لو سمحتوا محدش يغلط فى السيراتو الا بدليل

**عبدالله برعى** · 24-10-2013 07:37 PM

بعد الموضوع الاخير اللى كنت عاملة لتجميع لحوادث السيراتو داخل نقاشات الموضوع حصل اختلاف بين ا

الاخوة الكرام فى تقييمهم للسيارة احدهم معارض والاخر مؤيد(فكرونى بال cc ومر..... )

وانا كنت مجمع الحوادث واولهم الحادث بتاعى للوقوف على الاسباب الحقيقة وليس هجوم على السيارة لانه

مهما وصلت عومل الامان فانها لاتصل لدرجة 100% لانةبيحكمها عومل اخرى (طريق -كاوتش_ سرعة- طريقة سواقة)
العربية فيها عيوب اما لو قارنا العيوب والمميزات بالنسبة للفئة السعرية تعتبر كويسة جدا الى حد كبير
وثانيا المطلوب امن العربية الاتى
-سعرقطع الغيار
-سعر اعادة البيع
-وسائل الامان
-الملائمة لكافة الظروف
-الاقتصاد فى البنزين
-عمر المحرك (معايا واحد صاحبى معاه سيراتو 2010عاملة 370الف كم والموتور ما شاء الله)
دا كلة متوفر فى السيراتو بالنسبة للسعر

الغرض من الموضوع
الحيادية والنقد البناء سواء بالسلب او بالايجاب

على فكرة محدش يفهم غلط المقصود بال cc هو سعة المحرك هههه

**2CODE** · 24-10-2013 08:37 PM

المشاركة الأصلية كتبت بواسطة عبدالله برعى

على فكرة محدش يفهم غلط المقصود بال cc هو سعة المحرك هههه

ههههههههههههههههههههه
والله زي العسل يا عبدالله

**kokowasfy** · 24-10-2013 08:43 PM

العربية دى فعلا كانت محققا المعادلة بس زمااان من موديل 2010 لحد 2012 الشكل القديم يعنى كان كل مليم بتدفعو بتاخدو قصادو حاجة لاكن كيا الان بقت تنزل عربيات مش للفئة الشعبية زى زماااااان العربيات دخلت فى الفئة الفخمة يعنى سيراتو توصل 180 الف لا معلش متلزمنيش سبورتاج تعدى 220 لا بردو متلزمنيش بقت عربيات غالية على الفاضى مع احترامى لمالكى السيارات كيا مبقتش تنزل عربيات للشعب بقت تنزل عربيات لفئة معينة يعنى شوف زمان سيراتو 2010 لحد 2012 شوف الانتشار عشان كانت ببتنزل بسعر معقول يظبت المزنية و شكرااااا و اسف طولت عليكم

**عبدالله برعى** · 24-10-2013 09:04 PM

المشاركة الأصلية كتبت بواسطة 2code

ههههههههههههههههههههه
والله زي العسل يا عبدالله

ياريت حضرتك توضح نوع العسل اصل الاعسال كتييير اليومين دول

هو جمع عسل اية؟
اعسال
عسول
عسلات
اللى يعرف الاجابة يتصل بالزيرو ويكسب رحلة لميدان التحرير اصلة لومعاك الباسبور الاحمر حتى مش حتدخلة
هههههه

**Salah_sr** · 24-10-2013 09:28 PM

المشاركة الأصلية كتبت بواسطة kokowasfy

العربية دى فعلا كانت محققا المعادلة بس زمااان من موديل 2010 لحد 2012 الشكل القديم يعنى كان كل مليم بتدفعو بتاخدو قصادو حاجة لاكن كيا الان بقت تنزل عربيات مش للفئة الشعبية زى زماااااان العربيات دخلت فى الفئة الفخمة يعنى سيراتو توصل 180 الف لا معلش متلزمنيش سبورتاج تعدى 220 لا بردو متلزمنيش بقت عربيات غالية على الفاضى مع احترامى لمالكى السيارات كيا مبقتش تنزل عربيات للشعب بقت تنزل عربيات لفئة معينة يعنى شوف زمان سيراتو 2010 لحد 2012 شوف الانتشار عشان كانت ببتنزل بسعر معقول يظبت المزنية و شكرااااا و اسف طولت عليكم

أنا جبت الألنترا 2007 ب 104 ألف أتوماتيك و الآن الألنترا و السيراتو بداية الأتوماتيك في حدود 146ألف أو أكثر طيب ممكن تقولي سعر عربية مش صيني و التقفيل المصري رخيصة في حدود 104 ألف

**saddam** · 24-10-2013 09:45 PM

صديقي المواطن
دي وجهات نظر وإحنه مش بنكرهلكم الخير ويا رب يديم السيراتو نعمه عليكم والموديل القديم كان سعره مقبول لحد ما لكن الشكل الجديد جميل جدا ولكن سعره مرفوض جملة وتفصيلا ونرجع ونقول دي عربية مدن أو سفريات قريبة وبالتوفيق وإلى اﻷمام ومن نصر إلى نصر
ودمتم للنضال

**tarek_rcc** · 24-10-2013 10:00 PM

والله انا بحب قوى تعليقات الاستاذ / صدام اللى زى العسل ودمتم للنضال وصديقى المواطن والله راجل عسل ،،،،
وكمان ا/ عبدالله البرعى رجل صعيدى ١٠٠٪ وعنوان رائع للموضوع ماحدش يغلط فى السيراتو ،،، وكمان موضوع Cubic Centimeters or CM3 دخلها بالسياسة بطريقة حلوة
دمتم للنضال هههههه

**عبدالله برعى** · 24-10-2013 10:22 PM

المشاركة الأصلية كتبت بواسطة kokowasfy

العربية دى فعلا كانت محققا المعادلة بس زمااان من موديل 2010 لحد 2012 الشكل القديم يعنى كان كل مليم بتدفعو بتاخدو قصادو حاجة لاكن كيا الان بقت تنزل عربيات مش للفئة الشعبية زى زماااااان العربيات دخلت فى الفئة الفخمة يعنى سيراتو توصل 180 الف لا معلش متلزمنيش سبورتاج تعدى 220 لا بردو متلزمنيش بقت عربيات غالية على الفاضى مع احترامى لمالكى السيارات كيا مبقتش تنزل عربيات للشعب بقت تنزل عربيات لفئة معينة يعنى شوف زمان سيراتو 2010 لحد 2012 شوف الانتشار عشان كانت ببتنزل بسعر معقول يظبت المزنية و شكرااااا و اسف طولت عليكم

اولا الشكل القديم اجمل باجماع الاراء

ثانيا : من ناحية السعر مش عارف لية الناس سايبة اسعار العربيات كلها وماسكة فى السيراتو ويقولو سعرها عالى ومش شعبية ومش عيب تكون العربية شعبية وسعرها عالى
لما يكون اسعار اليوم 24\10\2013
الانوس 76 اوتو
والفيو 100 اوتو
والسيراتو 150 اوتو
واسبرنزا m12 بـــ 76 مانيوال
والكورولا 176 اوتو والكورولا بـــ 210 F\O
اظن كل العريتات سعرها عالى
لابد ان نفرق بين الF\O اللى هو عالى يعنى الكورولا FULL OPTIONب 210 الف
ولولا اختلاف الاراء لكان الطرطور مش موجود

**kokowasfy** · 24-10-2013 10:38 PM

المشاركة الأصلية كتبت بواسطة salah_sr

أنا جبت الألنترا 2007 ب 104 ألف أتوماتيك و الآن الألنترا و السيراتو بداية الأتوماتيك في حدود 146ألف أو أكثر طيب ممكن تقولي سعر عربية مش صيني و التقفيل المصري رخيصة في حدود 104 ألف

يا صديقى ليت ايام زمان تعود يوما انا جبت الانسر بتاعتى 105 موديل 2007 دلوقتى اسعار جنونيا

**kokowasfy** · 24-10-2013 10:43 PM

المشاركة الأصلية كتبت بواسطة عبدالله برعى

اولا الشكل القديم اجمل باجماع الاراء

ثانيا : من ناحية السعر مش عارف لية الناس سايبة اسعار العربيات كلها وماسكة فى السيراتو ويقولو سعرها عالى ومش شعبية ومش عيب تكون العربية شعبية وسعرها عالى
لما يكون اسعار اليوم 24\10\2013
الانوس 76 اوتو
والفيو 100 اوتو
والسيراتو 150 اوتو
واسبرنزا m12 بـــ 76 مانيوال
والكورولا 176 اوتو والكورولا بـــ 210 F\O
اظن كل العريتات سعرها عالى
لابد ان نفرق بين الF\O اللى هو عالى يعنى الكورولا FULL OPTIONب 210 الف
ولولا اختلاف الاراء لكان الطرطور مش موجود

يا صديقى متخليش حبنا للسيارة يعمينا عن الحقيقة مين القال الشكل القديم احلا من الجديد لا الجديد فخم جدا جدا جدا و شبابى رهييييييييييييب رهييييييييب مش معنا كدا القديم وحش لالالالالا نهائى ابسلوتلى

ههه و وكل الاسعار الى انت كتبها غلط يا كببببببببببببببببيرررر و اساسا هوة فية لانوس اوتو اممممممممم خلى بالك يا كبيييييير من التفصيل دى وشكرا اسف طولت عليك