الرشاش لو بيسيل مينفعش معاه نضافه حله التغيير الفورى
عرض للطباعة
الرشاش لو بيسيل مينفعش معاه نضافه حله التغيير الفورى
بص يا باشا زي ما الزملاء قالوا انت ابدأ الاول بتغير الرشاشات وهات زيينا كلنا رشاشات bmw وحتلاقي مواضيع كتيرة بتتكلم عن موضوع الرشاشات دي ولو عايز رقم واحد تشتري منه في الحرفيين كويس و سعره حلو ابعتهولك على الخاص .
رشاشات الانوس مش بتتنضف حتي بجهاز الالتراسونيك يقوم الميكانيكي يقولك نضفتهم !!!
اول حاجة غير الميكانيكي
تاني حاجة غير الرشاشات
و بعدين ابقي قول حصل ايه
خد التقرير ده هينفعك
http://www.nilemotors.net/Nile/362152-2-bmw-m40.html
الأخوه أعضاء المنتدي الكرام ..
اولا .. خالص شكري و تقديري و إحترامي لكا من تفضل بالرد علي الموضوع
وكل من ابدي رأيه و عرض حل للمشكله ..
تاني حاجه بقي .. حبيت أقول لكم ايه اللي حصل في مجموعه المشكلات اللي كنت عرضتها عليكم
انا امبارح الخميس نزلت اشتريت الآتي :
- طقم سلوك بوجيهات كوري بـ 45 جنيه
- طقم بوجيهات ngk سن طويل بـ 42 جنيه
- موتور طرمبه بنزين بوش ألماني جديد بـ 150 جنيه
و 40 جنيه مصنعيه
أنا ركبت سلوك البوجيهات تحت البيت اول لما جبتها وطلعت علي الميكانيكي
غير لي قلب طرمبه البنزين وركب لي الموتور البوش الجديد
وحلينا تاني الرشاشات ونضفناهم بالاسبراي لانهم مكانوش بايظين ولا حاجه
وغير لي البوجيهات .. ودورت العربيه وروحت بيها ..
النهارده بقي طلعت بيها علي الدائري اجربها .... وكانت المفاجأه ......
ايشي خيال يا ناس ... سحب ايه وجري ايه ودلع ايه .. ده ولا السحر يا ناااس ..
الخنقه راحت والرعشه راحت والتقطيع فوق الـ 80 كيلو راح
والتقطيع علي السلانسيه راح .. والغياب في الدواره الصبح راح .. والـ rpm اللي كان عمال يعلي ويوطي اتظبط .. وتفتفه الشكمان لما بدوس اكسرتير راحت .
الحمد لله .. رجعت احسن من الاول ...
الف حمد والف شكر ليك يا رب ..
وبجد الف الف الف شكر ليكم شباب ..
الف مبروك على إصلاح المشاكل
ملاحظة على جنب:
غير الميكانيكى اللى بتروحلة... مفيش حد بيفهم فى الميكانيكا يلعب فى مسمار البوابة مع عربية انجكشن... دى غباوة
الايدل كونترول هو اللى بيضبط سرعة الايدل و كل ما تلعب فى المسمار الايدل كونترول هيعدل نفسة عشان يحافظ على نفس سرعة الايدل حسب وصع البوابة الجديد... يعنى مهما تلعب فى المسمار الموتور مش هيعلى ولا هيوطى
MMamdouh