الحقوني .. النسخة الوحيدة من الريموت ضاعت

**mostafa8085** · 23-10-2013 12:35 PM

المشاركة الأصلية كتبت بواسطة أحمد جودة

معلش هون على نفسك قدر الله وما شاء فعل

هقولك على فكرة وحل مؤقت

افتح العربية عادي بالمفتاح الانذار هيضرب افتح الكبود وتعالي على السارينة وافصل منها الفردة الارضي لونها اسود وتعالي على جهاز الانذار نفسة اللى غالبا اسفل الطابلوة ونزل الجهاز وافصل منه الفردة الارضي لونها اسود بكدة المشكلة اتحلت بشكل مؤقت

هتتبقي مشكلة المفتاح اللى ضايع جمب البيت احتمال ان شاء الله ابن الحلال اللى هيلاقية ممكن يرجعة وانتا حاول تدور علية لو لاقدر الله ملقتش المفتاح تغير الكاولين فورا وامرك لله ودايما اخي العزيز فى مثل هذه المواقف قول الحمد لله وقدر الله وما شاء فعل وتذكر نعمه الله عليك ((( فكر لو مكنش المفتاح ضاع وخرجت بالعربية ولاقدر الله عملت حادثة او خبط حد ))) يبقيث ضياع المفتاح افضل

تقبل تحياتي

الحمد لله على كل حال و قدر الله و ما شاء فعل
شكرا جدا يا استاذ احمد

**adelghanem** · 23-10-2013 12:47 PM

المشاركة الأصلية كتبت بواسطة أحمد جودة

بهدووووووووووووووء اخي العزيز

هات ريموت تاني وبرمجة بنفسك هتقوللي ازاي أقولك ازاي

فتح الباب بتاع العربية وحط المفتاح فى الكونتاكت وافتح واقفل كونتاكت ورا بعض حوالي 8 مرات هتسمع صوت من جهاز الانذار تدوس على اى مفتاح فى الريموت الجديد ومبروك كدة الجهاز اتعرف على الريموت ....... الكلام عن تجربة أنا عندي وولف ولو تحب اجيبلك المخطط بتاعه لو حبيت تفك الجهاز وتركبة بنفسك

بس أنتا دلوقتي معاك مفتاح منغير ريموت ولا اية الوضع ياريت توضح بالظبط علشان اقولك تعمل اية بالتفصيل ....... نتظر الرد

معلومه جميله .شكرا يااستاذ احمد
بس السؤال هو:
ينفع ابرمج ريموت من ماركه تانيه زى اسباى على انزار وولف ولا لا
اصل انا عندى ريموت اسباى قديم وانزار العربيه وولف
ينفع الريموت يتبرمج ولا لا
وشكرا جزيلا مقدما

**أحمد جودة** · 23-10-2013 12:54 PM

المشاركة الأصلية كتبت بواسطة mostafa8085

الحمد لله على كل حال و قدر الله و ما شاء فعل
شكرا جدا يا استاذ احمد

لاشكر....... على واجب ياريت كنت اقدر اساعد بأكتر من كدة

**أحمد جودة** · 23-10-2013 12:59 PM

المشاركة الأصلية كتبت بواسطة adelghanem

معلومه جميله .شكرا يااستاذ احمد
بس السؤال هو:
ينفع ابرمج ريموت من ماركه تانيه زى اسباى على انزار وولف ولا لا
اصل انا عندى ريموت اسباى قديم وانزار العربيه وولف
ينفع الريموت يتبرمج ولا لا
وشكرا جزيلا مقدما

أعتقد والله أعلم وعلى حسب معلوماتي أنه ينفع بس طبعا مع بعض الاخلافات

الريموت هيشتغل فى الحاجات الاساسية اللى هيا فى اوبشن جهاز الانذار نفسة

يعني تقف العربية تفتحها تدوس على زرار جرس الانذار تعمله صامت

انما لو فى الريموت الجديد مفتاح بيفتح الشنطة ومفتاح بيقفصل العربية لو دايرة

الحاجات دي بالتأكيد مش هتكون شغالة .......... تقبل تحياتي

**أحمد جودة** · 23-10-2013 01:13 PM

المشاركة الأصلية كتبت بواسطة agaty1st

أنا شايف ان ضياع الريموت ده الجزء البسيط من المشكله لأن الانذار جديد ب 150 جنيه
الجزء الكبير من المشكله ان تغير كوالين البابين و الشنطه و الكونتاكت لأن دلوقتي فيه حد تاني معاه المفتاح الي يفتح و يدور بيه كمان

أعتقد ان شاء الله مش هيحتاج يعمل كدة لانه ممكن يلاقي المفتاح ويكون اللى لاقاة ابن حلال

واعتقد ان الاخ اللى بيسألل بيقول أن العربية فى جراج ........ اعتقد الموضوع بسيط ان شاء الله

ومش كل اللى هيلاقي مفاتيح عربية يبقي هيسرقها أو هيديها لحرامي

ربنا يسهل وتلاقي المفاتيح ومش تحتاج تعمل اى حاجة

**mhDeeb** · 23-10-2013 01:36 PM

انا حصلت معايا والمفتاح فقط ضاع من ابنى قبل كدة وكان معايا احتياطى والانذار وتانى يوم غيرت طقم الكوالين والمفاتيح كلها علشان اللى يلاقية حلال عليه دة اسمه احتياطى وقطع الشك باليقين

**أحمد جودة** · 23-10-2013 01:51 PM

المشاركة الأصلية كتبت بواسطة agaty1st

حضرتك استخدمت لفظ (ممكن) و انا متفق معاك تماما في التعبير
كل شىء ممكن لكن المخاطره في الحاله دي عاليه أوي
و انا شخصيا لو حصل معايا الموضوع ده أول حاجه هاعملها هاغير الكوالين و لو مش مستعد ماديا هاركنها في جراج لحد ما اغير الكوالين

والله كلامك منطقي بس أنا حابب اخفف عن الزميل لان جايز المفتاح يكون ضايع وجارة يلاقية ويرجعو ومش هيستفاد غير التكلفة ووجع القلب

بس الزميل صاحب المشكلة هوة اكتر واحد يقيم مخاطر الموضوع المفاتيح ضايعة من يوم واحد بس ووراد يكون حد لاقاة وهيرجعو أو هيسأل على صاحب المفاتيح

المنطقة عندة لو شعبية مثلا طبيعي اللى هيلاقي مفاتيح عربية هيسأل على صاحبها أو هيسيبها مثلا عن البقال ولا عند بتاع الخضار ومنطقي صاحبها هسيب خبر للناس دي لو حد لقي مفاتيح ........ أنا مثلا منطقتي كدة الجيران عارفين بعض وبالفرض لو حد غريب واقف جمب عربيتي الناس بتبقي واخدة بالها من بعض

ومن ناحية تانية خليك مكان اللى لقي المفاتيح هيعمل بيها اية إلا لو كان حرامي مثلا ومتنساش ان العربية فى جراج وبرضو منطقي اللى واقف حراسة على الجراج غالبا بيبقي عارف الناس اللى بتركن عندة ومش هيسمح لحد غريب يدخل الجراج

فى انهاية دي حاجة متروكة لصاحب المشكلة هوة اللى يقدر يحدد مدي خطورة الموضوع
وأسف عل الاطالة
تحياتي لكل من شارك برأية

-

-

-

الموضوع: الحقوني .. النسخة الوحيدة من الريموت ضاعت

LinkBack

أدوات الموضوع

عرض

-

-

-

-

-

-

المواضيع المتشابهه

النسخة الوحيدة والآجمل . تحذير محتوي الموضوع يثير التخيلات والجنون عند بعض الناس

يا خبراء الميجان الحقوني الحقوني الحقوني

الحقوني رخصتي ضاعت اعمل ايه

ليه انا الوحيدة اللى متضايقة منة ؟؟؟

My BMW -E30 الوحيدة في مصر بالحالة دي

الكلمات الدلالية لهذا الموضوع

المفضلات

المفضلات

ضوابط المشاركة