عرض للطباعة
يا جماعة انا عايز اشتري عربية في حدود 25000-30000 و تستحمل السفر من القاهرة الى الأسكندرية , و اعرف ابيعها بعد كده و قطع غيارها رخيصة ؟ وقدامي 3 عربيات دلوقتي - اوبل كورسا 99 ب 31000 جنيه , و تويوتا ستارلت 94 ب 27000 جنيه و كيا برايد 99 ب 31000 جنيه ؟ ياريت تردوا عليا بسرعة
فكر ف دايو سبيرو 1996
1600
واوتوماتك....
ممكن الأوبل او الكيا
يا باشا ده المتاح قدامي
صديقي المواطن
كلها عربيات لا أنصح بها لكن نزولا عند رغبتك فأفضلهم وأخفهم ضررا فهي البرايد كيا ولكن سعرها ده عالي إلا لو حالات جميلة جدا جدا وبالتوفيق وإلى اﻷمام ومن نصر إلى نصر
ودمتم للنضال
بسم الله الرحمن الرحيم
1 - البرايد ( هاتش باك ) .لكان و اضح ان سعراها غالى
2 - الكورسا .
طب يا جماعة انا عجباني التويوتا ستارلت 94 , ايه رأيكم فيها
يا باشا التويوتا عربية جميلة ومحترمة و1000سى سى وكنت هريها سفر وتكيفها محترم وقطع غيارها اقل من الاوبل واغلى من الكيا لكنها احلاهم فى الركوب عربية محترمة بجد وعضمها ناشف والابل برده عربية محترمة مش وحشة
يا جماعه انا ما شفتش كيا برايد سعرها اقل من كده !!!
أفضلهم التويوتا .. و هتحس بفرق كبير لو شفت التلاته على الطبيعة.
خليك فى التيوتا سهوله صيانه وقطع غيار وموفره
بص بالنسبة للاوبل اعتقد والله اعلى واعلم موديل 99 مش الماني ده انتاج بلد تانية وأسال برده بس السعر كدة كويس اوي
التويوتا سعرها كويس برده لو الحالة ممتازة
الكيا برايد كانت معايا عربية ممتازة من ناحية قطع الغيار رخيصة جدا بالنسبة لقطع غيارها واسعر اللي كتوب ده لحالة ممتازة ومش محتاجة مسمار ومكيفة وتكيفها شغال مكانش بتعمل 28 او اقل وقطع غيارها زي الرز واعتقد هي اللي هتبقى متوفرة اكتر من الاوبل والتويوتيا
وبرده اسال تاني واتاكد قبل ما تدفع فلوس لان الخسارة مش سهلة في البيع خلي بالك من النقطة دي
معلش مخدتش بالي ان سيادتك عاوزها للسفر انا هتكلم بالنسبة للكيا برايد في الغرز ضايعة يعني الهاتش باك معرفش الباقي بقى كده ولا لا بس انا سألت واحد صاحبي على موضوع الغرز ده قالي كل الهاتش باك كده الا لو وطيت وقربت من الارض فبرده أسال قبل ما تعمل اي حاجة مرة واتنين والف ومتستعجلش في الشراء لابد من التأني
بالنسبة لموضوع إعادة البيع ده نصيب بس البرايد بياعة أوي لان أي حد بيتعلم السواقة دلوقتي بيشتري البرايد لان قطع غيارها منتشرة ورخيصة
الف شكر يا جماعة , انا الحمدلله اشتريت التويوتا
يا جماعة فين قطع غيار البرايد اللي زي الرز انا لسه بايعها بسبب قله قطع غيارها وغلو ثمنها ويمكن عشان انا من اسماعيلية