الموضوع: تجربه قياده الايمي

المشاركة الأصلية كتبت بواسطة hugan

يعني تلاقي بتاع اللوجان مثلا
عارف انه راكب عربيه افقر ماتكون ومافيهاش اي حداثه وهي اصلا عربيه موجهه لدول العالم الثالث الفقير
علشان الفقراء يركبوا عربيات
وتلاقيه داخل بقلب جامد
ياعم وسع انا راكب اوروربي

وتلاقي ملاك الاوروبي في المنتدي عربياتهم اساسا مشنات
ومقضيين نصف وقتهم في الحرفيين وصارفين نصف فلوسهم علي الاعطال
ويوقلك وسع ياجع انا راكب اوروبي

تلاقي بتاع الكوري راكب عربيه ورق لو سندت عليها بايدك تطبق
ونفس النظام

like

المشاركة الأصلية كتبت بواسطة saddam

صديقي المواطن
أنت بالذات أنا أكن لك شديد حبي وتقديري وإحترامي وأنا أضع نصيحتك تاجا فوق رأسي ولكني يجب أن يفهم الجميع عندما أقول على سيارة فاشلة فيجب أن يقدر ويفهم اﻷمر على طبيعته ولا يحمله فوق ما يحتمل ولا يظنن أحدكم يوما إني لما أقول لانوس أو أفيو أو 127 فاشلة فده معناه إن ملاكها فشلة وبياخدوا الموضوع بشكل شخصي خالص وأنا أساسا أتمنى على الله أن يجعلني من أكثر الناس في خدمة الآخرين ووضعهم على رأسي وفي عيني وكل الناس عندي سواسية وأنا عمري لم أزعل من حد وعمري لم ولن أتأخر عن حد ويامه قطرت عربيات 127 و 128 ولانوس وغيرها مهما كانت حديثة وأنا كمان عمري مزعلت من حد ﻷني بلتمس للناس اﻷعذار ولكن لو تنبهنا قليلا لكلام الدكتور صاحب الموضوع عندما رد علي برد فج غليظ القلب رغم أني دعوت له بسعة الرزق فبادلني هو بقوله ما.معناه أنا حر وأنا أعمل اللي أنا عاوزه وأقول الذي أنا عاوزه وطبعا هكذا كلام لا يصدر من شخص بالمكانة العلمية الرفيغة للدكتور وحبنا وتقديرنا له وحسن ظننا به فكل الناس أحرار ولكننا لا نجاهر ولا نرفع الصوت وأنا حسيته كأنه بيقللي حد ليه عندي حاجة بصوت عالي كأننا واقفين في موقف ميكروباصات مع إحترامي للشرفاء من اﻷسطوات وهو بيقوللي حد لوه شوق في حاجة وطبعا أنا عذرت اﻷخ الصديق المواطن فقد أخذ تقييمي ووصفي نوع سيارته بالفاشل فكأنما ظن أني أقلل من إحترامي لشخصه الكريم وهذا لم ولن يخطر لي على بال
وعلى العموم إن كنت قد أحسنت فهو من عند الله وإن أسأت فمن عندي ومن الشيطان وسامحوني إن ظننتم لوهلة إني تجاوزت بحقكم
وبالتوفيق وإلى اﻷمام ومن نصر إلى نصر
ودمتم للنضال

صديقي صاحب الموضوع لست أنا من سيغير رأيك ولست أنت من سيغير رأيي وأنا لا أفتي برأي ما لم أجربه أو عشته وأيضا لا أتأثر بآراء اﻵخرين فأنا مثلا يمكن الشخص الوحيد في المنتدى الذي يحترم السيارة الكومودو والناس بتقول فاشلة وأنا شايف إنها أحسن من أكثر 200 نوع عربية في السوق فلو جي واحد قال لي أنا عندي واحده وقال فاشلة فأنا مش حغير رأيي كذلك أنت خليك مقتنع وثابت على رأيك إن اﻷوبترا أعظم عربية في مصر ولا المواطن صدام ولا عشرة منه يخلوك تغير رأيك
ملحوظة اﻷخوة ملاك إمجراند أنصحهم ميخشوش جدالات مع حد يدافعوا فيها عن عربيتهم فهي مقارنة بثمنها مجرد الدفاع عنها جريمة وإهانة للعربية ولو فيه مواطن مقتنع إن أقيو ولانوس وأوبترا مانوال أحسن منها كسيارة مش كسوق وقطع غيار فهؤلاء لهم الله يتولاهم ولا زال الطريق أمامهم طويلا حتى يبصروا نور الحق
وبالتوفيق وإلى اﻷمام ومن نصر إلى نصر
ودمتم للنضال

الله يخليك يا باشا كلك زوق وحضرتك راجل فاهم جدا في العربيات ودماغك جميلة جدا لاكن الاسلوب المستخدم في الكتابة ممكن يزعل منك ناس كتير خصوصا انك ممكن توصل نفس المعني الي انت عاوزة من غير ما تزعل حد وعموما حصل خير حضرتك شخصية محترمة و الدكتور عماد شخصية محترمة وحصل خير