ايجار السيارات مشروع ياريت حد يفيدنى فيه

انا عندى متسوبيشى لانسر 2008 اوتوماتيك 1600
لسه زيرو مامنتيش عليها حتى
وعايز احطها فى شركه تاجرها منى مده طويله وباعلى ايجار ممكن وتكون مضمونه وامان وترجعلى العربيه بحاله كويسه
انا عرفت ان ايجار لانسر 2008 بيكون 4000 جنيه او 4500 فى الشهر
فى المكاتب بيقولوا 3500لانهم طبعا بيطلعوا بباقى المبلغ ليهم شهريا مكسب
عايز اعرف الموضوع ده كويس امشى فيه
ولا فيه مخاطر خصوصا انى معتمد على التاجير انه هيسد اقساط العربيه
وعايز اعرف ايه الضمانات اللى اخدها ولازم اامن ولا كفايه انه هاخد ضمان من الشركه انها ترجعهالى بحاله كويسه مثلا80%
وطبعا فيه حكايات نصب كتير ومش عايز اقع فيها
عايز النصيحه منكوا

فين الردود

اى عربيه ايجار لازم تتبهدل
لان مليون واحد بيركبها وكل واحد ليه طريقه سواقه ( ده طبعا بيختلف كتير عن ان واحد بس هوا اللى يركبها)

وغير كمان انها هتعمل كيلو متر كتير عن المعدل الطبيعى يعنى معدل الاهلاك هيبقى اعلي

طبعا مافيش اى ضمان ان العربيه ترجعلك بحالتها

كل معركه وليها خسايرها
هتكسب فلوس الايجار وتسدد الاقساط لكن فى نفس الوقت العربيه هتبهدل شويا

ربنا يوفقك لكل خير

هوا فيه فكره لو ان العربيه دايما هتتاجر بسواق ده هيبقى كويس لان السواق هيحافظ عليها وعلى نضافتها ورجل واحدة هى اللى هتركبها

اقتباس:

---

المشاركة الأصلية كتبت بواسطة محمد عز

هوا فيه فكره لو ان العربيه دايما هتتاجر بسواق ده هيبقى كويس لان السواق هيحافظ عليها وعلى نضافتها ورجل واحدة هى اللى هتركبها

---

ايوا اشترط عليهم انها تتاجر بسواق فقط
عشان تضمن ان العربيه تتبهدل