أهما أفضل للسيارة اللانوس ...

**friendship7897** · 23-10-2013 05:33 PM

المشاركة الأصلية كتبت بواسطة lanos2004

انا لسه جايب بطاريه 70 امبير كلورايد ودفعت فرق 330 واخد القديمه
من شارع احمد سعيد بين غمرة والعباسية

والله المكان دا قريب مني ( أنا في شارع إمتداد رمسيس - ورا نادي السكة )
ممكن أروح هناك
بفكر بصوت عالي :
آخد القديمة في تاكسي ، وأشتري الجديدة وياترى ينفع يرجع معايا فني من عنده يركبها لي ؟

ولا أدور العربية ببطارية تانية أو أزقها وأروح بيها أركب الجديدة هناك ؟ وأنا وحظي بأة أنها تفصل أي سبب في السكة ؟

وبرضوا محدش قالي : هي بتاخد وقت بعد التركيب للشحن أو ما شابه ولا بمشي بيها على طول

وشكراً جزيلاً

**friendship7897** · 23-10-2013 05:40 PM

المشاركة الأصلية كتبت بواسطة amr011111

بتاع البطاريات هيقيسلك شحن الدينامو
انتى روحى لبتاع البطاريات وهاتى بطاريه جافه وخليه يقيس شحن الدينامو
وان شاء الله يبقى كل شىء تمام
بس انتى المفروض تخدى العربيه معاكى لبتاع البطاريات علشان يركبها ليكى وانتى واقفه وتبقى مسؤوليته

والله كنت بسأل نفسي قبل البوست بتاعك دا حالاً نفس السؤال
شكراً

**amr011111** · 23-10-2013 05:40 PM

المشاركة الأصلية كتبت بواسطة friendship7897

والله المكان دا قريب مني ( أنا في شارع إمتداد رمسيس - ورا نادي السكة )
ممكن أروح هناك
بفكر بصوت عالي :
آخد القديمة في تاكسي ، وأشتري الجديدة وياترى ينفع يرجع معايا فني من عنده يركبها لي ؟

ولا أدور العربية ببطارية تانية أو أزقها وأروح بيها أركب الجديدة هناك ؟ وأنا وحظي بأة أنها تفصل أي سبب في السكة ؟

وبرضوا محدش قالي : هي بتاخد وقت بعد التركيب للشحن أو ما شابه ولا بمشي بيها على طول

وشكراً جزيلاً

نصيحه علشان انتى اخت لنا
روحى فى تاكسى وخلاص لاحسن العربيه تبطل منك فى السكه وان شاء الله لو عنده حد فى المحل يبعته معاكى
بالنسبه لسؤال هتحتاج تتشحن ولا؟
انا مره اشتريت جافة والراجل شحنها ليا وخد بتاع ساعه
ومره تانيه اشتريت واحده وركبتها علطول
فنشوف رأى بقية الاخوه ان شاء الله يفيدوكى

**lanos2004** · 23-10-2013 05:41 PM

الجافه مش بتتشحن بتركب فى ثوانى
هوة محل مكتوب عليه هاتكوك بالاحمر
ممكن حد يزق العربيه وتدوريها وتوصلى لحد عندة ويغيرها هناك فى ثوانى

**mostafa mahmod** · 23-10-2013 05:51 PM

بصى حاولى تدوريها زق و تروحى لواحد بطاريات كده يكون شكل محله محتروم و يا سلام لو توكيل و هو هيقيسلك شحن الدينامو و لو فيه هيقولك عليها و كمان هيديلك ضمان مع البطاريه
متشتريش من الكهربائى ده لانه شكله مش كويس و ممكن يجيبلك حاجات مش كويسه
.
انا كنت قريت مره انك لما تشترى ال70 للانوس بتتعبى الدينامو اكتر فى عمليه الشحن و الاحسن تجيبى الاصليه بتاعت العربيه 55 امبير
بطاريه اى سى ديلكو جميله و كمان فارتا حلوه جدا
.

**Silent~Dream** · 23-10-2013 06:08 PM

حضرتك الخلاصه هى كالاتى لان حصل معايا موقف مشابه بنسبه 95 % حضرتك هتروحى مكان محترم ( بطاريات - مركز صيانه - كهربائى نضيف ) بتاكسى او حد معاه عربيه تبعك و هتشترى بطاريه 55 او 70 لان لو مثلا 55 و حضرتك شريتى 70 الدينمو مش هيكفيها وممكن الكهرباء تتلخبط و تكون جافه و تاريخ انتاجها حديث جدا عشان من اول ما تطلع من المصنع بتكون جاهزه للشغل و الجافه افضل من العاديه عشان maintenance free و عشان العاديه احيانا بتبهدل الحوض من فايض حسب الكتالوج هتشترى نوع بطاريات محترم و بلاش صينى و هتجيبى فنى او صبى او اى حد من المكان الى هتروحيه و يجى يركب البطاريه و هتدورى هتدور من اول مره ان شاء لله و تروحى بعديها للكهربائى يقيس شحن الدينامو عشان ميبوظش البطاريه الجديده و تاخدى مشوار كويس كده عشان تتشحن فل و الدنيا هتبقى تمام ان شاء الله

**friendship7897** · 24-10-2013 12:42 PM

الحمد لله ركبت البطارية
إمبارح دورت العربية بوصلة وبطارية أحد الزملاء
وآخدت سواق من الشركة معايا علشان لوالعربية فصلت منى
والحمد لله وصلنا لواحد معرفة السواق في الحي السابع - مدينة نصر
كهربائي مشهور هناك أسمه عم رضا وواضح أنه فاهم بجد
أشتريت من الـ AC Delco الـ 70 أمبير جافة
بعد ما سألت على موضوع تأثر الـ 70 على الدينمو
والأغلبية أفادت إنها مش هتأثر عليه بالسلب
وركبتها ، وفعلاً أثرت على كل الكهرباء اللي في العربية ( كاسيت / إضاءة / كلاكس / حتى صوت الفلاشر والإشارات )
وما أخدت وقت للشحن - أتركبت ومشيت على طول
جبتها بـ 420 وآخد القديمة ومعها ضمان سنة
بس اللي فهمته أنها أغلى من كدة بس علشان السواق اللي معايا ومعرفة بالكهربائي
شكراً جزيلاً للجميع

**amr011111** · 24-10-2013 12:50 PM

المشاركة الأصلية كتبت بواسطة friendship7897

الحمد لله ركبت البطارية
إمبارح دورت العربية بوصلة وبطارية أحد الزملاء
وآخدت سواق من الشركة معايا علشان لوالعربية فصلت منى
والحمد لله وصلنا لواحد معرفة السواق في الحي السابع - مدينة نصر
كهربائي مشهور هناك أسمه عم رضا وواضح أنه فاهم بجد
أشتريت من الـ ac delco الـ 70 أمبير جافة
بعد ما سألت على موضوع تأثر الـ 70 على الدينمو
والأغلبية أفادت إنها مش هتأثر عليه بالسلب
وركبتها ، وفعلاً أثرت على كل الكهرباء اللي في العربية ( كاسيت / إضاءة / كلاكس / حتى صوت الفلاشر والإشارات )
وما أخدت وقت للشحن - أتركبت ومشيت على طول
جبتها بـ 420 وآخد القديمة ومعها ضمان سنة
بس اللي فهمته أنها أغلى من كدة بس علشان السواق اللي معايا ومعرفة بالكهربائي
شكراً جزيلاً للجميع

مبروك
بس البطاريه اثرت بالسلب ولا بالايجاب

**friendship7897** · 24-10-2013 01:06 PM

المشاركة الأصلية كتبت بواسطة amr011111

مبروك
بس البطاريه اثرت بالسلب ولا بالايجاب

الله يبارك فيك
عندك حق في السؤال !
الجملتين مضادتين
بس المعنى في بطن البطارية - ههههه
هي أثرت بالإيجاب على كل كهربة العربية ، وكل حاجة منورة أكتر
(دا أنا حاسة أنها أثرت على كهربيتي أنا كمان) حاسة إن مودي حلو هههههه
الحمد لله
يمكن أنا علشان بحب عربيتي أوي
ولما تتعب شوية لأي سبب ولو بسيط بكون مضطربة ومتوترة