الشراء من سوق السيارات

**aboomar22** · 23-10-2013 02:58 PM

ان شاء الله ناوى انزل السوق يوم الجمعة ومعايا واحد معايا فى الشغل خبرة كبيرة فى مواضيع البيع والشراء المهم انا دلوقتى اخد معايا الفلوس ولو عجبتنا حاجة اخلص فى الشهر العقارى على طول ولا اخد عربون صغير نربط بيه الكلام ونعمل عقد ونتقابل يوم الاحد مثلا فى الشهر العقارى نخلص ويكون فيه فرصه الواحد يسال فى المرور على ورق العربية (طيب هسال ازاى اخد صورة الرخصة اقولهم ايه فى المرور ---خسارة وقف الخدمة دى على النت ) طيب انا حابب ان العربية متكونش من محافظات علشان نقل الدوسية والحجات دى بتاخد وقت بيقولى مش هتفرق صح الكلام ده --برضه مش حابب انه العربية تكون تصريح عايزها تكون رخصة سارية (دى هتفرق ولا عادى ) حاجة كمان مش حابب يكون فيها توكيلات كتير يعنى لو باسم صاحبها ماشى او توكيل واحد وشكرا جزيلا لحضراتكم

**dem0** · 23-10-2013 03:07 PM

انا مش هقدر افيدك فى التفاصيل لكن متاخدش فلوس

خد عربون صغير واعمل عقد ابتدائى عند اى محامي هناك

محدش ضامن الوضع والسوق زحمه وبيلم من كل مكان وجميع الاصناف

لو ليك حد قريب من السوق خل الفلوس عنده وانزل اشتري وبعدين روح خدها

لكن متمشيش بفلوس فى السوق

وربنا يوفقك ان شاء الله

**محمد بلال** · 23-10-2013 03:09 PM

متابع اسئلة هامة

**أبو صلاح** · 23-10-2013 04:54 PM

بص ياباشا انا اشتريت قبل كده وبعت بالطريقة دي
كنت فاتح حساب في hsbc
وفرع سيتي ستارز يوميا بيفتح لحد الساعة 5
وبخلي مبلغ صغير عربون بعطيه للبائع واعمل عقد بيع ابتدائي اللي بيتباع في الشارع والبائع يروح على الشهر العقاري يعملي التوكيل ويكون معاه شهادة براءة الذمة للمخالفات وكل حاجة بتفضل مع البائع والبائع ييجي معايا على طول على البنك يستلم فلوسه كامله واستلم انا العربية والاوراق
ولو بعت بيكون حد من اصحابي معايا وعلى حسب الاتفاق يا اما الشهر العقاري الاول وطبعا اكون مستلم الفلوس كاملة او ايداع الفلوس في البنك الاول وعمل عقد بيع ابتدائي وبعدين الشهر العقاري لاتمام الاجراءات
لكن عموما لما بشتري لازم العربية تبات معايا لو الوراق هتتاخر لتاني يوم

**dem0** · 23-10-2013 05:23 PM

المشاركة الأصلية كتبت بواسطة أبو صلاح

بص ياباشا انا اشتريت قبل كده وبعت بالطريقة دي
كنت فاتح حساب في hsbc
وفرع سيتي ستارز يوميا بيفتح لحد الساعة 5
وبخلي مبلغ صغير عربون بعطيه للبائع واعمل عقد بيع ابتدائي اللي بيتباع في الشارع والبائع يروح على الشهر العقاري يعملي التوكيل ويكون معاه شهادة براءة الذمة للمخالفات وكل حاجة بتفضل مع البائع والبائع ييجي معايا على طول على البنك يستلم فلوسه كامله واستلم انا العربية والاوراق
ولو بعت بيكون حد من اصحابي معايا وعلى حسب الاتفاق يا اما الشهر العقاري الاول وطبعا اكون مستلم الفلوس كاملة او ايداع الفلوس في البنك الاول وعمل عقد بيع ابتدائي وبعدين الشهر العقاري لاتمام الاجراءات
لكن عموما لما بشتري لازم العربية تبات معايا لو الوراق هتتاخر لتاني يوم

+1

**فادى محمد** · 24-10-2013 12:58 AM

خلي بالك مش هتفرق لو البائع عمل لك توكيل في الشهر العقاري وخلاه معاه لغايه ماستلم فلوسه منك ..
مجرد ماعمل توكيل اصبحت العربيه ملكك حتي لو التوكيل مش في ايدك. انت ممكن تروح تطلع بدل فائد
من الشهر العقاري وتطلب التوكيل!! فخلي بالك لو هتبيع تستلم فلوسك في ايدك وانت في الشهر العقاري
قبل ماتمضي مباشره , تحياتي

**hilal** · 24-10-2013 01:21 AM

المشاركة الأصلية كتبت بواسطة amrelsaqqa

طريقة عبقرية وامنة احييك بجد عليها ، خصوصا ان البنك فاتح يوميا ولحد الساعة 5 زي ما بتقول :)
شيء جميل جدا ، شكرا جدا ليك :) :)

مع احترامي ، هذه الطريقة غير سليمة وليست في صالح البائع
أنا أؤيد الاستاذ فادي أنه يجب على البائع استلام الفلوس ما عدا مبلغ بسيط لحين إحضار شهادة المخالفات
وموظف الشهر العقاري دائما ينبه البائع قبل التوقيع ويسأله هل أخذت فلوسك كاملة
لأن بمجرد التوقيع يكون الامر انتهى ، يعني الفلوس قبل التوقيع

**amrelsaqqa** · 24-10-2013 01:29 AM

المشاركة الأصلية كتبت بواسطة hilal

مع احترامي ، هذه الطريقة غير سليمة وليست في صالح البائع
أنا أؤيد الاستاذ فادي أنه يجب على البائع استلام الفلوس ما عدا مبلغ بسيط لحين إحضار شهادة المخالفات
وموظف الشهر العقاري دائما ينبه البائع قبل التوقيع ويسأله هل أخذت فلوسك كاملة
لأن بمجرد التوقيع يكون الامر انتهى ، يعني الفلوس قبل التوقيع

بس حضرتك طول ما العقد لسة مع البائع يبقى هو في الامان ولا ايه ، والمشتري ما ياخدش العقد غير بعد ما يدفع الفلوس وفي نفس الوقت هو بيكون مطمن ان العقد اتعمل

هو الموضوع رخم ، ولو عملت حساب امان البائع ، تلاقيها مش امان للمشتري ، يعنى في الحل بتاع حضرتك لو حطيت نفسك مكان المشتري ، هتلاقى نفسك دفعت فلوس ومخدتش بيها حاجة رسمية ، وما تضمنش ايه اللى يحصل ، حتى لو استلمت العربية ، ايه يعنى العربية بقت معاك ... ولا حاجة طالما مش معاك توكيل او عقد وياما ناس اتنصب عليا (مشتريين) بالطريقة دى

بالنسبة للعقد المسجل هل ينطبق عليه موضوع بدل الفاقد برضه ؟

**Mostafa Khalil** · 24-10-2013 05:40 AM

المشاركة الأصلية كتبت بواسطة amrelsaqqa

بس حضرتك طول ما العقد لسة مع البائع يبقى هو في الامان ولا ايه ، والمشتري ما ياخدش العقد غير بعد ما يدفع الفلوس وفي نفس الوقت هو بيكون مطمن ان العقد اتعمل

هو الموضوع رخم ، ولو عملت حساب امان البائع ، تلاقيها مش امان للمشتري ، يعنى في الحل بتاع حضرتك لو حطيت نفسك مكان المشتري ، هتلاقى نفسك دفعت فلوس ومخدتش بيها حاجة رسمية ، وما تضمنش ايه اللى يحصل ، حتى لو استلمت العربية ، ايه يعنى العربية بقت معاك ... ولا حاجة طالما مش معاك توكيل او عقد وياما ناس اتنصب عليا (مشتريين) بالطريقة دى

بالنسبة للعقد المسجل هل ينطبق عليه موضوع بدل الفاقد برضه ؟

لا ياباشا بدال التوكيل اتعمل يبقي المشتري ممكن يطلع بدل فاقد عليه او بالاصح لايمكن إلغائه الا بحضور الطرفيين

الموضوع: الشراء من سوق السيارات

LinkBack

أدوات الموضوع

عرض

-

-

-

-

-

المواضيع المتشابهه

راجعو دليل السلامه فى السيارات المستعمله قبل الشراء

هل في توكيل للهيونداي للكشف علي السيارات قبل الشراء

خبر:ذعر في سوق السيارات يثيرقلق راغبى الشراء

تجربه الشراء والبيع فى سوق السيارات

فكرة بخصوص تجربة السيارات قبل الشراء

الكلمات الدلالية لهذا الموضوع

المفضلات

المفضلات

ضوابط المشاركة