لو مافيش جمارك فى مصر كان زمانا راكبين عربيات غير اللى أحنا راكبينها دلوقت ( بس مش فيرارى طبعا لا حد يفتكر حاجه )
عرض للطباعة
لو مافيش جمارك فى مصر كان زمانا راكبين عربيات غير اللى أحنا راكبينها دلوقت ( بس مش فيرارى طبعا لا حد يفتكر حاجه )
لونها وحش جدا !
ههههههه، انا اتحطيت فى نفس الموقف فى صلاح سالم، كانت الدنيا ليل و شوفت فوانيس شكلها غريب و شيك اوى قدامى ببتاع 3 او 4 عربيات كدة الحارة التانية فى نفق العروبة، و هتجنن و اعرف دى اية عشان شكل العربية رائع فعلا، غرزة فى غرزة فى غرزة، هوب بقيت وراة عند عمارات العبور، ببص لقيتها بنتلى:what:، هو تقريبا شفنى فى المرايا و عرف اهدافى الدنيئة بحكم التعود اعتقد :36_2_33: عشان اكيد بيتحط فى الموقف دة عشرين مرة فى اليوم :8941[1]: و كان الطريق فضى، قام دايس وطار و طبعا دى كانت آخر مرة اشوفة
مش قوى على فكرة، انا شوفت الفيرارى دى فى مرة و اللامبورجينى فى مرة تانية فى باريس و اتصورت معاهم (شغل المصريين إياة وانت ساند على الكبوت، قال يعنى عربية السوق بتاعت ماماه:nemoflow:) بس كانوا نادرين جدا و كانوا الفرنسيين بيتصوروا مع العربيات زينا بالظبط بس مش بنفس الكثافة، لو العربيات دية اتقفشت راكنة فى مصر، مش هيعرف يتحرك بيها تانى اصلا من الناس اللى بتتصور معاها :new:
اية ياجماعة العربيات دية بقت عادية جداااااااا فى مصر والله , انا بقيت بشوفها كتييييييييييير جدااااااااااا
يعنى انا كل يوم الصبح اول لما بخرج من الشارع بتاعى بصطبح على كامارو 2012
يوميا بشوف dodge challenger صاحبها بيتمشى بيها كل يوم والعربية موديل 2013 بلونها الاحمر فظيعة
كل اسبوع كدة لازم اشوف ال chevy corvette z06 فظيعة
بنزل وسط البلد اشوف المازيراتى كواترو بورتى
انزل المعادى الاقى مجموعة شباب سنهم لا يتعدى ال 25 سنة ومعاهم بنات زى اللوز بيركبوا عربياتهم ( بورش 911 2013 - فيرارى كاليفرونيا - فيرارى f430 ) الواحد اتحسر على نفسة الصراحة
انزل جاردن سيتى الاقى لامبورجينى مورسيلاجو
انزل الشيخ زايد عند هايبر 1 كدة الاقى nissan gtr 2012 ماشية جنبى
دانا لدرجة انى شوفت ال z8 ماشية قدامى
وشوفت ال m6 2013 , m5
بنتلى ارناج - كونتينيتال هتلاقوها دائما بتركن فى ش طلعت حرب بعد المول كدة
رولز رويس
مرسيدس S65 AMG , CLA
ياجماعة دانا شوفت ال e CLASS الجديدة شكلها فظيع
مصر ملياااااااااااااااااااااا ااااانة فلوس بس للاسف الفلوس دية مع فئة معينة بس مافيش غيرها
يعنى لما تلاقى عربية ماشية على كوبرى بتمن عربيات الكوبرى كلة ههههههههه you feel like
بصوا ياجماعه اللى يزعل فى الموضوع ده ايه هو انك تكون عاوز تجيب عربيه معينه انت حاسس انها ها ترضيك ويكون الفرق بينها وبين العربيه اللى مضطر تجيبها مايجيش 30 الف جنيه وتبقى قاعد تحسبها وتجيبها يمين وتجيبها شمال وجايز تأجل الموضوع سنه ولا أتنين تكون العربيه غليت أكتر وناس تانيه راكبه عربيه ب 2 مليون جنيه ؟ أرزاق مقسمها ربنا ولاأعتراض على قدره
بسم الله مشاء الله ....... والله اننا عندتا عربيات ولله الحمد من قبل ومن بعد .