الموضوع: دلوني على صنايعي كربراتير يكون كويس.

عندي دخنة سودة، واكتر من ميكانيكي قاللي محتاجة تظبيط كاربراتير لانه بيطلع بنزين زيادة عن اللزوم وده ممكن يعمل تسليخ في الموتور مع الوقت.

من فضلكم دلوني على صنايعي كابراتير ابن حلال ويكون عن تجربة شخصية مش عن طريق السمع.

اللى اسمع عنه انه استاذ ومفيش غيرة اللى فى المظلات
على ما اعتقد اسمه الاسطى ابراهيم
انا رحت لواحد مش بيعرف حاجه
ولسه نفس المشكله عندى
وسألت قالو لى على بتاع المظلات ده ولازم تروح بدرى تحجز

المشاركة الأصلية كتبت بواسطة aw2100

اختلف معاك الكاربراتير بيتصلح بس فية مشكلة لو ماتصلحش صح من اول مرة واتلعب فية بيبقى صعب اصلاحة بعد كدة بمعنى ان الصنيعى اللى مش فاهم بيخربه وفى الحالة دى لازم يتغير لاكن لو روحت لواحد دكتور كاربراتير يكون عنده ضمير بيظبطة صح وتنساه خالص مع متابعة الصيانة عند دكتور الكاربراتير ده كل سنتين على الأقل وخصوصا لو بتفول بنزين 80 تحياتى !!

انا شاري العربية من سنة ومن وقتها بحط 92، ومش عارف اللي قبلي كات بيحط كام، وكمان مش عارف اذا كان الكاربراتير اتفك قبل كده ولا لا.

المهم ان السؤال مازال قائم: أروح لمين؟ ولا اشتري؟ وايه الأسعار؟

المشاركة الأصلية كتبت بواسطة aw2100

اختلف معاك الكاربراتير بيتصلح بس فية مشكلة لو ماتصلحش صح من اول مرة واتلعب فية بيبقى صعب اصلاحة بعد كدة بمعنى ان الصنيعى اللى مش فاهم بيخربه وفى الحالة دى لازم يتغير لاكن لو روحت لواحد دكتور كاربراتير يكون عنده ضمير بيظبطة صح وتنساه خالص مع متابعة الصيانة عند دكتور الكاربراتير ده كل سنتين على الأقل وخصوصا لو بتفول بنزين 80 تحياتى !!

استاذ وليد .. تحياتى اولا , يا ريت لو تعرف حد كويس لتصليح او ضبط الكاربراتير عندنا هنا فى اسكندرية تدلنى عليه .. لأن الاستهلاك عندى غير طبيعى والميكانيكى نظف الكاربراتير باسبراى و مافيش تغيير و رحت ورشة نزيه و جرجس فى شارع 30 العصافرة لضبط الكاربراتير و برضه مافيش تغيير و بعدها رحت للمهندس ماجد و ظبط الكاربراتير و مافيش تغيير و غيرت ديسك و اسطوانة و بلية و النتيجة بعد كل ده 105 كيلو متر = 18.7 لتر

[QUOTE=aw2100;3875252148]ياباشا دى العربية بتبلبع البنزين وده مش استهلاك طبيعى واعتقد ان دة مش عيب كاربراتير انا كان الأستهلاك وصل ل 7 ك/لتر وراجعت الخراطيم لاقيت خراطيم الموتور مشققة وبتخر بنزين وغيرتها كلها ووصل المعدل للطبيعى 8.5 ك لتر جوة البلد فانا انصحك تدور الموتور وتمسك خراطيم البنزين اللى فى الموتور كلها وتتنى فيها والعربية دايرة وان شاء الله حتلاقى خرطوم ناشف ومشقق وبيخر وبص على الخراطيم اللى فى عوامة التانك وراجع الأفيزان ومنقى البنزين وسيبك من الدكاترة !!

شكرا يا استاذ وليد وان شاء الله هاروح لعاطف بتاع الحضرة و هاتكون آخر مرة و لو مانفعتش هاشوف واحد استيراد ع التجربة و هاكشف بالمرة ع الخراطيم اللى جاية من التانك للموتور لان خراطيم الموتور كلها جديدة و افزان العوامة انا مربطهم بنفسى و مغير جوان العوامة بواحد فبر ... و الله المستعان

المشاركة الأصلية كتبت بواسطة ahmed air

الكربراتير مابيتصلحش اوعى حد يقولك بيتصلح اشترى غيره على طول

والله كلامك صح 100% انا روحت لابراهيم الى فى شارع الترعه بشبرا ولواحد اسمه ياسر عند الساحل بيقولوا عليه دكتور كمان زى ابراهيم وروحت لواحد تالت كمان فى شارع شبرا والنتيجه فى الاخر صفر وذلك بعد ما كعيت صح يقارب ما قد ادفعه فى واحد استيراد والغريبه انهم كلهم بيقولولك الكربراتير كويس وحالته حلوه
ان شاء الله ناوى انزل الوكاله او عزبه شلبى علشان اجيب واحد استيراد

عندى نفس المشكلة بظبط و انشاء الله هروح كمان يومين ل ابراهيم اللى في شبرا