شكر وتقدير للعضو AhmedCar من Verna2008auto

**verna2008auto** · 23-10-2013 05:13 PM

شكر وتقدير لصديقي الفيرناوي المحترم ( AhmedCar ) لتوجيهاته الثمينه ونصائحه اللي ف محلها
موضوع ( شجره البنزين )
http://www.nilemotors.net/Nile/384563-a.html

كل التقدير للفيرناوي الاصيل العضو AhmedCar
لاني سألته عن موضوع شجره البنزين دي اجبها منين واعمل ايه .. واخدت رأيه الفني في اللي انا عملته موقتا ..

وكمان بعد عمليه التغيير حصلي ان العربية (( ارتفع معدل دوران الموتور علي المور لبعد ال 2.5 لفه .. وده مش طبيعي الطبيعي ينزل لتحت ال 1000 لفه يعني بالتحديد 750 لفه )) فا وجهني لتنضيف الحساسات الخاصه بالبوابه ..
وفعلا (( صلح العطل بالريموت كنترول )) لان بعد التنضيف بإستخدام رش ( الكارب ) الاصفر ..العربية اتظبطت تمام التمام
وبعد كده
نزلت اشتريت الشجره جديد والحمد لله ب 220 جنيه
وتم التركيب ب 100 جنيه مصنعيه ..
وطبعا الفرق شاسع

Click this bar to view the small image.

مشكور يا مومبيه ..( AhmedCar )
بس العربية بتأخر للاسف مع المارش من اول مره .. بتدور بعد تاني مره ..(( وجاري البحث عن سبب المشكله وحلها ان شاء الله ))

**agaty1st** · 23-10-2013 11:38 PM

في فرق في الأداء و استهلاك البنزين ؟؟؟؟؟

**verna2008auto** · 24-10-2013 07:31 PM

المشاركة الأصلية كتبت بواسطة agaty1st

في فرق في الأداء و استهلاك البنزين ؟؟؟؟؟

ما اعتقدش ان فيه فرق ولا في الاداء ولا في البنزين ..
بس الراحه النفسيه انك ركبت شيء كويس وسليم ومافهوش لحامات

**AHMEDCAR** · 24-10-2013 11:49 PM

يا باشا عيب و الله الكلام ده انت عارف اننا اخوات

حكايه تاخير الدوارة دى ظهرت امتى قبل تنظيف الحساسات ولا بعديها

**verna2008auto** · 25-10-2013 10:16 AM

المشاركة الأصلية كتبت بواسطة AHMEDCAR

يا باشا عيب و الله الكلام ده انت عارف اننا اخوات

حكايه تاخير الدوارة دى ظهرت امتى قبل تنظيف الحساسات ولا بعديها

هالللو مومبيك مونشير .. اسعد الله ايامك يا مومباشا

موضوع التأخر في الدوارة ده كان متزامن مع موضوع ارتفاع ال ار بي ام بتاع العربية
وتم حل مشكله ارتفاع ال ار بس ام بتنضيف الحساسات والدنيا بقت تمام التمام خالص ..
وفضلت مشكله التأخير في الدواره ده ..

1- متأكد ان البطاريه تمام وبصحتها من صوت المارش لانه مش بيعتل وصوت المارش عالي ومستمر.
2- با ادي فرصه لطلمبه البنزين انها تضخ بنزين ..يعني با احط المفتاح قبل المارش بسنه شويه خمس ست ثواني قبل المارش

بتعمل المشكله دي اول مره فقط ( للدوارة للمارش )) لما بالاقيه يطول با اطفيه علطول
تاني مريه العربية بتدور عادي

ده العطل بالتحديد
هل ده ناتج من تغييري لوش طلمبه البنزين ((( رغم اني ركبت الوش كويس جدا ومتأكد من باقي اجزائه الداخليه متماسكه وفي نفس مكانها القديم )))
يعني ممكن وارد بنسبه ضعيفه مثلا ان فيه خلوص مش تمام بين القديمه والجديده في اي حاجه وان ده ممكن يسبب كده

واله (( تنضيف فقط الرشاشات )) بالجهاز ممكن يحل المشكله ؟

شكرا مومبيك

**AHMEDCAR** · 25-10-2013 07:33 PM

كده ضغط البنزين مش بيروح للرشاشات صح من اول مره

**verna2008auto** · 26-10-2013 08:28 PM

المشاركة الأصلية كتبت بواسطة AHMEDCAR

كده ضغط البنزين مش بيروح للرشاشات صح من اول مره

ايوه ... ايه الحل يا مومبيك ...
ايه الحل ؟؟؟؟

**AHMEDCAR** · 26-10-2013 10:09 PM

راجع على تركيب وش الطلمبه

**AHMEDCAR** · 26-10-2013 10:10 PM

قبل ماتدور افتح كونتاكت واقفل و دور بعديها لو دارت على طول يبقى وش الطرمبه منفس فى التركيب

**verna2008auto** · 27-10-2013 10:21 AM

المشاركة الأصلية كتبت بواسطة ahmedcar

قبل ماتدور افتح كونتاكت واقفل و دور بعديها لو دارت على طول يبقى وش الطرمبه منفس فى التركيب

مافيش فرصه تنفس يا مومبيه
انت سيد العارفين .. ده بلاستك في بلاستك .. وكل حاجه غصب عنها لما بتتفك من الوش القديم غصب عنها تركب في نفس المكان حشر .. يعني وبنفس الاتجاه .. كلها كده ..
...
يعني شكلي ها اقطع الشك باليقين ..(( واجيب طلمبه كامله جديده علي بعضها ))
بس انت اديلي الاوكيه وانا اعمل كده ان (((((( اصابع )))))) الاتهام كلها موجهه ناحيه الطلمبه ..
ويجعله عامر