مشكلة المشاكل في فيكترا 2000cc a

**ahmedkasem** · 24-10-2013 02:57 AM

طبعا اكبر مشكلة في الموديل ده هي الماف
انا كان عندي الماف بايظ السحب والسلانسيه مش مظبوطين
واما عن استهلاك البنزين فحدث ولا حرج ( الصفيحة 20 لتر يو ما تعمل معايا واجب بتعمل 90 كيلو )
والعربية بتدخن دخنة سوده
المهم اشتريت ماف استيراد اللي اخره 202/210 وركبته لقيت الار بي ام مش مظبوط كان على 1.5
والسحب كمان مكنش مظبوط
المهم دورت على الماف اللي بنفس الرقم ملقيتهوش فاشتريت ماف 208/213 واشتريت معاه طقم رشاشات استيراد
السلانسيه شبه اتظبت يعني الار بي ام بقى على 1
والسحب ساعلت بيكون مظبوط وساعات لأ
والدخنة السوده اتمنعت
واستهلاك البنزين الصفيحة بقت بتعمل 120 كيلو تقريبا
ولمبة الاعطال بقت بتنور ساعات وتطفي ساعات والعربية ماشية

طبعا كده برضه العربية مش مريحاني وفي حاجة غلط ومش عارف اعمل ايه عشان العربية تتظبط

ياريت يا جماعة تدلوني المشكلة في ايه دلوقتي خصوصا اني مش لاقي حد عنده اسكانر للموديل ده في اسكندرية

العربية فيكترا اتوماتيك 2000 cc موديل 1995