الموضوع: التطور الطبيعى للحاجه الساقعه...اقصدى الزواج !!!!

بعد 6 اسابيع من الزواج:بحبك بحبك بحبك
بعد6 اشهور:اكيد بحبك
بعد6 سنين:يا سااااتر ! يعنى لو مش بحبك كنت حتجوزك لية؟

بعد الشغل:
بعد 6 اسابيع:حبيبتى انا جيت من الشغل
بعد 6 اشهر:انا رجعت
بعد 6 سنين:فين الاكل

تليفون بيرن:
بعد 6اسابيع:حبيبتى فى حد عايزك على التليفون
بعد 6اشهر:التليفون دة ليكي
بعد 6سنين:ما تردى انا عندى صداع

وقت الغداء:
بعد 6اسابيع:مكنتش اعرف ان نفسك حلواوى كدة
بعد 6اشهر:عاملة اية النهاردة
بعد 6 سنين:بامية تانى ؟!!

لما تشترى فستان جديد:
بعد 6 اسابيع:مبروك يا حبيبتى حياكل منك حتة
بعد 6 اشهر:انتى جبتى فستان جديد تانى؟
بعد 6سنين:همممممممممممم بكام

لما يتفرجوا على فيلم:
بعد 6اسابيع: تحبى نشوف فيلم اية؟
بعد 6اشهر:ما تغيريش القناة انا عاوز الفيلم دة
بعد 6سنين:انا رايح السينما نامى انتى بأة

لما تعزم اصحابها:
بعد 6اسابيع: ومالة اهلا بيهم فى اى وقت
بعد 6اشهر:انتى كل شوية حتعزميلنا حد؟
بعد 6سنين:يووووووووووه دة مبقاش بيت

لمايروحوا السوبر ماركت:
بعد 6اسابيع: تحبى نروح انهى سوبر ماركت يا حياتى
بعد 6اشهر: و مالة عم وديع البقال!!
بعد 6سنين: انتى بتودى الاكل فين؟

لما يجيى عيد ميلادها:
بعد 6اسابيع : معليش كان نفسى اجبهولك الماظ
بعد 6اشهر:خدى 50 جنية جيبى اللى انتى عاوزاه
بعد 6سنين:مش عيد ميلادك كان السنة اللى فاتت هو كل سنة و لا اية!

فى العيد:
بعد 6اسابيع:حبيبتى الكحك و البسكوت برة على السفرة
بعد 6اشهر:مش واجب بأة مامتك تجيب لنا الكحك
بعد 6سنين:مش لازم كحك السنةدى انتى تخنتى اوى

وهى رايحة للدكتور:
بعد 6 اسابيع: حبيبتى قوليلى قبلها علشان اعمل حسابى فى الشغل وآجي معاكي
بعد 6اشهر:خدى مامتك معاكى و لا حد من صحابك
بعد 6سنين: دكتور دكتووووووووووووور!! مانتى زى الفل اهو

المولود الاول:زى القمر .......شبهك
المولود التانى:شبه اخوه
المولود التالت:ياريت تخدى بالك المرة الجاية