فيرارى على المحور قلبى الصغير لا يحتمل بلصور

**S O P H O S** · 26-10-2013 02:24 PM

ما شاء الله
حاجة جميلة

**Anxs111** · 27-10-2013 12:25 AM

هي الفكرة إن العربيات الاطالي ، فراري ولامبورجيني فعلا ممكن تقف تتفرج وتنسي الوقت ...وكل ما تتفرج تبقي عايز تتفرج أكتر وتجيب تفاصيل أدق ...أشي من ورا ومن أدام ويا سلام بقه لو من جوة والكراسي الجلد الناعم ...
أنا بتكلم علي العربيات يا جماعة محادثه يروح لبعيد ...

بما إن احنا بنحكي عليهم ...أنا مرة شفت سبعة ركنين ورا بعض في الشارع ...تلاته لمبرجيني واتنين فراري علي وحده استن مارتن وواحدة لوتس تقريبا....كان حاجة في الخيال وفي سيكورتي واقف جنبيهم في الشارع ...

ومرة تاني في الفورمولا ون ....بس دي كانت أشد حاجة حصلتلي فعلا ...كان فيه واحد جايب عربية من بتوع ناسكار وراكنها في الشارع ...كانت بعيد أوي فما كنتش شايفها كويس بس غالبا دودج شارجر ...بس طبعا بالتنفيخات والتزبيط ...هي غالبا جايةمن سبق وش ....
المهم الناس إتلمو عليها وقالو لصاحبها يشغلها ...أنا كنت علي أول الشارع وهو كان في اخره ....مسافة ماتخليكش شايف ماركت العربية كويس ...يعني يمكن 200 أو ٣٠٠ متر ...شفته ومشيت ....
المهم راح راكب ومدور ....وداس بنزين ...أنا إتخضيت بجد من الصوت ...إضرب صوت الفراري في ١٠٠ ....
الخضة كأن في قنبله انفجرت أو طيارة فوقيه عدل ....بوبس ورايا لقيت الباشا شغلها وأنا أصلا بعيد لدرجة أني مش شايف غير لونها ....وأنا ببص راح دايس بنزين تاني رحت أنا حسيت نفس الحاجة كأن في قنبله انضربت في الشارع رغم أني كنت باصصله وعارف إن هو اللي عمل الصوت المرة دي بس العلو الغير طبيعي بيفوت الدماغ رسمي ....

مساء عربيات الوهم علي أحلي شباب ....

**hish_hummer** · 27-10-2013 02:45 AM

دى العربيات اللى عند ميشيل احد.........صوره الكوفر تلخص كل حاجه
https://www.facebook.com/pages/MrMic...t-/75147589854

واللى جاى جديد استون مارتن

**Mamoud salah H** · 27-10-2013 04:52 AM

المشاركة الأصلية كتبت بواسطة hish_hummer

دى العربيات اللى عند ميشيل احد.........صوره الكوفر تلخص كل حاجه :b4_007:
https://www.facebook.com/pages/mrmic...t-/75147589854

واللى جاى جديد استون مارتن

للاسف انا لما روحت في العييد كان كلي امل اني اشووف المجموعة كاملة وبالذات اللامبو والايطاليا باللون الاحمر الفظيع بتاعها بس للاسف كان معظم العربيات سافرت للصيانة بتاعتها ومكنش فيه غير الرولز والبيم والبلاي موث والرانج روفر والفورد الكلاسيك البضاء دي زالفلوانس الفضي d:

**2CODE** · 27-10-2013 03:33 PM

والمطبات ؟؟؟؟؟؟؟؟؟؟؟ العربيات دي لايمكن تمشي في مصر احنا عندنا ناس تقدر تشتريها في مصر بس الطرق لايمكن تمشي عليها العربيات دي وصاحبها جايبها جمرك وهيمشي بيها تاني يعني ده ممكن تلاقيه اساساً مأجرها من الكويت ونازل بيها كام يوم هنا !!!!!!!!!!!!!!

صباح الفل ابن عمي كان بيعمل كده في الكويت وينزل بأتخنها عربية ويرجع بيها تاني ويكون مأجرها !!!!!!!!!!!!

**minicooper20** · 28-10-2013 12:15 AM

المشاركة الأصلية كتبت بواسطة 2CODE

والمطبات ؟؟؟؟؟؟؟؟؟؟؟ العربيات دي لايمكن تمشي في مصر احنا عندنا ناس تقدر تشتريها في مصر بس الطرق لايمكن تمشي عليها العربيات دي وصاحبها جايبها جمرك وهيمشي بيها تاني يعني ده ممكن تلاقيه اساساً مأجرها من الكويت ونازل بيها كام يوم هنا !!!!!!!!!!!!!!

صباح الفل ابن عمي كان بيعمل كده في الكويت وينزل بأتخنها عربية ويرجع بيها تاني ويكون مأجرها !!!!!!!!!!!!

اسافر من بلد لى بلد بعربيه ايجار طيب و هتخرج ازاى و هى مش باسمك
و على فكره ايجار الفرارى فى السعوديه 4 الف ريال فى اليوم و بسواق ده لو بتتاجر اصلن
حبيت افهم منك مش اكتر Rgrds

**2CODE** · 28-10-2013 04:26 AM

المشاركة الأصلية كتبت بواسطة minicooper20

اسافر من بلد لى بلد بعربيه ايجار طيب و هتخرج ازاى و هى مش باسمك
و على فكره ايجار الفرارى فى السعوديه 4 الف ريال فى اليوم و بسواق ده لو بتتاجر اصلن
حبيت افهم منك مش اكتر Rgrds

معرفش ايه اللي بيحصل بس هو كان بينزل كل مره بعربية شكل دا لدرجة انه كان بيسألني انزل بأيه قدامي كذا وكذا وكذا

لما اسافر برا ابقى اقول لك

رغم ان ده لايمكن يحصل ابداً لاني مستريح جداً في مصر

**mo7a_mo7a** · 28-10-2013 10:13 PM

جمرك

**khaled_sabry** · 30-10-2013 02:04 PM

امبارح كنت حخبط فى العربيه اللى قدامى بسبب انى لاقيت عربيه شيفورليه كمارو سوداء واقفه جنبى فى الزحمه عند مطار النزهه
انا فضلت بتفرج عليها و فاتح بقى و متنح تتنيحه سودا غالبا اللى سايقها شافنى و مات على نفسه من الدحك