تجربه قياده الايمي

**د.عماد صلاح** · 24-10-2013 06:51 PM

امبارح طلبت من زميلي اللي معاه الايمي اني اخد العربيه لفه .....انا باقابله في شغل ليا في اكتوبر ايام السبت و الاثلاثاء و الاربعاء فاتفقنا اجربها الاربعاء و جربتها علي طريق المحور من عند الجهاز لغايه طريق الواحات واخدت طريق الواحات و رجعت باليوترن اللي عند غرب سوميد و صاحبي كان معايا ...طبعا كان قلقان جدا لاني جريت بيها و هو مالوش في الحري و كمان كان قلقان و انا بنقل الفتيس ....و بيقولي انقل براحه وجيب الدواسه لاخرها ....ايه الملاحظات بقي
اولا ...الثبات حلو جدا ممكن زي الاوبتراﻻ..لكن العربيه فيها حدفه لليمين لازم تصلحها بتحريك الدريكسيون حاجه بسيطه للشمال كل شويه
ثانيا ...التسارع حلو بس اقل من للاوبترا ولازم تدوس بافترا علي البنزين و الاربيام يعدي 3 ونصف عشان تحس بعزم العربيه
ثالثا...شغلت التكييف بعد شويه ولاحظت انه مش سئ بس بيحمل وبيكتم العربيه
رابعا ...لسه عند كلامي الزرارير بتاعه الكاست و بتاعه الضوء الامامي اللي شمال السواق و الانتظار ...نوعيه البلاستك سيئه للغايه زي الصيني القديم
خامسا ....المفاجئه بقه ان الفرامل مش قويه ...اه لما كبست فرامل فجائيه الاي بي اس اشتغل وحسيته تحت رجلي بس في صوت زنه سمعته لما اشتغل لكن لو مابتكبسش جامد الفرامل مش قويه مش عارف ليه مع ان الكل بيشكر في فراملها
سادسا ....السوند سيستم مش وحش اقل من الاوبترا قليلا بس السوكت بتاع اليو اس بي باظ عند صاحبي
سابعا ...سؤال واشح بقي ...الكراسي دي عاملين فيها ايه عشان تبقي ناشفه كده ..الكرسي ناشف جدا
اخيرا ....يارب الموضوع مايعملش مشاكل و يارب الناس تصدق و يارب محدش يتخانق ......

**د.عماد صلاح** · 24-10-2013 07:46 PM

والله كتبت الموضوع للافاده و ماعاش اللي يجيب سيره الايمي بحاجه وحشه

**M I D O** · 24-10-2013 09:15 PM

موضوع ممتاز يا باشا لاكن خلي بالك انك بتقارن عربية ب 84 الف بعربية ب 108 الف يعني طبيعي يبقي في فرق وكبير كمان مش قليل

**hugan** · 24-10-2013 09:18 PM

انا سوقتها
معقوله
اظن انها انها اتقل من الاوبترا

**د.عماد صلاح** · 24-10-2013 09:19 PM

انا قارن بالعربيه اللي بسوقها ....يعني حطيت الاوبترا مقياس ...مش قصدي اقارن بينهم
و ربنا يستر يا اخ ميدو

**M I D O** · 24-10-2013 09:49 PM

المشاركة الأصلية كتبت بواسطة د.عماد صلاح

انا قارن بالعربيه اللي بسوقها ....يعني حطيت الاوبترا مقياس ...مش قصدي اقارن بينهم
و ربنا يستر يا اخ ميدو

انا عارف يا دكتور انك بتقارن بالعربية الي معاك بس اتقل كدة شوية هتلاقي الناس كلها داخلة انت ازاي تقارن عربيتين في فرق سعر بينهم 24 الف جنية وكمان واحدة 1500 و التانية 1600 وهتلاقي هجوووووووووووم كاسح عليك بس متقلقش يا باشا احنا كلنا في ظهرك

بس معا اول قلم ماعرفكش

**saddam** · 24-10-2013 09:58 PM

صديقي المواطن
شكرا لنقل التجربة الجميلة وجزاك الله خيرا ونصيحتي عشان متقولش داخلين نتخانق فليس لنا في الموضوع لا ناقة ولا جمل ولكن نصيحتي إخلص من اﻷوبترا وخد عربية كويسة تليق بمقامك وبعديها نقعد ونعدد مساويء العربيات ملحوظة العيب الوطني ﻹمجراند هو عدم وجود أوتوماتيك وبالتوفيق وإلى اﻷمام ومن نصر إلى نصر
ودمتم للنضال

**د.عماد صلاح** · 24-10-2013 11:49 PM

يعني يا استاذ صدام رايك ان اخلص اول من الاوبترا واجيب عربيه محترمه قبل لما اتناقش في عيوب العربيات
شوف ياباشا ...اولا ...العربيات ازواق و انا يهمني العربيه تكون قليله المشاكل كلاسيكيه الشكل و تقفيلها شيك
ثانيا ....اكيد نفسي اجيب حاجه فيها عوامل امان بس يكون الشروط السابقه فيها لكن علي قد فلوسي
ثالثا ....هتكلم في مساؤ كل العربيات و الابترا معايا ومش هاخلص منها ....ليه ...عشان انا حر
رابعا....دمتم للنضال و الكفاح المسلح ....بس مع احترام الراي

-

الموضوع: تجربه قياده الايمي

LinkBack

أدوات الموضوع

عرض

-

-

-

المواضيع المتشابهه

تجربه قياده bmw 328 f30

تجربه قياده ix 35

تجربه قياده الضفدعه احم قصدي الفوليستر و يا لها من تجربه

تجربه قياده اسبيرانزا m11

تجربه قياده جين 2 2009

الكلمات الدلالية لهذا الموضوع

المفضلات

المفضلات

ضوابط المشاركة