أكرة الإزاز

**mesaharaty** · 24-10-2013 12:32 PM

من كام شهر كده كنت رحت عملت تجليد شفاف للأبواب بدل النايلون إللى كان محطوط فيها ده .
وبعدين النهاردة إكتشفت إن أكرة الزجاج الخلفى بقت تطلع من مكانها وبقت حتتين : الحتة الأولى هى يد الأكرة اللى بتلف والحتة التانية فبرة مدورة كأنها جوان بيتحط مابين الأكرة والباب .
تقريبا الراجل ماركبهاش تانى صح وهو بيقفل الأبواب .
وطبعا مع كل فتحة إزاز أو قفله الأكرة بتطلع فى إيدى على طول وممكن تقع من مجرد قفلة عادية للباب وإنت نازل .
المهم حلها إيه دى أجيب أكرة جديدة ولا ممكن ليها حل علشان معكننة عليا قوى .

مع الشكر للجميع

**مهند-النجار** · 25-10-2013 08:46 PM

حديدة عاملة شبه حرف ال u
بس تركيبها مزاوله

اة صحيح اية هو التجليد الشفاف دة وهل بيعمر ؟

**mesaharaty** · 26-10-2013 02:23 AM

التجليد الشفاف ده بيتحط على فرش الأبواب وهو حماية وبيدى لمعة ظريفة ومش غالى .

بالنسبة للأكرة فعلا هى التيلة وخليت واحد سمكرى بتاع تويوتا ميكروباص جابهالى وركبها فى دقيقة ورحت أنا ركبتها فى العربية فى 5 ثوانى والحمد لله تمت بحمد الله .