الحمد لله لسه مستلم الفئه الاولى فيراني النهارده من معرض في الشرقيه بس كنت عايز اعرف رقم الشاسيه والماتور فين مكانهم بالزبط علشان المرور والترخيص يتكلف كام
عرض للطباعة
الحمد لله لسه مستلم الفئه الاولى فيراني النهارده من معرض في الشرقيه بس كنت عايز اعرف رقم الشاسيه والماتور فين مكانهم بالزبط علشان المرور والترخيص يتكلف كام
مبروك الإستلام و ربنا يديك خيرها و يكفيك شرها
رقم الشاسية فى اول عرضة تحت الكبوت فى الشمال خالص و الموتور فى مكتنة الطبيعى تحت مقاس الزيت على حسب ما أنا فاكر
معرفش مكانهم فين
بس مبروك عليك وربنا يكفيك شرها :)
الف مبروك يا باشا و ربنا يديلك خيرها و يكفيك شرها
الف شكر ليكوا
ربنا يباركلك فيها ويبعدعنك شر عيون الناس
الف الف مبروك ، وكويس ان حضرتك سألت السؤال ده لانه مهم فعلا ، رقم الشاسيه مفيش مشكلة فيه ، هو في مكانه المعتاد في سدر العربية على اليمين ( على شمالك وانت واقف قدامها )
رقم الموتور بقى ، مهم تعرف مكانه ، هو في البلوك طبعا ، بس تمشى ايدك من تحت مقاس الزيت كدة في اتجاه البلوك هتلاقيه على طول وطبعا بارز لبرة لو حطيت ايدك هتلقطه بس خلى بالك ما تكونش العربية سخنة
الموضوع ده مهم خصوصا انك مرور محافظات زي حالاتى كدة ماكانوش عارفين العربية اوى ، وانا احتست في الاول وفكرنا ان الرقم تحت الفبرة اللى فوق بتاعت الموتور زي التويوتا مثلا ، وكنت هبعت اجيب طقم الانكيه افك فبرة الموتور ، لولا جه في بالى اتصل بالتوكيل واسألهم وفعلا اتصلت بيهم وقالولى على المكان بالظبط :)
مفيش حل للاسف غير انك تقفل اللوك اللى في الابواب الخلفية بتاع الاطفال ( اللى في كل العربيات ) اللى بيخلى الباب يفتح من برة بس