-
مشكلة أرجو المساعدة
لو سمحتوا عندى مشكلة فى السيينا
درجة حرارة فرامل اليد بتبقى مرتفعة لو مشيت بالعربية فترة طويلة وكمان التابلوه من تحت يعنى تحت الكاسيت والدريكسون وخلافه برضه بيبقوا سخنين .. أنا قريت فى قسم الدايو بالمنتدى عن مشكلة شبيهه وكانت ناتجة من انسداد الشكمان .. فهل نفس الشيء ده عندى ولو فعلا كان من الشكمان ايه الحل .. وازاى اعرف ان اشكمان مسدود ؟!!
معلش آسف على الإزعاج والعشم فيكوا كبير
ورمضان كريم
:help:
-
ايه يا جماعة .. دا احنا حتى فى رمضان وكله بثوابه
-
لو العربيه مش مكتومه معاك يبقى الشكمان ملوش علاقه. هوه انت المالك الأول للعربيه؟ يعني هيه كده من الأول و لا ده موضوع جديد؟
-
شكرا أولا على الرد
ثانيا العربية مش مكتومة على الإطلاق وبتمشي كويس .. وكمان أنا مش المالك الأول ده الموضوع كله 3 شهور على الأكثر ومش عارف إذا كانت بتعمل كده مع صاحبها أم لا المهم انى ملاحظ الكلام ده بقالي فترة خاصة لما باشيل الموبايل بحس انه هاينفجر من كتر الحرارة
-
طيب كده مفيش غير انك تجرب عربيه سينا او باليو تانيه.. و تشوف عاملين زي عربيتك و لا لأ . في الغالب مفيش حاجه و العربيه هيه كده
-
بص اتاكد من موكيت الموجود تحت فرامل اليد..لان غالبا سخنيه فرامل اليد بتيجى من الشكمان لان الشكمان تحته علطول..
بالنسبة لسخونية الكاسيت والدركسيون..لازم تتأكد ان مفيش فتحات موجوده بين حوض الموتور والصالون بمعنى ان كل الفتحات مقفولة..الطريقة علشان تعرف كده:-
1-عن طريق النظر اسفل التابلوه
2-عن طريق النظر فى حوض السيارة
3-استخدم البلور(الى بينفخ الهواء الى بيستخدم لازاله الاتربه)..استخدمه من ناحيه حوض الموتور ووجهه على ناحيه السواق وشغل وخلى حد قاعد جو العربية ناحيه السواق وشوف كده هيحس بهواء داخله ولا لا.ونفس الموضوع تكرره من ناحيه الراكب..
فى حاله وجود هواء داخل للصالون.ساعتها بقى تعرف ان فيه فتحه مفتوحه ولازم تتسد..
عن طريق الكاوتش او الجوان المخصص للفتحه.وبعد لما تقفلها ياريت تبص على اللباد الحرارى بتاع التابلوه لانه ممكن يكون متشال او متاكل او متبهدل..
-
شكرا جميعا .. هأجرب كده وأقولكوا
Content Relevant URLs by
vBSEO 3.6.0 PL2