السخانات الكهربائية وإستهلاك الكهرباء ..أحسن طريقة للتعامل ..

**Mohamed.Mohsen** · 24-10-2013 11:03 AM

المشاركة الأصلية كتبت بواسطة a_h_m_a_d

اكيد طبعا انك تشغله في اوقات قليله هايستهلك كهربا اقل عن انك تسيبه شغال 24 ساعه و يفضل يسخن الميه كل ربع او تلت ساعه مثلا

لو حضرتك فكيت الوش التحتاني بالمسمار اللي في النص , هاتلاقي الثرموستات موجود تحت الوش ده وممكن تتحكم في درجة الحراره منه

بس خلي بالك هو تركيب المسمار ده تاني في مكانه بيبقى صعب شوية و عايز مفك طويل

شكرا أحمد بك ..الفك والتركيب للوش التحتاني ده ان شاء الله مفيش مشكلة اقدر اعمله لكن هتحكم في الترموستات ازاي وشكلها ايه تحت الوش وهحركها ازاي..؟؟؟

**dedi** · 24-10-2013 12:18 PM

المشاركة الأصلية كتبت بواسطة gelgel2004

فيه تايمر بتتحط فيه الفيشه بتاعه السخان من الناحيه اللى على الوش
و من الناحيه التانيه التايمر كله بيدخل فى بريزه الكهرباء
تضبط التايمر على
1/ من الساعه السادسه الى الثامنه صباحا
من التانيه و النصف الى الرابعه عصرا
من السابعه الى التاسعه مساء
و دى تقريبا حسب مواعيد الاستخدام و التسخين بفتره كافيه قبلها
و بكده يبقى حضرتك شغلت الكهرباء مده 6 ساعات متوسط بدل 24 ساعه مستمر
ده اولا
ثانيا :- تضبط درجه الثرموستات عند 40 / 50 درجه علشان متفتحش المياه البارده و تنزل كميه المياه الساخنه بسرعه
الحل ده مجرب و سعر التايمر من 150 الى 250 حسب النوع غير ان الفريش الجديد و الاوليمبك معاه الخاصيه دى
و طبعا اللمبات الموفره برضه بتساعد
تحياتى

موضوع التايمر دة انا شفتة برة من حوالى 15 سنة وكنت باتمنى لو الاقية هنا فى مصر بس سعرة كان لا يتجاوز15 الى 25 جنية للنوع المحترم بس سؤالى هو يستحمل امبير السخان العالى

**Gelgel2004** · 24-10-2013 03:52 PM

الساده الزملاء بالمنتدى
اود توضيح بعضا من المعلومات التالية
1/ اللمبه النيون / مكيف الهواء / موتور المياه / اى حاجه كهرباء ... لما بتبتدى تشتغل امبير البدا بيكون عالى و بعد كده بيستقر و بينخفض الاستهلاك بعد الوصول لحاله الثبات
يعنى مثلا اللمبه النيون لو سبتها مولعه اى شغاله لمده طويله افضل بكتير من انك تتطفيها و تشغلها بشكل متقطع لان الاستهلا ك كده بيكون ازيد
2/ بالنسبه للتايمر منه انواع مخصصه للامبير العالى مثل الغساله لو هتشغل الهيتر او السخان مثلا .
3/ الغساله لو هتلغى الهيتر و انا عامل كده و موصل فرع من المياه الساخنة من السخان الغاز عليها - و نفس الموضوع لغساله الاطباق - توفر معاك جدا جدا
4/ سعر التايمر الصينى 70 جم متوسط و الايطالى و الالمانى يبا من 150 الى 250 جم .

و لى ايضا افكار مشابهه للثلاجة و مسحوق الغسيل و الاضاءه عموما و اجهزه التكييف و فلاتر المياه المنزليةللى بيهتم

تحياتى للجميع

**abou-yahia** · 24-10-2013 06:51 PM

المشاركة الأصلية كتبت بواسطة gelgel2004

الساده الزملاء بالمنتدى
اود توضيح بعضا من المعلومات التالية
1/ اللمبه النيون / مكيف الهواء / موتور المياه / اى حاجه كهرباء ... لما بتبتدى تشتغل امبير البدا بيكون عالى و بعد كده بيستقر و بينخفض الاستهلاك بعد الوصول لحاله الثبات
يعنى مثلا اللمبه النيون لو سبتها مولعه اى شغاله لمده طويله افضل بكتير من انك تتطفيها و تشغلها بشكل متقطع لان الاستهلا ك كده بيكون ازيد
2/ بالنسبه للتايمر منه انواع مخصصه للامبير العالى مثل الغساله لو هتشغل الهيتر او السخان مثلا .
3/ الغساله لو هتلغى الهيتر و انا عامل كده و موصل فرع من المياه الساخنة من السخان الغاز عليها - و نفس الموضوع لغساله الاطباق - توفر معاك جدا جدا
4/ سعر التايمر الصينى 70 جم متوسط و الايطالى و الالمانى يبا من 150 الى 250 جم .

و لى ايضا افكار مشابهه للثلاجة و مسحوق الغسيل و الاضاءه عموما و اجهزه التكييف و فلاتر المياه المنزليةللى بيهتم

تحياتى للجميع

طبعا مهتمين
ياريت حضرتك تزيدنا

**Gelgel2004** · 25-10-2013 02:21 AM

تحت امركم جميعا
الاول
غساله الملابس بتعتمد على اختيار برنامج معين للغسيل و بيكون مضبوط عليه درجه حراره النوع ده من الغسيل و هنفترض الاقطان اللى ممكن تتغسل فى درجه حراره من 60 الى 90 درجه حسب درجه الاتساخ و نوع و جوده الصباغه
و عليه لما تشغل البرنامج و يوصل للحظه تشغيل الهيتر بيشتغل 10 دقائق بمتوسط من 1200 الى 1800 وات حسب حجم الغساله و قوه الهيتر
و نظرا لان الهيتر بيكون متركب فى الحله الخارجيه و نتيجة تفاعل الميه المملحه اصلا بتاعتنا و كمان استخدامنا لمواد تنظيف منها ردى الذوبان فبتتراكم الاملاح على الهيتر و ده بيقلل احساس الحساسات من الوصول لدرجه الحراره المطلوبه - الثرموستات - علشان تفصل الهيتر و النتيجه بيشتغل اكثر
و ده بيعمل اجهاد عالى على العمر الافتراضى و استهلاك الكهرباء
الحل
1/تقليل استخدام كميه المسحوق
2/ استخدام انواع مشهودلها و عن نفسى باستخدم احدى منتجات قطاع البترول بتكلفه اقل 15 % من مثيله الالمانى و بنفس الجوده و هو متوافر باحجام متنوعه بمحطات مصر للبترول
3/ باستخدم منظف للغساله كل 20 دوره تقريبا و صورته بالشكل ده و ده صناعه المانى و بشغله على برنامج قصير فى الوقت بدون ملابس

4/ لتعويض الكميه القليله من المسحوق اللى حطيناها فى الدرج بنضيف بق فانيش اللى فى الصوره و ده صناعه اماراتى و سعره معقول جدا و بيساعد على النظافه و ازاله البقع و النتيجه مبهره بلاضافه الى رائحته الزكيه
[

5/وده الاهم نلغى السخن - الهيتر من انه يشتغل عن طريق الغاء الثرموستات او الغاء الخاصيه و دى بتكون فى بعض الغسالات الحديثه و بدل ما يكون مصدر دخول المياه مصدر بارد ناخد مصدر تغذيه الغساله من السخان الغاز - و فى الغالب بيكون مضبوط على درجه حراره من 10 الى 50 درجه
6/ و ده معناه ان البرنامج لو مضبوط على درجه حرارة 60 مثلا و بياخد وقت 9 الى 12 دقيقه تللسخين للوصول الى درجه حراره 60 ... بالطريقه التانيه هياخذ 3 الى 4 دقائق فقط و معظم كتالوجات الغسالات بتايد الفكره .
7/ الاختيار الجيد للغساله و استطلاع نسب الاستهلاك و ده بيكون مكتوب عليها من بره كالتالى :-

او

وده معناه

و نفس الموضوع لغسالات الاطباق

تحياتى و نكمل بكره

**Gelgel2004** · 25-10-2013 02:34 AM

url=http://nileup.com/up/][/url]

وده معناه

1/ الغساله فئه a + فى النظافه
2/ بتستهلك 12.056 لتر فى الغسله الواحده و ده كويس جدا
3/ بتغسل من 1 /9 كيلو للمره الواحده
4/ جوده التجفيف b
5/ صوت الماكينه 55 ديسبل
6/ صوت العصر 75 ديسبل
7/ استهلاك الكهرباء 253 كيلو فى السنة
8/ و من المفيد تثبيت التيار للمحافطة على الغساله و تنظيم توفير الاستهلاك باضافه مثبت تيار على فيشه الغساله كالتالى

و هكذا

**Gelgel2004** · 25-10-2013 02:50 AM

8/ و من المفيد تثبيت التيار للمحافطة على الغساله و تنظيم توفير الاستهلاك باضافه مثبت تيار على فيشه الغساله كالتالى

http://nileup.com/up/uploads/nilemotors_13826585971.jpg

و هكذا