السلام عليكم
نويت ان شاء الله اجيب عربية جديدة محتار جدا بين سيراتو وفلونس رجاء النصيحة
عرض للطباعة
السلام عليكم
نويت ان شاء الله اجيب عربية جديدة محتار جدا بين سيراتو وفلونس رجاء النصيحة
الاتنين أحسن من بعض بصراحة , لكن أعتقد كماليات السيراتو أكتر من الفلونس حتى الشكل الخارجي في نظري السيراتو أحلى .
لو انت ناوى تبيع قبل ٤-٥ سنوات هات سيراتو
لو مش ناوى تبيع هات فلوينس
الاتنين قريبين قوى فى الاوبشن
الفلوينس ٢٠١١ كانت معى وبعتها ،،،، ومعى سيراتو ٢٠١٢ والاتنين فول اوبشن
بصراحة اوبشن السيراتو الشكل الجديد كانت موجودة فى لفلوينس من سنتين
زى النور الترحيبى ( انارة الصالون عند فتح السيارة بالريموت قبل فتح الباب) والرسالة الترحيبية بالشاشة ومقعد السائق كهرباء وضم المرايات اليا عند الغلق بالريموت وهكذا
بس بصراحة الكارت الذكى للرينو احلى بكتيييير من الكيا
لو حتجبب سيراتو sx يبقي سيراتو :tumb:
لو حتجبب سيراتو الفئات الاولي يبقي هات فلوينس
مع احترامي طبعا لحضرتك كمالك للسيراتو
الكماليات دي كلها عندي في العربية ماعدا الشاشة الترحيبية فقط بس النور موجود عندي
والكرسي موجود عندي بيتزبط في 6 اتجاهات بس يدوي مش كهربا
وكل دة موجود في الميجان من اول 2005 يعني السيراتو مش جايبة حاجة جديدة بصراحة غير ان سعرها كمان بي زيادة اوي بجد
معلومة :عربيتي اوبل فيكترا موديل 1996
وطبعا كراي في الموضوع الاساسي الفليونس تتفوق بفارق كويس في وجهة نظري
رأى الشخصى
قبل متجيب العربية تشوف احتياجتك من العربية اية
يعنى انا مثلا بحب تكييف العربية يكون ممتاز
وتكون العربية عالية عن الارض باقصى قدر ممكن
بسافر بالعربية مسافات بعيدة نادرا
قطع الغيار تكون جنبى جديد واستيراد والاقيها بسهولة
لما ابيع مخسرش كتير وابيع بسهولة
عربية يكون سهل لاى ميكانيكى يشتغل فيها
علشان كدة انا اشتريت السيراتو
انما مثلا اذا كنت بسافر مسافات بعيده وبجرى على سرعات عالية
فكنت هختار عربية تتميز بالثبات العالى زى الفلوانس او سيارة المانى او هوندا سيفيك
كدة يعنى
بس طبعا قطع غيارهم مش متوفرة فى الشرقية محل اقامتى
فحاجات كتير بتحكم عملية الشرا
من الاخر شوف حضرتك عاوز اية من العربية بالظبط
علشان تعرف تشترى صح
في رايي الفلوانس الجديدة تحفة
تقريبا حضرتك فهمت كلامى بالخطا ،،،،
انا باقول ان السيراتو الجديدة ٢٠١٤ فيها نفس الاوبشن اللى كانت نازلة ،فى الفلوينس ٢٠١١ وللاسف انا معى ٢٠١٢ الهاى لاين خليجى ومافيهاش لا نور ترحيبى ولا كرسى كهرباء ولا انارة النور الامامى من الريموت ولا ضم مرايات ذاتى عند الغلق ،،،، فقط السيراتو فيها كاميرا رؤية خلفية غير موجودة بالفلوينس دة مقارنة فى صالح الفلوينس ٢٠١١ مقابل سيراتو ٢٠١٢ كاوبشن فقط( السيارتين هاى لاين) ،،،،
المقارنة فى صالح رينو
سيراتو طبعا