الموضوع: السادة الاعضاء احظروا الردارات الجديدة علي المحور!!

المشاركة الأصلية كتبت بواسطة ahmed.ali

سؤال برئ هو كل الاساتذه الي ردوا من قبلي سمعوا عن اختراع اسموا القانون! طيب حد عاش بره المحروسه و شاف يعني ايه مخالفه سرعه و اساسا يعني ايه كسر اشاره

مع كل احترامي لحضراتكم عاوزين البلد تتقدم ازاي و انتم اصلا ضد تطبيق القانون

مش كل المانيا يا سيدي الفاضل بدون سرعه محدده دا طرق معينه الشئ الوحيد الصح في كلام سيادتك انه مش منطقي تاخد مخالفه علي 93 في اغلب الدول بيكون في هامش للخطأ في حدود 10%

مفيش حد ضد تطبيق القانون
بشرط ان يطبق على الكل
بس الحقيقة ان القانون لا يطبق إلا على الغلابة

المشاركة الأصلية كتبت بواسطة hilal

مفيش حد ضد تطبيق القانون
بشرط ان يطبق على الكل
بس الحقيقة ان القانون لا يطبق إلا على الغلابة

مع شديد احترامي لشخصك دي شماعه بتعلق عليها عدم قدرتك علي الالتزام القانون قانون و عليك الالتزام به.

انا مقيم في دوله خليجيه و القانون مبيطبقش علي كل الناس زي بعضه بس برضوا لا اجرأ اساسا اني افكر اكسر اشاره دي غرامه 12 الف جنيه مصري بالاضافه الاحتمال السجن لو عملت حادث اروح بقي اقولهم اصل القانون مبيطبقش علي الكل

يا بتوع المرور شعلقو الرادار ولو في النايلسات،،، برضه هيبوووووووظ
أصل اللي مبيبصش من الغربال يبقى أعمى،، رادار إيه وطين إيه مش لما الشوارع تتعمل بما يرضى الله ويحطو لافتات تحذيرية الأول ويظبطوا الطرق يبقوا يحطوا رادارات، بيفكروني بمحل كشري مشهور في وسط البلد قبل ما تقعد على الطرابيزة يقولك الحساب الأول وبعدين نحطلك الطلب، وأكله ضايع وحالته زفت ومش نظيف واللي بيدخله مرة مبيكررهاش.. هاهاها

المشاركة الأصلية كتبت بواسطة saddam

وأنا مرة واحد تافه وقفني ودفعني غرامة على الزراعي إسكندرية وكنت ماشي بسرعة 93

طب 93 دي معقوله انما فيه قريه اسمها "دفره" قبل طنطا وانت رايح اسكندريه زراعي فيها التصوير على 60! 60 دي مبتبقاش العربيه ماشيه أساسا بس هما من كرمهم بيصورو على 65 فتصور بقى لما تتخالف على 66!

بس أرجع وأقولك طرق مصر غالبيتها ميستحملش أكتر من 90 عشان لما تحتاج تفرمل تلاقي أسفلت الكاوتش يمسك فيه.

المشاركة الأصلية كتبت بواسطة ahmed.ali

سؤال برئ هو كل الاساتذه الي ردوا من قبلي سمعوا عن اختراع اسموا القانون! طيب حد عاش بره المحروسه و شاف يعني ايه مخالفه سرعه و اساسا يعني ايه كسر اشاره

مع كل احترامي لحضراتكم عاوزين البلد تتقدم ازاي و انتم اصلا ضد تطبيق القانون

مش كل المانيا يا سيدي الفاضل بدون سرعه محدده دا طرق معينه الشئ الوحيد الصح في كلام سيادتك انه مش منطقي تاخد مخالفه علي 93 في اغلب الدول بيكون في هامش للخطأ في حدود 10%

بافتراض إن القانون بيطبق على الجميع والناس كلها بتراعي القانون، المفروض عتبة السرعة المسموحة تترفع شوية، 90 دي ماشي على الطرق المجاورة لمناطق سكنية عشان الحوادث، إنما الطرق "[overline]السريعة[/overline]" لو كله مشي على 90 محدش هيسافر أصلاً، الطرق كلها زي الزفت والواحد بيدور على أي طريقة يختصر بيها وقت السفر، ولو الطريق سالك وفاضي ومفيش منطقة سكنية والمفروض إنه طريق "سريع"، يبقى ايه الحكمة نحدد السرعة 90 إلا إذا كانت جباية وبلطجة وشخلل عشان تعدي. وليه أصلا تعمل طريق سريع وتطلب من الناس تمشي زي البط. في رأيي المفروض الحد يبقى 120، معقول أوي، فوق الـ 120 تعتبر سرعة مفرطة، إنما أقل من كده على طريق سريع يبقى استهبال.