عرض للطباعة
يا جماعة انا ساعات بقيس مستوى زيت المحرك الاقيه ناقص فبقوم مزود من العلبة اللي عندي على الزيت القديم وهو هو نفس الزيت بس هل في مشكلة لما احط زيت جديد على الزيت القديم المستهلك ؟
وفي حاجة تانية انا هغير زيت 10000 قريب انا اصلا بحط توتال 9000 للانسر بومة بفكر اغير لزيت 5000 ينفع ؟ وهل توتال 9000 ده كويس اصلا ؟
صديقي المواطن
بما إن العربية بتنقص فمفيش ضرر من التزويد وده واجب مش بإختيارك سواء كان السبب رشح زيت أو تبخير
أمال حتحطلها زيت قديم يعني
هناك ناس مثلا حيقلك مينفعش تضيف زيت تخليقي على معدني أو بالعكس هي مش حتقوللك ﻷ بس ده مش صحيح
وينصح تغير زيت تخليقي وتحط إضافتين ثلاثة عشان تخفف من أثار ضياع المحرك وتبخيره عندك وبالتوفيق وإلى اﻷمام
ومن نصر إلى نصر
ودمتم للنضال
تزويد الزيت مش مشكلة لغاية ماتوصل لعدد الكيلو لغياره بس طبعا لازم يكون نفس نوع الزيت مش نوع تانى بس هو الزيت بينقص لية الموتور بتاعك خفيف وبياكل زيت بيدخن يعنى ؟
بالنسبة لزيوت توتال مش كويسة حط زيت شل الترا او ليكو مولى افضل نوعين حاليا فى السوق ولو غيرت نوع الزيت ممكن ماينقصش منك علشان اعتقد ان نسبة بخر زيوت توتال عالية وده اللى بيخليه ينقص عندك تحياتى !!
معلش يا باشا ايه موضوع الاضافات ده كمان ؟ وسعرة بيبقى حوالي كام ؟اقتباس:
المشاركة الأصلية كتبت بواسطة saddam
هي المشكلة مش مشكلة بخر المشكلة ان شوية البقر بتوع التوكيل حاطولي زيت زيادة كتير عن المعدل الطبيعي وانا بقيسه لاقيته زيادة كتير وللاسف مكتشفتش كده الا بعد ما عملت 5000 كيلو فرحت بنزينة وشال من الزيت بزيادة عشان كده كنت عايز ازود من الزيت اللي عندياقتباس:
المشاركة الأصلية كتبت بواسطة aw2100