عندى مشكلة فى دهان الكابوت حيث ان الدهان بيتقشر ونصحنى بتاع الدوكو بتغير الكابوت(وش العربية الامامى)وانا سألت عن ثمنه وجدته غالى جداااا
هل لديكم حل لى:smile:
عرض للطباعة
عندى مشكلة فى دهان الكابوت حيث ان الدهان بيتقشر ونصحنى بتاع الدوكو بتغير الكابوت(وش العربية الامامى)وانا سألت عن ثمنه وجدته غالى جداااا
هل لديكم حل لى:smile:
طيب هو اللون بيقشر ليه هو فيه صدأ كتير فيه مثلا ولا ايه السبب
لايوجد صدأ لكن تقريبا فى عيب فى سطح الكابوت انه غير مستو ى فيتم معا لجته بكميه من المعجون كبيرة فتتشقق بعد ذلك والأصل انا اشتريتها ذى الفل وبعدين لقيت العيب ده :bouncy:
الحل انكِ توديه لسمكري و يحرق كل البوية و المعجون و يخليه على الصاج و بعدين يستعدل الصاج و يعمل (حموات) و لما يبقى عدل يتم الدهان مرة تانية مع التأكيد على بتاع الدوكو انه ميعالجش أي اعوجاج بزيادة المعجون و لكن بتعديله على السمكري و بعدين يسيب المعجون فترة علشان ينشف (يعضم) كويس و بعد كده يدهنه .
الكوبت يتحرق على الصاج ويتسمكر كويس ويتدهن تانى
عاوزك تغير الكابوت؟!!!
نزل الدهان والمعجون كلة وسمكرة كويس وشوف بوهيجي غيرة.
دة شغل سمكرى يجيبه على الصاج ويستعدل كويس وخضرتك متستلميش من السمكري خلى البوهيجي هو اللي يستلم ويقول أن الصاج تمام ومستعدل كويس ومش محتاج معجون كتير ولو السيليكون اللي ماسك الكبوت بحديد التقويه (اللي واخد شكل X في بطن الكبوت) محتاج يتفور علشان يتسمكر الكبوت كويس يتفور مفيش مشاكل . أنا بقول كدة ليه لان السمكري لما يلاقي السمكرة فوق الحديد دة مش بيسمكر الاجزاء دي لانه محتاج يتفور (يفك) الحديد دة ويسيب البوهيجي يغطيه بكميه كبيرة من المعجون و دة بيسبب التشققات
بلاش تشيل البويه بالحرق
لانه ممكن الكبود يموج من الحرق
هات مزيل للبويه اينعم غالي شويه بس حيحافظ علي الكبود
و تنزل البويه كلها و المعجون
و تخلي السمكري يدقدقه من الاول
و يتمعجن و يتصنفر و بلاااااااش معجون كتير
هو دا اللي بيخلي البويه تطقطق