الموضوع: الزيادة السكانية في مصر ؟

المشاركة الأصلية كتبت بواسطة mazagangee

يا باشا
اختلاف وجهات النظر ده امر طبيعي و صحي مدام مش ماسكين في هدوم بعض و متقبلين لوجود راي اخر قد يكون صحيح و قد يكون خطا ...

مفيش اي سبب يخلينا نقارن ظروفنا بظروف اي دول تانية اقل مننا او اكثر حضارة... كل بلد و ليها ظروفها و طبيعتها المختلفة حتى عن دولة على حدودها فالمقارنة هنا بين مصر و هولندا مثلا مش صح ..
احنا عندنا مشكلة اجتماعية اننا كمصرين نعتبر ان الفني او الحاصل على دبلوم ده فاشل و خايب و متخلف و من طبقة اقل مننا .. مع ان ده تصور خطا جدا ... بالعكس مصر تختاج للفنيين اكتر من احتياجها للمهندسين و انا كمثال على ارض الواقع عندي مشكلة دايما اني الاقي فني فاهم و شاطر ( وعلى فكرة دول بياخدوا مبالغ محترمة جدا تتراوح بين 3000 الى 6000 حسب الخبرة و المكان ) ..و بالتالي بكون مجبر اني اجيب عيال لسه واخدة دبلوم و اعلمهم مدة ما بين 6 شهور الى سنة لحد ما يبقى فني شاطر .
المهم لو عندي 10 اولاد ايه المشكلة ان يكون نصهم مثلا فنيين ؟ ده مش عيب ابدا ... المهم يكون فاهم شغله و محترم بالتالي هيكسب احترام المجتمع كله ...

النظرة الدونية للفنيين دي غلط لاننا محتاجينهم اكتر من 70% من الشهادات الجامعية اللي مالهاش لازمة و قاعدين في البيوت او بيشتغلوا اعمال لا تناسب مؤهلاتهم الدراسية لان مفيش وظيفة خاصة او حكومية مناسبة .

حلو جدا اننا مش مختلفين خاصه فى جزئيه نظره المجتمع للعامل واهميه تغييرها وانا عامل موضوع خاص بالتعليم اساسه النقطه دى وجوهره اجبار المجتمع على تقبل واقع الامور الخاصه بالتعليم المهنى والفنى
ولكن انا سؤالى مكنش اساسه الفكره دى لانى مش رافض فكره زياده المواليد ولكن فكره المسؤليه عنهم هل تقع على الاسره اللى خلفت كتير ولا على الدوله اللى المفروض تهتم بالفقير اللى ظروفه مش مساعداه ومخلف طفل واحد او اتنين وده حقه ؟؟؟؟
فانا كنت بقارن هنا بالخارج فى جزئيه قبول المجتمع لصاحب المهنه اللى غالبا بيكسب اكتر من طالب الجامعه
فحتى يغير المجتمع تلك النظره "مجبرا او طائعا" عندى كام تساؤل هل حتقبل حضرتك دلوقتى فى الوقت اللى احنا فيه ان احد اولادك لا يدخل الجامعه ويمتهن مهنه شريفه بواقعيه وليس نظريا ؟ ولو كانت الاجابه ايجابيه يبقى السؤال التانى هل حتقدر تربي ال10 اولاد دون مساعده الحكومه اذا تخلت الحكومه عن دعمها للطبقات الاعلى من الفقيره ليصل الدعم لمسحقيه وتحقق فائض يمكنها من الوفاء باحتياجتها من بنيه اساسيه ومشروعات خدميه واستثماريه كما تفعل الدول الاكثر احتراما ؟لو الاجايه ايجابيه يبقى انا مش معترض على انجاب ال10 اولاد لان مسؤليتهم تقع على عاتق والديهم ولن يضيروا المجتمع فى شئ او ينتقصوا من حق باقى افراد المجتمع فى شئ .
تحياتى .

ومين حيسيبك في حالك وانت عاوز تعمل مشاريع نمو للبلد وتستوعب الزيادة السكانية وتكون دولة قوية --شوفو تاريخ مصر ايام محمد علي باشا الكبير لما عمل طفرة ونقلة حضارية لمصر كبار العالم وقفو ضده واتفقو عليه حيلك حيلك انت رايح فين ياعم --علشان يبقي فيه عدل لازم يبقي فيه حب المصريين للبلد دي بجد وانهم يحبو بعض
لكن الاسهل بدل ماتبني ويتوزع الرزق بالعدل والاتفاق شوية ناس اقطاعيين بتوع زمان هما هما الموجودين دلوقت عاوزين الثروة لنفسهم بس وغيرهم مش مهم يولعو بجاز (مش نضيف)
ويحضرني مقولة هاني رمزي في مسرحية تخاريف(عمر الناس ما كانت مرتاحة)خليها تلف حوالين نفسها عشان تعرف تسرقها كويس
وفيه فيلم سيما علي بابا الجزء التاني داخل الفيلم شوفوه وحتعرفو الناس بتخلف كتير ليه علشان الاضاحي والقرابين والاتاوات-حقيقي احمد مكي عامل اسقاط ابن لذينة
وربنا يصلح حال البلاد والعباد امين يارب العالمين