السلام عليكم ياشباب
بصوا بقى بدون تريقة..أنا باختصار عايز عنوان مركز تدليك رجالى محترم ومتجرب و يكون عن طريق مدلكين وليس مدلكات..الواحد مش ناقص ذنوب وشبهات
فياريت اللى جرب أو سمع من حد موثوق عن كده يقول لى عنوانه وتكلفته
وجزاكم الله خيرا
عرض للطباعة
السلام عليكم ياشباب
بصوا بقى بدون تريقة..أنا باختصار عايز عنوان مركز تدليك رجالى محترم ومتجرب و يكون عن طريق مدلكين وليس مدلكات..الواحد مش ناقص ذنوب وشبهات
فياريت اللى جرب أو سمع من حد موثوق عن كده يقول لى عنوانه وتكلفته
وجزاكم الله خيرا
الفنادق اسهل و اضمن
فى دكتور علاج طبيعى فى شارح مصر والسودان صاحبى تابع معاه فى اصابه وبيقولى بيدلك كويس جدا
لو عايز قولى اسالك على رقمه وعنوانه
هو طبعا شىء جميل ان يكون دكتور ..بس هل بيبقى نفس تدليك النوادى الصحية؟ يعنى متهيألى دكتور علج طبيعى يدلك رقبة أو دراع لكن مش حايعمل مساج سويدى كامل مثلا بالزيوت والهوت روكس .. ومش حاينفع بعد ماتخلص عنده تقوم تاخد دش مثلا أو تدخل ساونا .... ولا ده مركز وفيه امكانيات ؟
متابع باهتمام
المشكلة أن هناك من يطلقون على عملهم تدليك...و لكن كل ما يقومون به ليس عن دراسة ..و انما فتي و تقليد اعمى....فلي صديق قرر لي انه عمل مساج و تدليك ..و بسؤاله عن القائم بذلك.. تبين لي انه صاحب الجيم الذي يتمرن به...و اتضح بعد ذلك ان هذا المدلك مؤهل متوسط و واخد الموضوع نقلا عن اخرين!!!.لذلك انا اعتقد ان دكتور العلاج الطبيعي حايكون افضل
مفبش احسن من الشغل الطبيعي
اجري
مفش احسن من كده علشان تفك كل تيبسات الجسم
بصراحة احلى حاجه فى الحلاقين الهنود اللى فى الخليج بعد ما تخلص حلاقة يعملك مساج فى ظهرك واكتافك ودماغك
باقوم من على كرسى الحلاقة بابقى عايز اخده بالحضن
ومش خساره فيه 20 ريال
جرب تروح حمام عوكل الشعبي اللي في بولاق أبو العلا
السلام عليكم ورحمة الله وبركاته ...
متابع ان شاء الله ...
لان كل ما اسأل فى مركز يقولى اللى موجود سيدات ...
انا جربت فى اوروبا كان صراحه فظيع كانت مدلكه وبتضغط على اماكن كانها عارفه فين اللى بيوجع
حمام التلات ياباشا جامد جدا
بس بلاش حمام الاربع اللي هو عوكل
خليه حمام التلات بتاع ميشو
هما جنب بعض
حاجه مدهشة الصراحة
برو جيم مدينة نصر فيه هناك اتنين مدلكين رائعين سامح وتامر وفيه دار الدفاع دول اللى انا اتعاملت معاهم
[quote=محمد يوسف;3875256481]مشاركة سيئة[/quot
انت ليه بتقول كده
علي فكرة انا بتكلم بجد، وعن تجربة
وفيه حد ذكر موضوع الحمام فقلت رايي
هل انت فكرتني داخل اهزر ؟
على فكرة انا فعلا سمعت ان فى حاجه كدا زى حمام التلات او هى لى واحد صحبى راحها ورخيصه مش غاليه, بس دا بيكون تنضيف يعنى نظام ليفه بقى ويقعد يحك فى الجته لما يطلع منها جاز.
بص بصرف النظر عن الفيدباك السلبي لكن انا كنت عايز اساعد فعلا
حمام التلات ده بقاله 300 سنة والناس اللي فيه بتتوارث المهنة ابا عن جد
رحته قبل الجواز وبقيت كل فترة اروح مع حد من صحابي
والمفروض بنرتب نروح قريب يمكن الاسبوع الجاي
الحمام نضيف جدا والناس مؤدبين
واحنا بنروح الساعه 6 بالظبط ده بيكون بداية شيفت الرجال بيكون الحمام اتنضف واتظبط
فيه هناك مغطس سخن ومغطس بارد
ده علشان يطلع الرطوبة من الجسم ويفتح المسام
فيه بعد كده التكييس بيبقي عن طريق ليفة مغربية يفضل تجيب الليفة الخاصة بيك بيطلع كل الخلايا الميتة وكل التراب اللي تحت المسام، طبعا المساام كانت اتفتحت
وبعد كده بيعمل عملية مساج كاملة للجسم
بتحس بفوقان رهيب بعدها وانتعاش
العملية كلها ب 30 جنية فقط وممكن تدي اكرامية للراجل
مطلوب منك مايوة او شورت وفوطه وااي حاجه خاصة انت عايزها صابونه او شامبو او مزيل عرق
بس الموضوع بياخد حوالي ساعه بتخرج انسان مختلف
بعد اذنك هو بيبقى فى واحد ملازمك ياعنى من ساعه ماتدخل لغايه ماتخرج ولا ايه بالظبط
ياعنى ممكن يبقى معاك ومع غيرك ولا بيهتم بواحد بس ويديله حقه حتى لو هتدفعله زياده
العنوان بالظبط
السبتية
لو حضرتك جاي من ناحية التحرير هتدخل الفتحة اللي قبل اركاديا مول هتمشي شوية هتلاقي كبابجي اسمه "صلي على النبي" .. هتعديه بناصية وهتدخل الشارع اللي بعده لجوة هتلاقي حمام عوكل وحمام التلات على الشمال
الكبابجي على ايدك اليمين
طيب هو مبدئيا احنا هنروح يوم الاتنين ان شاء الله
هنطلع بعد الشغل
افضل طريق للحمام هو خلف فندق الكونرد، هتلاقي قسم بولاق، تركن عربيتك هناك امان
وبعد كده اسال علي الحمام، حمام التلات
ده افضل
يفضل يكون الساعه 6
الظريف بقي انك بتحس انك جعان جدا فقدام الكونرد اسبكترا الشجره جميلة جدا
او تطلع علي البرنس تاكل ورقة لحمة
لو مش هتاكل يبقي تضرب عصير افضل
انا اول مرة اعرف ان عندنا الحمامات دى فى مصر والموضوع عجبنى بجد بس لما دخلت وعملت سيرش حسيت انة تحت المستوى بجد
‫حمام عوكل .. عمره 500 عام بقلب القاهرة‬‎ - YouTube
بس اكيد الى جربة عندة كلام مختلف ياريت نعرف
نصيحتي وعن تجربة بلاش حمام عوكل اللي هو حمام الاربع
حمام التلات افضل وانضف وليك لوكر بمتفاح ومكان للصلاة ونضيف جدا
ممكن احسن وقت للذهاب اليه امته بظبط
السلام عليكم ورحمة الله وبركاته،،،
أنا هاقولكم على تجربتي
أنا رحت حمام الأربع ده من كام سنه
رحته بالليل خالص على الساعه 11 كده
هاحكيلكم المميزات الأول:
بعد أما تخلص:
- بتحس باسترخاء رهيب ... أنا كنت خايف أنام وأنا سايق
- بتحس بانتعاش يستمر معاك لتاني يوم
- لونك بيبقى أفتح شويه :)
- السعر رخيص جداً طبعاً
في حاجه قفلتني من المكان ده بعد أنا مشيت بكام يوم
زي ما الإخوه قالوا: الموضوع بيكون فيه مغطس مياه ساخنه ومغطس تاني مياه بارده
والمغطس ده حجمه مش كبير يعني .. حاجه كده 4 في 4 متر
الناس بتنزل بالمايوهات طبعاً
اللي خلاني بصراحه أقلق شويه إن المغطس البارد ده طبعاً مافهوش كلور ولا أي حاجه تطهره. يعني لو واحد نزله وعنده مرض جلدي معدي لا قدر الله ممكن يلوث المغطس خاصة إن المياه بتكون ساقعه كمان يعني حتى مافيش أي سخونه ممكن تطهر شويه
وطبعاً برضه الليفه المستخدمه بتكون ليفه واحده للشعب كله إلا لو إنت إشتريت لنفسك ليفه. وهي مش رخيصه على فكره
وكمان الأماكن اللي بيعملولك فيها التكييس والتدبيس أماكن بتكون مبلوله وناس كتير قبلك ناموا عليها قبلك وجزء كبير من جسمهم مكشوف
أنا الحمد لله مش باقرف ولا حاجه، بس بعد أما فكرت بعقلي لقيت الموضوع ممكن يعمل مشاكل صحيه
عشان كده ما رحتش تاني