محتاج مساعدتكم بالله عليكم ارجوالاهتمام

**ana.msh3arefne** · 23-10-2013 10:12 PM

السلام عليكم
اخوانى الكرام اعضاءالمنتدى الرائع عندى مشكله ومحتاج ارائكم
انا من سكان القاهرة كنت اعمل فى شركة مقاولات محترمه لاكن من بداية شهر رمضان اللى فات الشركة استغنت عن عدد كبير من الموظفين وكنت انا من ضمن اللى سابو الشغل ومن ساعتها وانا قاعد وبدور على شغل تانى مؤهلى هو معهد فنى تجارى كنت اعمل بالمخازن انا متزوج ولدى اطفال الحمد لله
شقتى تمليك واحمد الله انى مش عايش فى شقه ايجار والا كنت وقعت
بعد المشكله بتاعت الشغل دى كان عندى شقةتانيه بستثمر فيها بعتها ب 100000 جنيه وبدئت اصرف من فلوس الشقة لغاية مابقى معايا حاليا 70000 المشكلة دلوقتى الفلوس عمالة بتتصرف وبحاول ادور على شغل بدخل مناسب بس الفرص قليله جدا والمرتبات اعلى حاجه وصلتلها كانت 1200 جنيه والشغل فى اكتوبر 10 ساعات والمواصلات على حسابى طبعا ماكانش ينفع بس ياريتنى كنت قبلت وخلاص المهم راحت الشغلانه وانا دلوقتى بحاول اعمل اى مشروع يعملى مورد اعيش منه انا وزوجتى واولادى بس مش عارفايه اللى ممكن اعمله فكرت افكار كتير فكرتاعمل محل لبيع اكسسواراتالكمبوتروالموباي ل وفكرتفى المطعم بس اللى بيوقفنى ان الايجارات غالية جدا وهيبقى الشغل كله لصاحب المحل فكرت ادفع الفلوس اللى معايا مقدم لعربية وااجرها لمعرض وفكرت فى التاكسى الى ان اصبحت مشوش ومش عارف اعمل اى حل ارجوكم لو حدعنده فكرة كويسه يقولى عليها ؟؟؟
او بمعنى اصح ماذا تفعل لو كنت مكانى
ولكم جزيل الشكر
سنى 30 سنه

**saddam** · 23-10-2013 10:35 PM

صديقي المواطن
قولا واحدا.لو حتشتغل في تاكسي بتاعك وعداد ونظيف ومكنتش إنت بتاع راحة وبتاع قهاوي وبتاع حجج حتصفي ال 400 جنيه يوميا مستريح إنما لو بتدور غدا وعشا في البيت وكل شوية تعدي على مراتك وعيالك فشكرا مش شغلانتك
أما لو تفكر تجيب تكس وتأجرها ورديتين الوردية ب 70 جنيه فنصيحة من أخ خبير في المجال ده بلاش حتكره نفسك وفي خلال 6 شهور حيكرهوك في عيشتك وتروح تقدم ورقك تشتغل جاسوس ﻹسرائيل وببلاش كمان حتقعد تكدس فلوس كل الناس ومن ضننهم سواقينك عينهم عليها وفي يوم واحد حتصرف اللي إتجزن وتبيع ذهب مراتك كمان
التكسي تسوقه بنفسك حتى لو وردية وحده

شراء سيارة وإيجارها إياك لو مكنتش بلطجي أو حرامي قديم أو بتاع مشاكل إوعه تجيب عربية وتأجرها لحد حتقبض بس شهر أو شهرين واللي حتقبضه حتحط أضعافه عليها

المطعم لو إعتمادك كله على الصنايعية ومش توقف معاهم في المطعم فصعب جدا إنك تتوفق
والفرن شغال أحسن من المطعم
وبالتوفيق وإلى اﻷمام ومن نصر إلى نصر
ودمتم للنضال

**3mr Farrag** · 23-10-2013 11:24 PM

ربنا يعينك و يوفقك ان شاء الله
المشكله ديه علي ناس كتير فاصبر و احتسب عند ربك و ان شاء الله خير

بس ياريت تقولنا ايه خبراتك عماتا او حتا لو هوياتك او حاجات بتحبها
ممكن منها نفكر معاك في مشروع كويس

فكره المطاعم و تاجير عربيه انا متفق مع اخ صدام انك هتتقرف منها جدا
وعايزه ناسها
بالاخص المطاعم..انت ممكن تكون عامل مطعم جامد و مكلفه و الاكل مش حلو غير العماله اللي حتبقي تحت رحمتها

فكر انك تعمل جيم و الافضل حد ثقه يدخل معاك فيه علشان يساعدك في التكلفه
هتجيب طبعا اجهزه مستعمله بس عادي مافيش مشاكل من الموضوع ده
كل اللي هتحتاجه علشان يشتغل مدرب او اتنين
وانت نفسك ممكن تبقي تقف فيه مع حد بعد ما تفهم الموضوع كويس

و الجيم بقي يشتغل كويس و في نفس الوقت مشاكله اقل بكتير من اي مشاريع تانيه

**Eng_hatemfathy** · 23-10-2013 11:26 PM

اخى الكريم -حال السوق والبلد ميشجعش انك تغامر بالمبلغ اللى معاك وخاصة انه ميعملش مشروع يأكل عيش
اقتراحى ليك كالاتى :
هات عربيه حالتها كويسه ويفضل استيشن وده ممكن يكون متأخر شوية بس رزقك فى السماء وهتروح تقف قدام مدارس فى مناطق نائية زى الشيخ زايد والاستثمارى لو انت من الجيزى والتجمع او المقطم لو انت فى القاهرة واعمل ورق مكبوع والزقه على حوائط المدارس برقم تليفونك واستعدادك لتوصيل الاطفال وهتلاق ان شاء الله -لم عدد على قد دورة ولو هتجيب مصاريفها بس فى الترم الاول وحاجه تصرف منها وان شاء الله الترم التانى بعد شهرين وتبدأ من الاجازة

فى فكره تانيه وهيا انك تتعرف على حد بيستورد من الصين نظام كونتينر
ابحث فى الشركات الصينى على النت عن اى منتج ملابس مثلا او اى حاجه واعمل طلبيه صغيره تجيلك بفيدكس وانزل لف بيها على تجار الجمله او التجزئة براحتك ولم طلبيات وكلف الشخص بتاع الكونتينر يجيبلك معاه وشاركه فى تمن الشحن حسب وزن وحجم بضاعتك وطبعا متغامرش باكتر من 25 الف او 30 الف وتكون مظبط مكسب ميقلش عن 20% والا بلاش علشان لو وقع منك تجيب الفلوس و 10% قيمتها فى السوق بعد مرور شهرين

وربنا يرزقك

**طارق _عبد السلام** · 24-10-2013 12:50 AM

ربنا يعينك ويوسع رزقك
فيه مشروع صغير وغير مكلف لكن مربح ولو فشل لاقدر الله خسائره لا تذكر بالنسبه لمشاريع تانيه
محل صغير وترابيزه مكوه مع مكواه بخار صناعيه تمنها مستعمل حوالى 3 الاف جنيه
شغل المكوى ممكن لاهالى المنطقه ولو جنبك مصنع ملابس او اتنين تبقى ماشاء الله هتكون مرضى جدا جدا
عندنا فى المحله الموضوع ده بيكون ممتاز بجوار المصانع وبيصفى دخلى مرضى جدا جدا وبرأس مال لايذكر بالنسبه لمشاريع تانيه كتير