تزويد ٥٠٠ أتوبيس بالإنترنت بمصر العام القادم.

**Karim_Monir** · 25-10-2013 12:49 AM

أكد وزير الاتصالات تكنولوجيا المعلومات المهندس عاطف حلمي، أن الحكومة تعتزم تشغيل 500 أتوبيس مزود بالإنترنت عن طريق تكنولوجيا الـ WI FI في 2014.
وأضاف في تصريحات صحفية على هامش جيتكس دبي ،
أنه يبحث مع عدد من شركات التكنولوجيا منها ألكاتيل وغيرها،
إمكانية تنفيذ تلك المبادرة، التي تستهدف وجود أتوبيسات ذكية في مصر.
كما اوضح الوزير إن الأتوبيسات الـ500 ستعمل بالغاز الطبيعي
والخدمة ستكون اختيارية للمواطن ولن تحمل على ثمن التذكرة إلا برغبة الراكب.
وأوضح أن هذه مبادرة تشترك فيها وزارة الاتصالات مع وزارتي النقل والتخطيط، بالتعاون مع شركات المحمول الثلاثة والشركة المصرية للاتصالات.
وأكد الوزير أن الأتوبيسات الجديدة سيتم استغلالها في عملية الإعلانات وستكون صديقة للبيئة

**lidosasa** · 25-10-2013 01:08 AM

دا شىء عظيم
ونتمنى بالمرة يفتكروا يضيفوا أسفلت للطرق
وغطيان للبلاعات المسروق أغطيتها
ويشوفوا حل للسرقة بالإكراه المنتشر
ونتعبهم شوية ويحاولوا يعملوا حاجة للعربيات اللى بتتسرق
عشان الناس تستمتع بالنت .... أعتقد إن المصرى معروف بجبروته وإنتهازيته انا حاسس إن فيه ناس حتلغى إشتراك النت وتعمل إشتراك فى الأتوبيسات دى

**hossam_elwani** · 25-10-2013 01:14 AM

المشاركة الأصلية كتبت بواسطة lidosasa

دا شىء عظيم
ونتمنى بالمرة يفتكروا يضيفوا أسفلت للطرق
وغطيان للبلاعات المسروق أغطيتها
ويشوفوا حل للسرقة بالإكراه المنتشر
ونتعبهم شوية ويحاولوا يعملوا حاجة للعربيات اللى بتتسرق
عشان الناس تستمتع بالنت .... أعتقد إن المصرى معروف بجبروته وإنتهازيته انا حاسس إن فيه ناس حتلغى إشتراك النت وتعمل إشتراك فى الأتوبيسات دى :pointiy2[2]:

+111111111

**hossam_elwani** · 25-10-2013 01:16 AM

طيب والاتوبيسات الذكيه دى حتمشى ازاى فى البلد الغبيه دى !!!!!!!!!!

لما يعملو صيانه لعربياتهم بشكل جيد الاول يبقو يدخلو واى فاى

صدق المثل اقرع ونزهى

شكرا على الخبر يا استاذ كريم

**saddam** · 25-10-2013 02:21 AM

صديقي المواطن
المشكلة في كل حكومة يأتي وزير أو وزيرين بيبقه نفسه يغير حال البلد فينصدم دايما بمعوقين إثنين أولهم حيقولوله مفيش فلوس فلزق وإختصر ثاني معوق مش حيقعد كتير والحكومة تتغير وييجي مكانه الشخصية الطبيعية الوزير أبو دماغ قديمة اﻷصلي الفبريكة بتاعنا اللي لو وقفت عليه يقلك المشي رياضة ولا داعي للمواصلات
وبالتوفيق وإلى اﻷمام ومن نصر
ودمتم للنضال