سير الكاتينة و علاقته بسحب العربية
السلام عليكم و رحمه الله و بركاته ...
انا كنت غيرت من فترة جميع السيور في العربية ( لانوس 2 موديل 2000 ) ومن ضمنهم سير الكاتينة .... لكن لعد ما مشيت بالعربية شوية لقيت ان سحبها مش تمام يعني لازم ادوس على دواسة البنزين جامد عشان العربية تجري وبلاحظ ان صوت الموتور بيعلى وبيكون صوته خشن بعد سرعة 120 كم / س .
* مغير كل الفلاتر والبوجيهات و سلوك البوجيهات .
* مغير طرمبة البنزين من فترة بواحدة استيراد جبتها مع تنك البنزين الاستيراد اللي جبيته ولما ركبتها ده كان قبل تغير السيور بفتره وكان سحب العربية حلو .
* مغير مجموعة الدبرياج بطقم اصلي من التوكيل .من حوالي 8 شهور .
* بستعمل زيت شل الاصفر دايما ولسه مغيره مع الصيانة اللي عملتها للعربية .
في ناس اصدقائي قالولي ممكن يكون سير الكاتينة تقسيمته مخالفة سنه .. يعني التقسيمة مقدمة او مأخرة .
فهل ممكن فعلا سير الكاتينة لو تقسيمته مخالفة يقلل من سحب العربية ؟؟