السادة الاعضاء احظروا الردارات الجديدة علي المحور!!

راجع من الزمالك لستة اكتوبر ماشي بتمخطر علي 60 وانغام اغنية فكروني عنيك للست حيث بما اني راجع الساعة 2 الفجر فحاسس ان الطريق ملك لي :tumb:

طلعت المحور ماشي زي الفل 2 كيلو و هوبااا لقيت دربوكا جامدة علي اليمين عربية نصف نقل و 4 ملاكي و 2 شرطة برليانس انا افتكرتها حادثة و وقفت بس مفيش حادثة! طبعا لا اراديا الجينات المصري اشتغلت في ايه يا رجالة ؟ ولا حاجة بنركب الرادارات الجديدة فين يعني علي اليمين كده فوق في نصف عواميد النور علشان سائقي الميكروباص ميبوظوهومش !!! ربنا معاكم يا رجالة و مشيت الردار قبل اعلان BMW بحوالي 500 متر اتجاه 6 اكتوبر :mahf(5):

غريبة وسابوك تمشي عادي في الحظر بدون ما يوقفوك؟
ياترى حاطين لوحات تحذيرية قبل الردار ولا لأ؟ عموما شكرا للتنبيه وربنا يستر.

صديقي المواطن
نسأل الله أن يريحنا من هؤلاء الفشلة فالسرعة مسألة شخصية وفي ألمانيا القيادة مسموحة بسرعة 400 وأنا مرة واحد تافه وقفني ودفعني غرامة على الزراعي إسكندرية وكنت ماشي بسرعة 93 قلتلو بالحرف الواحد أنا لو من أبوك و أمك كنت دفنت نفسي أربي شاب سنين وسنين وفي اﻵخر شغلته يمسك الناس اللي بتمشي فوق التسعين والله البلد دي لازم يكون الواحد دخله اليومي فيها 5 آلاف جنيه عشان يعرف يعيش من الغرامات والمخالفات والجمارك وأسعار الشقق والله المستعان
أكثر ناس أكرههم بحياتي هم بتوع كماين الرخص والرادارات معنديش مانع يمسكوا عربيات مسروقة ولكن هم بيترسموا على الشرفاء فقط
بالتوفيق وإلى اﻷمام ومن نصر إلى نصر
ودمتم للنضال
زمان جهاز كشف الرادار بألف ونص بنقول عليه غالي من هنا ورايح لو وصل 6 آلاف حجيبه وأي جهود لضرب كمبيوترات الرادارات بفايروس ولا حاجة فندعو لكم بتسديد الخطى
عربيتي رقم 3 مرفوعة بقالها سنتين ونص أكشف عليها بالصدفة ألاقي 1136 مخالفات غير إني ركبتها سنة ودافع مخالفات حوالي 1400 ويا ريت بتروح في بناء طريق ولا حاجة محترمة دي بتروح عشان موظف تافه ياخدلي 150 ألف جنيه بالشهر عشان يدينا خبرته الوطنية إزاي نرجع بالبلد للوراء ونمليها بالفشلة من أمثاله
موضوعك يا مواطن جابلي إكتئاب مزمن شديد اللهجة
رحم الله البشرية وأمة محمد صلى الله عليه وسلم

اقتباس:

---

المشاركة الأصلية كتبت بواسطة khaled lanos

غريبة وسابوك تمشي عادي في الحظر بدون ما يوقفوك؟
ياترى حاطين لوحات تحذيرية قبل الردار ولا لأ؟ عموما شكرا للتنبيه وربنا يستر.

---

ياباشا الحظر عبارة عن شوارع مقفولة من قبل الجيش فقط و في 6 اكتوبر بليل ساعات يبقي فيه لجان شرطة بعد الحظر رخص و مباحث و كده ولو تمام بتمشي عادي ولا انا ماخدتش بالي من اي لوحات انا شفتهم فجاة

اقتباس:

---

المشاركة الأصلية كتبت بواسطة saddam

صديقي المواطن
نسأل الله أن يريحنا من هؤلاء الفشلة فالسرعة مسألة شخصية وفي ألمانيا القيادة مسموحة بسرعة 400 وأنا مرة واحد تافه وقفني ودفعني غرامة على الزراعي إسكندرية وكنت ماشي بسرعة 93 قلتلو بالحرف الواحد أنا لو من أبوك و أمك كنت دفنت نفسي أربي شاب سنين وسنين وفي اﻵخر شغلته يمسك الناس اللي بتمشي فوق التسعين والله البلد دي لازم يكون الواحد دخله اليومي فيها 5 آلاف جنيه عشان يعرف يعيش من الغرامات والمخالفات والجمارك وأسعار الشقق والله المستعان
أكثر ناس أكرههم بحياتي هم بتوع كماين الرخص والرادارات معنديش مانع يمسكوا عربيات مسروقة ولكن هم بيترسموا على الشرفاء فقط
بالتوفيق وإلى اﻷمام ومن نصر إلى نصر
ودمتم للنضال
زمان جهاز كشف الرادار بألف ونص بنقول عليه غالي من هنا ورايح لو وصل 6 آلاف حجيبه وأي جهود لضرب كمبيوترات الرادارات بفايروس ولا حاجة فندعو لكم بتسديد الخطى
عربيتي رقم 3 مرفوعة بقالها سنتين ونص أكشف عليها بالصدفة ألاقي 1136 مخالفات غير إني ركبتها سنة ودافع مخالفات حوالي 1400 ويا ريت بتروح في بناء طريق ولا حاجة محترمة دي بتروح عشان موظف تافه ياخدلي 150 ألف جنيه بالشهر عشان يدينا خبرته الوطنية إزاي نرجع بالبلد للوراء ونمليها بالفشلة من أمثاله
موضوعك يا مواطن جابلي إكتئاب مزمن شديد اللهجة
رحم الله البشرية وأمة محمد صلى الله عليه وسلم

---

والله انا مش عارف اقولك ايه بس لسه كتير اوي علي البلد والحد من السرعة مطلوب و منع النقل من تدمير محور 26 يوليو بردو مطلوب!

شكرا على المعلومة
وربنا يستر
وفعلا زي الاستاذ صدام ما قال
اوسخ ناس على ظهر الارض بتوع الكماين مع بعض الاستثناءات البسيطة جدا

اقتباس:

---

المشاركة الأصلية كتبت بواسطة saddam

صديقي المواطن
نسأل الله أن يريحنا من هؤلاء الفشلة فالسرعة مسألة شخصية وفي ألمانيا القيادة مسموحة بسرعة 400 وأنا مرة واحد تافه وقفني ودفعني غرامة على الزراعي إسكندرية وكنت ماشي بسرعة 93 قلتلو بالحرف الواحد أنا لو من أبوك و أمك كنت دفنت نفسي أربي شاب سنين وسنين وفي اﻵخر شغلته يمسك الناس اللي بتمشي فوق التسعين والله البلد دي لازم يكون الواحد دخله اليومي فيها 5 آلاف جنيه عشان يعرف يعيش من الغرامات والمخالفات والجمارك وأسعار الشقق والله المستعان
أكثر ناس أكرههم بحياتي هم بتوع كماين الرخص والرادارات معنديش مانع يمسكوا عربيات مسروقة ولكن هم بيترسموا على الشرفاء فقط
بالتوفيق وإلى اﻷمام ومن نصر إلى نصر
ودمتم للنضال
زمان جهاز كشف الرادار بألف ونص بنقول عليه غالي من هنا ورايح لو وصل 6 آلاف حجيبه وأي جهود لضرب كمبيوترات الرادارات بفايروس ولا حاجة فندعو لكم بتسديد الخطى
عربيتي رقم 3 مرفوعة بقالها سنتين ونص أكشف عليها بالصدفة ألاقي 1136 مخالفات غير إني ركبتها سنة ودافع مخالفات حوالي 1400 ويا ريت بتروح في بناء طريق ولا حاجة محترمة دي بتروح عشان موظف تافه ياخدلي 150 ألف جنيه بالشهر عشان يدينا خبرته الوطنية إزاي نرجع بالبلد للوراء ونمليها بالفشلة من أمثاله
موضوعك يا مواطن جابلي إكتئاب مزمن شديد اللهجة
رحم الله البشرية وأمة محمد صلى الله عليه وسلم

---

كلامك سليم 100 % وعموما بتعجبني تعليقات حضرتك جدا

ايه هيوفقوا سباقات need for speed والتراكات فى مصر ولا ايه الطرق المصريه دى اساسا اخرها بجد 90 و لو طريق صحراوى او طريق سريع يبقى 120 لان اسمه كده بس بردو فيه مطبات لان المطبات والحفر و الحتت المكسره فى مصر اسلوب حياه وعلى اى طريق اتخيلوا معايا كده شكل البلد و طرقها واسعه و نظيفه و متسفلته كويس و لوحات ارشاديه قبل اى حاجه و مفيش مطبات و مفيش تكاتك ولا تروسيكلات و الناس تحترم المرور و تعرف ادابه و مش اى حد يطلع رخصه ب 500 جنيه و الكلام ده ارجع بقى تانى بتفكيرك و شوف حاله مصر ايه هتعرف اننا المفروض نموت نفسنا

الرادارات دى معموله لتحصيل الفلوس من الغلابه .............. وبالرغم من كم المخالفات الرهيبه والتحصيل الا ان الطرق والخدمات زى الزفت وتحتاج الى الكثير من الحظ والفهلوه ودعاء الوالدين والاقارب علشان تروح المشوار وترجع سليم .

سؤال برئ هو كل الاساتذه الي ردوا من قبلي سمعوا عن اختراع اسموا القانون! طيب حد عاش بره المحروسه و شاف يعني ايه مخالفه سرعه و اساسا يعني ايه كسر اشاره

مع كل احترامي لحضراتكم عاوزين البلد تتقدم ازاي و انتم اصلا ضد تطبيق القانون

مش كل المانيا يا سيدي الفاضل بدون سرعه محدده دا طرق معينه الشئ الوحيد الصح في كلام سيادتك انه مش منطقي تاخد مخالفه علي 93 في اغلب الدول بيكون في هامش للخطأ في حدود 10%

مشكورر علي التنبيه

واحد من قرايب مراتى عايش فى هولندا...... بنتكلم مرة قالى انه مرة و هو شاب صغير غير عربيته بعربية جديدة جراية و شبابى بتاعة شد و حرق و الكلام ده...... هوب مفيش اسبوع من الجرى على الطرق و مخالفة السرعات لقى جايله على البيت طقم المخالفات التمام من رادارات هو مش عارف انه عدى عليها اصلا بمبلغ 750 يورو اللى هو تقريبا كان 3/4 مرتبه فى الاسبوع...... و من ساعتها و هو ماشى عدل و عرف انه لا يصح الا الصحيح طول عمره بعد كده بس كان لازم يتقرص عشان يتعلم

اقتباس:

---

المشاركة الأصلية كتبت بواسطة ahmed.ali

سؤال برئ هو كل الاساتذه الي ردوا من قبلي سمعوا عن اختراع اسموا القانون! طيب حد عاش بره المحروسه و شاف يعني ايه مخالفه سرعه و اساسا يعني ايه كسر اشاره

مع كل احترامي لحضراتكم عاوزين البلد تتقدم ازاي و انتم اصلا ضد تطبيق القانون

مش كل المانيا يا سيدي الفاضل بدون سرعه محدده دا طرق معينه الشئ الوحيد الصح في كلام سيادتك انه مش منطقي تاخد مخالفه علي 93 في اغلب الدول بيكون في هامش للخطأ في حدود 10%

---

مفيش حد ضد تطبيق القانون
بشرط ان يطبق على الكل
بس الحقيقة ان القانون لا يطبق إلا على الغلابة

اقتباس:

---

المشاركة الأصلية كتبت بواسطة hilal

مفيش حد ضد تطبيق القانون
بشرط ان يطبق على الكل
بس الحقيقة ان القانون لا يطبق إلا على الغلابة

---

مع شديد احترامي لشخصك دي شماعه بتعلق عليها عدم قدرتك علي الالتزام القانون قانون و عليك الالتزام به.

انا مقيم في دوله خليجيه و القانون مبيطبقش علي كل الناس زي بعضه بس برضوا لا اجرأ اساسا اني افكر اكسر اشاره دي غرامه 12 الف جنيه مصري بالاضافه الاحتمال السجن لو عملت حادث اروح بقي اقولهم اصل القانون مبيطبقش علي الكل

رجعنا تاني لوساخة بتوع المرور .., ابرز علشان تعدي .... وشخلل علشان يومك يعدي... ونظام كله ماشي

اقتباس:

---

المشاركة الأصلية كتبت بواسطة hilal

مفيش حد ضد تطبيق القانون
بشرط ان يطبق على الكل
بس الحقيقة ان القانون لا يطبق إلا على الغلابة

---

+11111111

اقتباس:

---

المشاركة الأصلية كتبت بواسطة ahmed.ali

مع شديد احترامي لشخصك دي شماعه بتعلق عليها عدم قدرتك علي الالتزام القانون قانون و عليك الالتزام به.

انا مقيم في دوله خليجيه و القانون مبيطبقش علي كل الناس زي بعضه بس برضوا لا اجرأ اساسا اني افكر اكسر اشاره دي غرامه 12 الف جنيه مصري بالاضافه الاحتمال السجن لو عملت حادث اروح بقي اقولهم اصل القانون مبيطبقش علي الكل

---

لا يا باشا لازم يكون فيه عدل ومساوة بين كل الناس !!!

مايبقاش الفاميه ممنوع والظباط واللى ليهم وسائط عادي بالنسبالهم !! ؟

يا باشا انا عايز اقولك حاجة !!

اللى مالهمش وسايط هما بس اللى بيقفو في الطوابير - سواء كانت مرور او اي حد خدمة حكومية -

اللى مالهمش وسايط هما بس اللى بيدفعو المخالفات !! انت فكرك لو حد معاه واسطة وجاله ان شاء الله 100 جنيه مخالفات هيدفعها ؟

انا فاكر كويس اوي زمان لما كنت بطلع الرخصة واقف في طابور من 8 الصبح لحد 1 الظهر عشان تدخل تمتحن وفي الاخر تنجح في امتحان السواقة وتطلع لامتحان الكومبيوتر عشان يسقط

اقولك بقى كام واحد جيه قدمنا معاه عسكري او ظابط وخلص رخصته ومشي من غير حتى مايمتحن ؟؟

انا موافق ان اللى معاه واسطة يخلص كل حاجته ومايدفعش بس على الاقل سيب اللى معهوش وسايط يتعامل معاملة ادامية !!! ؟ لكن فعلا اللى معوش وسايط في البلد دي بيتبهدل من اللى يسوى واللى مايسواش

يا بتوع المرور شعلقو الرادار ولو في النايلسات،،، برضه هيبوووووووظ
أصل اللي مبيبصش من الغربال يبقى أعمى،، رادار إيه وطين إيه مش لما الشوارع تتعمل بما يرضى الله ويحطو لافتات تحذيرية الأول ويظبطوا الطرق يبقوا يحطوا رادارات، بيفكروني بمحل كشري مشهور في وسط البلد قبل ما تقعد على الطرابيزة يقولك الحساب الأول وبعدين نحطلك الطلب، وأكله ضايع وحالته زفت ومش نظيف واللي بيدخله مرة مبيكررهاش.. هاهاها

اقتباس:

---

المشاركة الأصلية كتبت بواسطة saddam

وأنا مرة واحد تافه وقفني ودفعني غرامة على الزراعي إسكندرية وكنت ماشي بسرعة 93

---

طب 93 دي معقوله انما فيه قريه اسمها "دفره" قبل طنطا وانت رايح اسكندريه زراعي فيها التصوير على 60! 60 دي مبتبقاش العربيه ماشيه أساسا بس هما من كرمهم بيصورو على 65 فتصور بقى لما تتخالف على 66!

بس أرجع وأقولك طرق مصر غالبيتها ميستحملش أكتر من 90 عشان لما تحتاج تفرمل تلاقي أسفلت الكاوتش يمسك فيه.

اقتباس:

---

المشاركة الأصلية كتبت بواسطة ahmed.ali

سؤال برئ هو كل الاساتذه الي ردوا من قبلي سمعوا عن اختراع اسموا القانون! طيب حد عاش بره المحروسه و شاف يعني ايه مخالفه سرعه و اساسا يعني ايه كسر اشاره

مع كل احترامي لحضراتكم عاوزين البلد تتقدم ازاي و انتم اصلا ضد تطبيق القانون

مش كل المانيا يا سيدي الفاضل بدون سرعه محدده دا طرق معينه الشئ الوحيد الصح في كلام سيادتك انه مش منطقي تاخد مخالفه علي 93 في اغلب الدول بيكون في هامش للخطأ في حدود 10%

---

بافتراض إن القانون بيطبق على الجميع والناس كلها بتراعي القانون، المفروض عتبة السرعة المسموحة تترفع شوية، 90 دي ماشي على الطرق المجاورة لمناطق سكنية عشان الحوادث، إنما الطرق "[overline]السريعة[/overline]" لو كله مشي على 90 محدش هيسافر أصلاً، الطرق كلها زي الزفت والواحد بيدور على أي طريقة يختصر بيها وقت السفر، ولو الطريق سالك وفاضي ومفيش منطقة سكنية والمفروض إنه طريق "سريع"، يبقى ايه الحكمة نحدد السرعة 90 إلا إذا كانت جباية وبلطجة وشخلل عشان تعدي. وليه أصلا تعمل طريق سريع وتطلب من الناس تمشي زي البط. في رأيي المفروض الحد يبقى 120، معقول أوي، فوق الـ 120 تعتبر سرعة مفرطة، إنما أقل من كده على طريق سريع يبقى استهبال.

اقتباس:

---

المشاركة الأصلية كتبت بواسطة ahmed_adham

طب 93 دي معقوله انما فيه قريه اسمها "دفره" قبل طنطا وانت رايح اسكندريه زراعي فيها التصوير على 60! 60 دي مبتبقاش العربيه ماشيه أساسا بس هما من كرمهم بيصورو على 65 فتصور بقى لما تتخالف على 66!

بس أرجع وأقولك طرق مصر غالبيتها ميستحملش أكتر من 90 عشان لما تحتاج تفرمل تلاقي أسفلت الكاوتش يمسك فيه.

---

أنا بسافر كتير على الطريق ده وأقل حاجة ببقى ماشي 120، بس أنا باخد وصلة "الطريق السريع الجديد" اللي بيخليك تبعد عن طنطا وتمشي سالك وتدفع كارتة 3 جنيه وبجمع سرعة براحتي على الطريق ده يعني 160 مثلاً، قرية دفره دي قبل الطريق السريع الجديد؟ عشان أنا مش فاكر بصراحة أي رادار بيصور على 65.

خلاص مفيش 220 تانى على المحور يخصارة كانت ايام حلوة

اقتباس:

---

المشاركة الأصلية كتبت بواسطة hilal

مفيش حد ضد تطبيق القانون
بشرط ان يطبق على الكل
بس الحقيقة ان القانون لا يطبق إلا على الغلابة

---

والله حقيقة فعلا - من فترة كنت على الطريق الصحراوى مصر اسكندرية وسرحت وانا سايق عديت 140 كم/ساعة فجأه لقيتنى داخل على كمين وفعلا اوقفنى - بس شوف النكته - انا كنت قافل الزجاج وفى التكييف ومطقم بدله اخر تمام وعلى واجهة السيارة بادج نادى القضاة - انا مش قاضى ولا حاجة بس انا بادخل النادى كتير لزوم شغلى - المهم امين الشرطة بعد ما اوقفنى فضل مبلم شوية وبعدين قاللى حنادى على الضابط ولما الضابط جه ولا طلب منى رخص ولا حاجه فضل برضه مبلم ثوانى وبعدين قاللى:mahf(5):ممكن استأذنك فى شوية مياه لو سمحت:tumb:
أه والله العظيم دا اللى حصل - بس ببجاحتى لما لقيت الموضوع كده قلت له لا sorry
طبعآ هو كان عايز يخرج من احراج ان ان مستشار فمش لازم يطبق على المخالفة زى بقيت خلق الله - وعجبى:fun_36_3_4[1]:

اقتباس:

---

المشاركة الأصلية كتبت بواسطة abdelmoneem

بافتراض إن القانون بيطبق على الجميع والناس كلها بتراعي القانون، المفروض عتبة السرعة المسموحة تترفع شوية، 90 دي ماشي على الطرق المجاورة لمناطق سكنية عشان الحوادث، إنما الطرق "[overline]السريعة[/overline]" لو كله مشي على 90 محدش هيسافر أصلاً، الطرق كلها زي الزفت والواحد بيدور على أي طريقة يختصر بيها وقت السفر، ولو الطريق سالك وفاضي ومفيش منطقة سكنية والمفروض إنه طريق "سريع"، يبقى ايه الحكمة نحدد السرعة 90 إلا إذا كانت جباية وبلطجة وشخلل عشان تعدي. وليه أصلا تعمل طريق سريع وتطلب من الناس تمشي زي البط. في رأيي المفروض الحد يبقى 120، معقول أوي، فوق الـ 120 تعتبر سرعة مفرطة، إنما أقل من كده على طريق سريع يبقى استهبال.

---

احب اقولك ان دوله زي قطر اغلب الطرق السرعه فيها 80 و اقصي سرعه في البلد علي طريق حر 120

يعني سيادتك تكون راكب البورش و ماشي علي 80 مش راكب شاهين

شكرا للتنبيه

اقتباس:

---

المشاركة الأصلية كتبت بواسطة saddam

صديقي المواطن
نسأل الله أن يريحنا من هؤلاء الفشلة فالسرعة مسألة شخصية وفي ألمانيا القيادة مسموحة بسرعة 400 وأنا مرة واحد تافه وقفني ودفعني غرامة على الزراعي إسكندرية وكنت ماشي بسرعة 93 قلتلو بالحرف الواحد أنا لو من أبوك و أمك كنت دفنت نفسي أربي شاب سنين وسنين وفي اﻵخر شغلته يمسك الناس اللي بتمشي فوق التسعين والله البلد دي لازم يكون الواحد دخله اليومي فيها 5 آلاف جنيه عشان يعرف يعيش من الغرامات والمخالفات والجمارك وأسعار الشقق والله المستعان
أكثر ناس أكرههم بحياتي هم بتوع كماين الرخص والرادارات معنديش مانع يمسكوا عربيات مسروقة ولكن هم بيترسموا على الشرفاء فقط
بالتوفيق وإلى اﻷمام ومن نصر إلى نصر
ودمتم للنضال
زمان جهاز كشف الرادار بألف ونص بنقول عليه غالي من هنا ورايح لو وصل 6 آلاف حجيبه وأي جهود لضرب كمبيوترات الرادارات بفايروس ولا حاجة فندعو لكم بتسديد الخطى
عربيتي رقم 3 مرفوعة بقالها سنتين ونص أكشف عليها بالصدفة ألاقي 1136 مخالفات غير إني ركبتها سنة ودافع مخالفات حوالي 1400 ويا ريت بتروح في بناء طريق ولا حاجة محترمة دي بتروح عشان موظف تافه ياخدلي 150 ألف جنيه بالشهر عشان يدينا خبرته الوطنية إزاي نرجع بالبلد للوراء ونمليها بالفشلة من أمثاله
موضوعك يا مواطن جابلي إكتئاب مزمن شديد اللهجة
رحم الله البشرية وأمة محمد صلى الله عليه وسلم

---

5000 جنيه ايه بس يا عم الحاج
انا صاحبى وارث عربية جيب 4*4 موديل 98 من ابوه و شغال فى وزارة التموين بيقبض 1500 فى الشهر يدوبك بيشيل منهم شهر عشان يدفع الضريبة السنوية
احنا فى بلد تجيب شلل ربنا يرحمنا و يكتبلنا الصبر فى ميزان حسناتنا

والله كويس اوي الي بيحصل دة بيركبو ردارات و يعملولك كماين وناقص يعملو فخ علي الطريق عشان الي يسرع يتقفش ويدفع غرامة .. اساسا نص اقتصاد مصر قايم علي لم المخالفات من العربيات .. يلا هانت كلها كام سنة ونسبلهم البلد بالي فيها ونمشي

مفيش غير رد واحد حسبي الله ونعم الوكيل
كل شوية تركيب ردارات رصف طرق اصلاحات والنتيجة = لا يساوي

انتو بتتكلمو في اية يا جماعة بتتكلمو في بلد خربانة رادار اية وهباب اية انا شاب مستقبلي مدمر في البلد دي بسبب جهل وتخلف قال اية عشان تشتغل لازم يكون معاك لغات وانتو جايين بتتكلمو في رادار هوة فية اية في مصر صح اصلا ؟؟؟؟؟؟؟؟؟؟ صباح الفل ياجدعان

شُــكرآا ع التنبيــه و فعلا المخالفات ع اللي معندوش واسطة ... سواء فاميه او دعامات او سرعة آو آي حاجة .. و سايبين حرامية العربيات الل هما عارفين مكانهم يطيحوا في خلق الله و يسترزقوووا ..

و الناس اللي بتتكلم ع طريق دفرة اللي قبل طنطا .. الطريق الحر اللي بـ 3 جنيه قبل ما تدخل دفرة .. بعد يافطة محافظة الغربية على طول .. و الطريق ده احسن الف مرة م الطريق التاني عشان بيرحمك من دفرة و من كفر الزيات و شبرا النملة و كذا قرية ع الطريق بيكون الطريق ضيق و فيه مطبات ..

هناك حل ظريف بستعمله على طريق مصر الاسكندرية الصحراوي ، لو بتستعمل موبايل اندرويد يبقى ممكن تنزل برنامج اسمه Trapster البرنامج ده بتلقط بيه الرادارات و اماكن القطع فى الطريق و الحاجات دي كلها ، برنامج خفيف و بيشتغل على الباكت داتا بتاع الموبايل ، و دمتم للنضال

اقتباس:

---

المشاركة الأصلية كتبت بواسطة kmimsa

هناك حل ظريف بستعمله على طريق مصر الاسكندرية الصحراوي ، لو بتستعمل موبايل اندرويد يبقى ممكن تنزل برنامج اسمه Trapster البرنامج ده بتلقط بيه الرادارات و اماكن القطع فى الطريق و الحاجات دي كلها ، برنامج خفيف و بيشتغل على الباكت داتا بتاع الموبايل ، و دمتم للنضال

---

انا عارف trapster بس هو شغال في مصر ؟ و دقيق ولا حيلبسنا في الحيطة ؟ :khd:

و هو المفروض ان الناس هية الي بتحط اماكن الكاميرات ولا هو بيلقتها لوحده ؟؟

طيب متجربوا تلتزموا بالسرعه اريح