السلام عليكم
احبائي وزملائي الاعضاء الكرام
ممكن من له خبرة في التخلص من الناموس يفيدني باحسن واامن طريقة انا طبعا خايف من الرش المبيدات وبالنسبة لاقراص ريد او ايزالو ؟؟ اوسائل ريد ؟؟ او لو في طرق اخري ..
وجزاكم الله عنا خيرا وابعد عنا جميعا الناموس ..
مع خالص شكري وتقديري ..
متابع
سائل ريد أفضل حاجة وملهوش ريحة أو أي حاجة وكمان الازازة بتقعد كتير جدا
انا معرفش انت عندك اى نوع من الناموس
انا هتكلم عن الناموس العادى الغلبان بتاعنا
سائل ريد + رش off ده بترشه على ايدك و وشك ماعدا العين علشان ميقربش منك
جهاز صعق
الجهاز ممتاز لكن عايز مكان وتركيب وفي غرفة واحدة وشكرا لفكرتك جزاك الله خيرا ..اقتباس:
المشاركة الأصلية كتبت بواسطة a.saad
شكرا لاهتمامك وسرعة الرد ..انا كنت ميال لسائل ريد فعلا وافضله علي الاقراص ..هو في الناموس انواع واعرفها ازاي بعد إذن حضرتك ؟؟اقتباس:
المشاركة الأصلية كتبت بواسطة ahmedteam
شكرا جزيلا ..اقتباس:
المشاركة الأصلية كتبت بواسطة #maam#
أفضل وأأمن حاجة إنك تركب سلك على جميع منافذ الشقة ومتفتحش حاجة من غير السلك لأي سبب من الأسباب ولو فتحت باب الشقة مثلا تقفله فورا متسيبوش مفتوح فترة طويلة وكل فترة وانت خارج انت والأولاد بره ترش الشقة كلها بمبيد حشرات قوي راجون مثلا وعلى ما ترجع تكون كل الحشرات ماتت ومفعول الرش راح
غير كده وجع دماغ ومفيش حسب علمي وسيلة فعالة للكلام ده لأني جربت الصاعق والسائل وكل الكلام ده ومش بيجيبوا نتيجة بنسبة 100% لكن ممكن رش off ده تخليه للأطفال الصغيرين احتياطا وزيادة أمان بالرغم من إني مجربتوش بصراحة
كلام 100% ..السلك موجود ..والرش واحنا خارج البيت كام يوم بيتم لكن فتح باب الشقة يمكن هو المشكلة وسائل ريد بالجهاز بتاعه الاصلي جبته لكن off الاسبراي ده ممكن تجربته لو امن علي الاطفال وجزاك الله خيرا ..وحفظلك بودي وعمر ..اقتباس:
المشاركة الأصلية كتبت بواسطة أبو بودي وعمر
الناموس عندي برضه شئ لا يطاق
هو مش بتشوفه لانه صغير جدا حتى لو وقف ع ايدك مش هتلاحظه لصغر حجمه
جربت معاه كل حاجه
سلك على كل منفذ في الشقة ماعدا باب الشقه طبعا
صاعق وشغال طول الليل في الشقة وانوار البيت كلها مطفية
سائل ريد محطوط في غرفه النوم طول الليل
قبل النوم برش بموبيد حشري جايبه من عند بتوع المبيدات الزراعيه ببخاخه يدوي كده
وبرضه بنصحى الصبح متقرصين
حاجه واحده مش جربتها وهي الناموسية ( اللي بتتعلق فوق السرير ) زي بتاعت زمان اللي بتحيط السرير كله بقماش خفيف مش بيدخل الناموس ( نفس فكره سلك الشبابيك )
نااموسية و ريح دماغك
فعلا زى الاخوه الاعضاء الكرام ماتفضلوا
اامن شيىء على صحه الاطفال والكبار ايضا
هو الناموسيه ودى يتتعمل من قماش اسمه تل او شاش
لان طوارد الناموس الكيميائيه اللى على هيئه اقراص او اسبريه
تؤثر على الجهاز التنفسى على المدى البعيد حتى لو لم يكن لها رائحه
وفعلا صواعق الناموس غير فعاله
وتقبل تحياتى
فى حل ان شاء الله يبقى فعال معاك بس هو غريب شويه
هات نعناع اخضر وحطه فى الغرفه وحوالين السرير ومش هيجيلك ناموس خالص نا بحط النعناع حوالين السرير والغرفه بيبقى فيها ناموس ومفيش ولا ناموسه بتيجى نحيتى انا كنت سمعت الموضوع ده قبل كده وجربته وجاب نتيجه
وسائل ريد ممتاز
آمين ويباركلك في أهلك وأولادكاقتباس:
المشاركة الأصلية كتبت بواسطة avatar
فعلا الناموسية اللي فوق السرير جميلة وعملية لكن مشكلتها إنها حل للناموس وقت النوم بساقتباس:
المشاركة الأصلية كتبت بواسطة michohat
هي مش امنه بس فعاله ميه في الميه
قرص ريد او اي نوع وتعلقه في شوكه قديمة وتولع فيها طفي النور افتح الشباك ولفي بيه لفه في الاوضه ممكن تخلي
قرص لكل اوضتين عشان ممكن يكون ضار
بس ياسيدي تقفل شبابيكك و ربع ساعه الريحه هتروح
صحيح عاوز اقولك ماتفتحش الشباك غير لما يبدأ الدخان يشعيع في الاوضه وتطفي النور كويس
الطريقة مجربه 100% فعاله
لكن الاثار السلبية ماعرفش عنها اي حاجه بس احنا كده كده بنشرب ميه ملوثه وماشين في جو ملوث من عوادم السيارات وصحتنا زي الفل فاكيد ده مش هيأثر معاناا يعني :d
أنا عانيت من المشكلة دى فترة كبيرة
والحل بسيط جدا
ندهن الأجزاء المشكوفة من الجلد التى تتعرض للدغ بزيت أطفال خفيف أو فازلين أو أى كريم بشرة
جربوها وأن شاء الله النتيجة مبهرة
فكرة ..احاول أجربها ..شكرا لك ..اقتباس:
المشاركة الأصلية كتبت بواسطة khaled_nowaihy
اقتباس:
المشاركة الأصلية كتبت بواسطة michohat
اقتباس:
المشاركة الأصلية كتبت بواسطة dr_radioooooo
كله مع الناموسية ..طبعا هل حل للمشكلة ..لكن بشوفها مزعجة وتركيب وفك وتعليق وقصص ..اقتباس:
المشاركة الأصلية كتبت بواسطة adelghanem
السائل ريد موجود وبدأت فيه ونتيجته ممتازة بس فكرة النعناع دي باين قوية ..شكرا لك .اقتباس:
المشاركة الأصلية كتبت بواسطة moustafa_ertu
شكرا لاهتمامك ..لكن دخان وحرق علي طفل سنة ونص صعب ..اقتباس:
المشاركة الأصلية كتبت بواسطة hassanin_lada