم من المحكمة

**hassanin_lada** · 23-10-2013 08:49 AM

حاول كل كام يوم كده تروح الشقة وتعرف الجيران انك المالك الجديد يعني في الاول بس يعني اول شهرين او شهر

وبعدين كل فتره ابقي روح هناك يعني عشان مايحسوش ان صاحب الشقة مش مهتم وكده

بص ياباشا من النهاية وضع اليد اهم من اي شئ حتي لو حد رفع قضية بتقعد سنين عشان يتحكم فيها طالما هي في حيازتك انت مطمن

**mastr_n** · 23-10-2013 08:52 AM

المشاركة الأصلية كتبت بواسطة hassanin_lada

علي فكره عشان ماتقلقش بس انا لسا عامل صحة توقيع لارض مشتريها وفي حته لبش شوية فامتقلقش بس اهم حاجه تكون معاك صورة من الملكيه بتاعته وصورة البطاقة بتاعته لانك هتعوزه في صحة التوقيع

هو صاحب الشقة هوة المهندس الاستشارى للبرج وكمان صاحب البرج بالمشاركة وهوة بايعلى شقة من نصيبة فى البرج هوة بصراحة راجل محترم جدااا
بالأضافة ان انا معايا صور من ملكية الأرض وعقد المشاركة
هو انا بس قلقان لأنى اشتريت بنفسى من غير محامى وانت عارف الزمن اللى احنا فية لازم الواحد ياخد كل اختياطاتة

**hassanin_lada** · 23-10-2013 08:59 AM

انشألله خير وهي كانت كلها 100 جنيه للمحامي بس قدر الله ماشاء فعل

بس عجل من موضوع صحة التوقيع وبالتالي المحامي ممكن يقولك علي نقطه او اي حاجه في بنود العقد بس انشألله يبقي تمام

-

الموضوع: شراء شقة تقسيط ورفع قضية صحة توقيع(استفسار)

LinkBack

أدوات الموضوع

عرض

شراء شقة تقسيط ورفع قضية صحة توقيع(استفسار) - انشر الموضوع فى :

-

-

-

-

-

-

-

-

المواضيع المتشابهه

أتعاب قضية اثبات صحة توقيع

تقرير شراء اكسنت rb 2013 من معرض الطارق و تقسيط بنك ناصر

اسفسار عن شراء اوبترا جديده تقسيط بنك ناصر

عاجل ... بخصوص شراء لينيا تقسيط مباشر ... للمهتمين فقط

الكلمات الدلالية لهذا الموضوع

المفضلات

المفضلات

ضوابط المشاركة