عندي دخنة سودة، واكتر من ميكانيكي قاللي محتاجة تظبيط كاربراتير لانه بيطلع بنزين زيادة عن اللزوم وده ممكن يعمل تسليخ في الموتور مع الوقت.
من فضلكم دلوني على صنايعي كابراتير ابن حلال ويكون عن تجربة شخصية مش عن طريق السمع.
عرض للطباعة
عندي دخنة سودة، واكتر من ميكانيكي قاللي محتاجة تظبيط كاربراتير لانه بيطلع بنزين زيادة عن اللزوم وده ممكن يعمل تسليخ في الموتور مع الوقت.
من فضلكم دلوني على صنايعي كابراتير ابن حلال ويكون عن تجربة شخصية مش عن طريق السمع.
اللى اسمع عنه انه استاذ ومفيش غيرة اللى فى المظلات
على ما اعتقد اسمه الاسطى ابراهيم
انا رحت لواحد مش بيعرف حاجه
ولسه نفس المشكله عندى
وسألت قالو لى على بتاع المظلات ده ولازم تروح بدرى تحجز
الكربراتير مابيتصلحش اوعى حد يقولك بيتصلح اشترى غيره على طول
اختلف معاك الكاربراتير بيتصلح بس فية مشكلة لو ماتصلحش صح من اول مرة واتلعب فية بيبقى صعب اصلاحة بعد كدة بمعنى ان الصنيعى اللى مش فاهم بيخربه وفى الحالة دى لازم يتغير لاكن لو روحت لواحد دكتور كاربراتير يكون عنده ضمير بيظبطة صح وتنساه خالص مع متابعة الصيانة عند دكتور الكاربراتير ده كل سنتين على الأقل وخصوصا لو بتفول بنزين 80 تحياتى !!
استاذ وليد .. تحياتى اولا , يا ريت لو تعرف حد كويس لتصليح او ضبط الكاربراتير عندنا هنا فى اسكندرية تدلنى عليه .. لأن الاستهلاك عندى غير طبيعى والميكانيكى نظف الكاربراتير باسبراى و مافيش تغيير و رحت ورشة نزيه و جرجس فى شارع 30 العصافرة لضبط الكاربراتير و برضه مافيش تغيير و بعدها رحت للمهندس ماجد و ظبط الكاربراتير و مافيش تغيير و غيرت ديسك و اسطوانة و بلية و النتيجة بعد كل ده 105 كيلو متر = 18.7 لتر
عندى نفس المشكلة بظبط و انشاء الله هروح كمان يومين ل ابراهيم اللى في شبرا
في واحد اسمه علاء الطيار في الشرابيه
لكن لازم تحجز قبل 7 صباحا
نصيحه حاول تشوف كربراتير استيراد او جديد تفضل
لاءن مفيش في مصر تصليح كرباراتير
كله نصب
شهر بالكتير والعربيه ترجع زي ماكانت
والله كلامك صح 100% انا روحت لابراهيم الى فى شارع الترعه بشبرا ولواحد اسمه ياسر عند الساحل بيقولوا عليه دكتور كمان زى ابراهيم وروحت لواحد تالت كمان فى شارع شبرا والنتيجه فى الاخر صفر وذلك بعد ما كعيت صح يقارب ما قد ادفعه فى واحد استيراد والغريبه انهم كلهم بيقولولك الكربراتير كويس وحالته حلوه
ان شاء الله ناوى انزل الوكاله او عزبه شلبى علشان اجيب واحد استيراد
صيانة الكربراتير ممكن تروح لمركز الصفا اللى فى جسر السويس هيقيسو نسبة العادم وبيعملو صيانة للكربراتير بس بصراحة مجربتهمش ومشكلة صيانة الكربراتير بتاع الفليشيا فى القاعدة اللى مابين العوامة ووش الكربراتير اللى فوق لازم تكون حديددددددددددددددد مش زى الجوانات العادية بحيث انها تمنع دخول الهواء الزيادة للكربراتير فقدامك حل من اتنين ياتروح لحد بتاع صيانة كويس وسمعت عن الاسطى ابراهيم اللى فى شارع شبرا وسمعت عن مركز الصفا يا اما تجيب كربراتير استيراد وانت حظك فيه واخر حاجة للمعلومية فقط الكربراتير الجديد سعره معدى جدا انا فاكر كنت سائل عليه من اكتر من سنة كان ب 850 جنيه وربنا يوفقك
أشكركم على الردود... من الواضح فعلا ان الجديد سعره معدي لاني سالت عليه عامل تقريبا 900، فقدامي حل من اتنين، 1- استيراد وانا وحظي لانه ممكن يطلع فيه عيب وابقى ماعملتش حاجة، 2- احاول اصلحه وربنا يستر ويطلع العيب بسيط.
ياباشا دى العربية بتبلبع البنزين وده مش استهلاك طبيعى واعتقد ان دة مش عيب كاربراتير انا كان الأستهلاك وصل ل 7 ك/لتر وراجعت الخراطيم لاقيت خراطيم الموتور مشققة وبتخر بنزين وغيرتها كلها ووصل المعدل للطبيعى 8.5 ك لتر جوة البلد فانا انصحك تدور الموتور وتمسك خراطيم البنزين اللى فى الموتور كلها وتتنى فيها والعربية دايرة وان شاء الله حتلاقى خرطوم ناشف ومشقق وبيخر وبص على الخراطيم اللى فى عوامة التانك وراجع الأفيزان ومنقى البنزين وسيبك من الدكاترة !!
قبل ماتغيره جرب تصلحة الأول ممكن يكون محتاج بكات او تسليك وده عادى انا نظفت الكاربراتير بتاعى وغير جواناته وكان زيك بيهبب الجكمان وبياكل بنزين وكاتم العربية وبيأخر الدوارة الصبح من حوالى سنة وبقى ماشاء الله 10/10 علشان الكاربراتير الاستعمال بيبقى محتاج تصليح برضة وسعر النظيف التشيكى فى حدود 500 جنية
الكربراتير ابو 900 جنية ده تشيكى اصلى ولا صينى ؟؟
السلام عليكم فى واحد مشهور في الحضرة اسمه الأوسطي عاطف انا مجربه مرتين مكانه الشارع اللي بتمشى فيه الترام الصفرا فيه جراج البلديه الشارع الصغير اللي في وشه ادخل فيه هو في اول الشارع ( انا أسف مش عارف اسامى الشوارع لان رحلته علي الوصف) بس رحله بدري لانه بير حله تكسيات كتير وبيبقي عنده زحمه بيحل الكربرتير وينضفه وبعدين يركبه بس خليه يغيرلك الجوان اللي بين الكربرتير والمنيفول ويظبط السلانسيه علي 7 rpm علشان العربية تكون متكلش بنزين وشكرا
[QUOTE=aw2100;3875252148]ياباشا دى العربية بتبلبع البنزين وده مش استهلاك طبيعى واعتقد ان دة مش عيب كاربراتير انا كان الأستهلاك وصل ل 7 ك/لتر وراجعت الخراطيم لاقيت خراطيم الموتور مشققة وبتخر بنزين وغيرتها كلها ووصل المعدل للطبيعى 8.5 ك لتر جوة البلد فانا انصحك تدور الموتور وتمسك خراطيم البنزين اللى فى الموتور كلها وتتنى فيها والعربية دايرة وان شاء الله حتلاقى خرطوم ناشف ومشقق وبيخر وبص على الخراطيم اللى فى عوامة التانك وراجع الأفيزان ومنقى البنزين وسيبك من الدكاترة !!
شكرا يا استاذ وليد وان شاء الله هاروح لعاطف بتاع الحضرة و هاتكون آخر مرة و لو مانفعتش هاشوف واحد استيراد ع التجربة و هاكشف بالمرة ع الخراطيم اللى جاية من التانك للموتور لان خراطيم الموتور كلها جديدة و افزان العوامة انا مربطهم بنفسى و مغير جوان العوامة بواحد فبر ... و الله المستعان
طالما عاوز تروح لدكتور فى الكاربراتير وانا شايف انك جارى من سيدى بشر فية ورشة ابو جورج عنوانة ش حلمى جمعة سليمان متفرع من ش محمد أمين حسونة خلف سوبر ماركت أم المؤمنين السيوف هو خلف فتح الله جاردينيا وانت طالع على الطريق السريع بعد ماتعدى المشتل على اليمين ورقم تليفونه 01000614321 هو عنده ضمير ولو الكاربراتير ماينفعش يتصلح او ملعوب فية حيقولك كنت جبتله واحد استعمال وبص علية ومرضاش يفكه وخلانى رجعته اهم حاجة تروحله بدرى قوى من 9 صباحا علشان بيبقى زحمة قوى ويكون يوم انت فاضى فية وماتكونش مستعجل وربنا يقويك !!
اشكرك يا استاذ وليد ع الاهتمام .. انا فعلا سمعت عن ابو جورج لكن عايز آخد رأيك فى حاجة
امبارح كنت عند بتاع كاوتش جارى و لقيت عنده اعلان عن ورشة متخصصة فى التاكيهات و الكشف عن استهلاك البنزين , فسألت بتاع الكاوتش قاللى ان صاحب الورشة كان ماسك الصيانة لمدة 25 سنة فى بنزينة توتال اللى جنب قسم الرمل و هو عنده جهاز لقياس معدل البنزين فى الكربراتير و قياس العادم ( انا كنت شفت النظام ده بالخارج) و قاللى على ضمانته و هو كمان ممكن يروح معايا لانه صاحبه ..
ايه رأيك فى الكلام ده
انا شوفت جهاز قياس مستوى ثانى اوكسيد الكربون فى العادم co2 فى البنزينة اللى جنب قسم الرمل والله جرب تروحله ولو فيه حاجة فى الكاربراتير اعتقد حايقولك عموما مش حاتخسر حاجة
فية سؤال هو المعدل اللى بتقول علية قسته ازاى؟
علشان تقيس استهلاك عربية صح لازم فى مشوار طوالى لكن جوة البلد لو بتمشى فى الزحمة الرهيبة وبتسيب موتور العربية داير ممكن تستهلك 5 لتر فى 5ك فى حتة زحمة
هل السخان الاتشوك فى عربيتك شغال ؟
اولا انا باصفر عداد الرحلات و اكتب الرقم اللى فى العداد الاساسى للتأكيد ... و تقريبا كده انا مشوارى يوميا شبه ثابت باروح الشغل و طريق البحر فاضى جدا و بارجع فى الزحمة و من الصعب انى استعمل العربية بعد الضهر و غير كدة قبل الفيليشيا كنت باعمل نفس المشوار باستهلاك اقل .. و مع العلم سألت بعض زملاء العمل ممن يملكون فيليشا و قالولى ان الاستهلاك عندى عالى مع انهم تقريبا بياخدوا نفس السكة
بالنسبة لسخان التشوك مش شغال و ملغية مواسيره
شكرا يا استاذ وليد
انا سمعت بردو بمركز الصفا دا فعلا كويس