عربيتي النترا اتسرقت انا و6 من نفس الشارع

**DR-Most** · 24-10-2013 06:32 AM

للاسف ده اول موضوع ليا بس عارفين ليه بكتب عشان احذر الناس مش اكتر مش عايز حد يحصله الي حصلي
نزلت الصبح ملقتش عربيتي تحت البيت
النترا موديل 2011
ومش بس انا اتفجأت ان الي سرق العربية سرق 6 من نفس الشارع في خلال يومين فقط
الموضوع مش كده فيه في مصر 35 الف عربية اتسرقت في خلال سنه
عارفين ايه المصيبة ؟؟
اني لما عملت محضر كان معايا اخويا .. وعشان توتري كتبت ارقام التيلفون الخاصة بي وباخويا في المحضر
ثانيا العربية كان فيها علبة الكروت بتاعتي
المهم بليل في نفس اليوم اتصل باخويا شخص بيقوله فيه عربية مسروقه منك موديل كذا لون كذا رقم شاسيه وماتور ورقم لوح
قاله اه .. ولانه اخويا فكان اهدى في الكلام
المهم قاله قولي على اي حاجة مميزه في العربية عشان اصدق قاله مفيش حاجة مميزه عادي قاله فيه علبة كروت قولي باسم مين للاسف الي كان بيتصل ( الحرامي ) قاله باسم فلان !!! وفلان ده اسم اخويا الي هو كان عامل المحضر معايا !!!!!!!!!!!!!! واخويا اصلا ملوش كروت من اساسه
طيب كويس اووي الكلام ده
مش عايز اطول عليكم قدرت بطريقة ما اجيب سريل الموبيل الي بيتكلم منه مش سريل الشريحه عشان لو غير الرقم وفعلا وصلنا ليه مع ادارة مباحث السيارات واكتشفنا المصيبة الي حاولوا يقولولي ارجو ان محدش يعرف عنها حاجة وانا فعلا مكنتش ناوي اقول بس في الاخر هحكي ليه اتكلمت
الي كان بيتصل ده امين الشرطة الي في القسم
وعاملين عصابه كام امين شرطه على مجموعه من بره
الي عربيته تتسرق يتصلوا بيه في نفس اليوم الراجل طبعا هيكون ملهوف على عربيته وخاصة ان الناس مؤهله نفسيا انها اكيد فيه حد هيتفاوض معاها نتيجه ان ده بقى الطبيعي تروح تدفع الفلوس زي الباشا وطبعا مفيش عربية يبقى عربيتك راحت والفلوس
طيب ماعلينا قولنا نستدرج الراجل ده عشان نمسكه مع المباحث لما حدد المكان والمعاد كلمت الظابط المفروض المكلف بالقضية قالي انا في مأمورية مش فاضي .!!!!!!!!!!!!!!!!!!!!!!!!!!!!!!!!!
ماعلينا كده كده مباحث النصب اشتغلت وجابت الناس
يعني حاميها حراميها !!!!!!!!!!!!!!!!!!!!!!!
بتكلم ليه طيب اقولكم
لان اكتر من 69 عربية اتسرقت من قسم اول مدينه نصر هيونداي النترا نفس الموديل ومفيش ولا عربية رجعت
عشان خاطر بتوع المباحث مستنين العربية تتلاقى في كمين او تتمسك في عملية محدش بيتحرك عشان يروح يجبها
عشان خاطر لما خالد يوسف المخرج او محمود بدر بتاع تمرد او عمرو حمزاوي عربيتهم اتسرقت رجعت في نفس اليوم عشان خاطر دول هيعملوا ليهم هيصة ولما ترجع يقولوا ان الامن رجع العربية في 24 ساعه
بس الناس الغلابة العادية الي شقى عمرها في عربية مش مهم !!!!!!!!!!!
والمصيبة كل لما اكلم الظابط يقولي ادعي ان شاء الله ترجع
ياجماعه سيبكم من كل ده بقى
تخيلوا لما امشي بعربية صحبي 3 اسابيع وعربيته مختلفه تماما عن عربيتي هوندا سيفك واقف في مليون كمين خاصة اني بقصد امشي وقت الحظر او حتى في الاوقات العادية في اكمنه الداخليه او الجيش واطلع الرخص بطلع رخصه عربيتي المسروقه الي انا مبلغ عنها بيبصوا عادي ويمشوني يعني مش واخدين بالهم اصلا ان الرخصه دي مش بتاعت العربية دي !!!!!!!!!!!!!1
مابالكم ان الرخصه دي اصلا متبلغ بسرقتها

بقولكم خدوا بالكم من عربياتكم ركبوا جي بي اس حتى لو هيصرف شوية لان الوضع سيء للغاية وعلى فكرة السرقة مش شرط بليل صاحبي الي في نفس الشارع اتسرقت في عز الضهر

ربنا يحافظ علينا كلنا
واسف لو طولت بس قولت انبهكم لانكم كلكم ناس محترمه جدا

د. مصطفى

**devil_storm** · 24-10-2013 07:29 AM

الله يكون في عونك و عون كل واحد في الموقف ده ... انا برده من ٥ سنين عربيتي اتسرقت من تحت البيت و اعدت اسبوع كامل نفسيتي تعبانه جدا، متشكرين علي التنبيه و ان شاء الله ترجعلك و ربنا معاك

**AhMeD MeTwAlY** · 24-10-2013 07:54 AM

شوفلك واسطه تكون تقيله واشرحله الموضوع عشان يحركلك البشوات الي في القسم

**hossamalsadik** · 24-10-2013 08:35 AM

شيى مؤسف للغاية جدااااااااااااااااااااااا ااااا
ربنا كبير ديه فضيحه
ربنا يرجعهالك ان شاء لله

**drahmedhegy** · 24-10-2013 09:18 AM

ربنا يردهالك ان شاء الله

**mastr_n** · 24-10-2013 09:23 AM

انا لو منك مش هاسكت
لا يضيع حق وراءة مطالب
وان شاء اللة نباركلك قريب على رجوعها

**أحمد جودة** · 24-10-2013 09:33 AM

المشاركة الأصلية كتبت بواسطة dr-most

للاسف ده اول موضوع ليا بس عارفين ليه بكتب عشان احذر الناس مش اكتر مش عايز حد يحصله الي حصلي
نزلت الصبح ملقتش عربيتي تحت البيت
النترا موديل 2011
ومش بس انا اتفجأت ان الي سرق العربية سرق 6 من نفس الشارع في خلال يومين فقط
الموضوع مش كده فيه في مصر 35 الف عربية اتسرقت في خلال سنه
عارفين ايه المصيبة ؟؟
اني لما عملت محضر كان معايا اخويا .. وعشان توتري كتبت ارقام التيلفون الخاصة بي وباخويا في المحضر
ثانيا العربية كان فيها علبة الكروت بتاعتي
المهم بليل في نفس اليوم اتصل باخويا شخص بيقوله فيه عربية مسروقه منك موديل كذا لون كذا رقم شاسيه وماتور ورقم لوح
قاله اه .. ولانه اخويا فكان اهدى في الكلام
المهم قاله قولي على اي حاجة مميزه في العربية عشان اصدق قاله مفيش حاجة مميزه عادي قاله فيه علبة كروت قولي باسم مين للاسف الي كان بيتصل ( الحرامي ) قاله باسم فلان !!! وفلان ده اسم اخويا الي هو كان عامل المحضر معايا !!!!!!!!!!!!!! واخويا اصلا ملوش كروت من اساسه
طيب كويس اووي الكلام ده
مش عايز اطول عليكم قدرت بطريقة ما اجيب سريل الموبيل الي بيتكلم منه مش سريل الشريحه عشان لو غير الرقم وفعلا وصلنا ليه مع ادارة مباحث السيارات واكتشفنا المصيبة الي حاولوا يقولولي ارجو ان محدش يعرف عنها حاجة وانا فعلا مكنتش ناوي اقول بس في الاخر هحكي ليه اتكلمت
الي كان بيتصل ده امين الشرطة الي في القسم
وعاملين عصابه كام امين شرطه على مجموعه من بره
الي عربيته تتسرق يتصلوا بيه في نفس اليوم الراجل طبعا هيكون ملهوف على عربيته وخاصة ان الناس مؤهله نفسيا انها اكيد فيه حد هيتفاوض معاها نتيجه ان ده بقى الطبيعي تروح تدفع الفلوس زي الباشا وطبعا مفيش عربية يبقى عربيتك راحت والفلوس
طيب ماعلينا قولنا نستدرج الراجل ده عشان نمسكه مع المباحث لما حدد المكان والمعاد كلمت الظابط المفروض المكلف بالقضية قالي انا في مأمورية مش فاضي .!!!!!!!!!!!!!!!!!!!!!!!!!!!!!!!!!
ماعلينا كده كده مباحث النصب اشتغلت وجابت الناس
يعني حاميها حراميها !!!!!!!!!!!!!!!!!!!!!!!
بتكلم ليه طيب اقولكم
لان اكتر من 69 عربية اتسرقت من قسم اول مدينه نصر هيونداي النترا نفس الموديل ومفيش ولا عربية رجعت
عشان خاطر بتوع المباحث مستنين العربية تتلاقى في كمين او تتمسك في عملية محدش بيتحرك عشان يروح يجبها
عشان خاطر لما خالد يوسف المخرج او محمود بدر بتاع تمرد او عمرو حمزاوي عربيتهم اتسرقت رجعت في نفس اليوم عشان خاطر دول هيعملوا ليهم هيصة ولما ترجع يقولوا ان الامن رجع العربية في 24 ساعه
بس الناس الغلابة العادية الي شقى عمرها في عربية مش مهم !!!!!!!!!!!
والمصيبة كل لما اكلم الظابط يقولي ادعي ان شاء الله ترجع
ياجماعه سيبكم من كل ده بقى
تخيلوا لما امشي بعربية صحبي 3 اسابيع وعربيته مختلفه تماما عن عربيتي هوندا سيفك واقف في مليون كمين خاصة اني بقصد امشي وقت الحظر او حتى في الاوقات العادية في اكمنه الداخليه او الجيش واطلع الرخص بطلع رخصه عربيتي المسروقه الي انا مبلغ عنها بيبصوا عادي ويمشوني يعني مش واخدين بالهم اصلا ان الرخصه دي مش بتاعت العربية دي !!!!!!!!!!!!!1
مابالكم ان الرخصه دي اصلا متبلغ بسرقتها

بقولكم خدوا بالكم من عربياتكم ركبوا جي بي اس حتى لو هيصرف شوية لان الوضع سيء للغاية وعلى فكرة السرقة مش شرط بليل صاحبي الي في نفس الشارع اتسرقت في عز الضهر

ربنا يحافظ علينا كلنا
واسف لو طولت بس قولت انبهكم لانكم كلكم ناس محترمه جدا

د. مصطفى

معلش يادكتور مصطفي

والله أنا حاسس بيك ربنا يسترها علينا وعليك وعلى جميع المصريين

أتمني زوال الغمة ونعيش بقي زي خلق الله فى كل بلاد الله