اعلن انا العضو حسام السيد من اعضاء نايل موتورز انتمي الي قسم البي واي دي خاصة و الي القسم الصيني عامة
البيان التالي :-
1- ان نقوم بمقابلة لجميع اقسام منتدي السيارات الصيني في نايل موتورز
2- ان تكون المقابلة يوم السبت القادم
3-ان يكون ميعاد المقابلة الساعة السابعة مساءا
4- الدعوة عامة لكل اعضاء الصيني شخص شخص ونفر نفر وفرد فرد ( زنجا زنجا ودار دار)
5- علي الاعضاء الجدد بقسم البي واي دي خاصة وقسم الصيني عامة عدم التخلف عن الحضور ابدا مهما كان السبب
6- بالنسبة بقي للاعضاء القدام وهما عارفين نفسهم كويس واحد واحد بموتك اذا اعتذرت يا عضو منك ليه
7- المكان كالعادة كافيتريا جراند ليموزين بجوار الشهر العقاري بسوق السيارت بمدينة نصر
طبعا الدعوة غير قاصرة علي قسم الصيني فقط هي عامة لجميع الاعضاء في المنتدي الجميل بتاعنا
واحنا اتعودنا ان فيه اعضاء من خارج الصيني بينورونا كل مرة
فاهلا وسهلا بيهم وهما عارفين نفسهم كويس عشان منساش حد
وطبعا الي حضر المقابلات بتاعتنا قبل كده عارف كويس انه اكيد هيستفاد من المقابلة
وفيه ناس بتعرض مشاكلها الموجودة في العربية وبنقوم بفحصها وساعات بيطلع مافيش حاجة وساعات كتير بنوصل لحل او بنوصل لسبب المشكلة
فياريت الكل يحضر خصوصا ان شايف فيه كتير اعضاء جداد انضموا لينا نحب نتعرف عليهم
بالنسبة للاعضاء الي اول مرة ييجو المقابلة ومش عارف المكان
يقول وانا ابعتله رقم تليفوني عشان نتابعه الي ان يصل للمكان ان شاء الله
والسلام عليكم ورحمة الله وبركاته
وعلي راي اخونا صدام دمتم للنضال اخي المواطن
وتحيا مصر
وسمعني سلام يا حبيبتي يا مصر يا مصر
المفضلات