حد جرب يشتري من موقع Ebay عن طريق ال paypal يا ريت شرح اشتري منه ازاي انا عملت اكونت عليه و طالب اني ادخل بيانات الفيزا دلوقتي بعد اما ادخلها هيتخصم منها حاجة زي رسوم او كده و لا تمن الحاجة اللي عاوز اشتريها بس ؟
عرض للطباعة
حد جرب يشتري من موقع Ebay عن طريق ال paypal يا ريت شرح اشتري منه ازاي انا عملت اكونت عليه و طالب اني ادخل بيانات الفيزا دلوقتي بعد اما ادخلها هيتخصم منها حاجة زي رسوم او كده و لا تمن الحاجة اللي عاوز اشتريها بس ؟
أول ما بتسجل بيانات الفيزا بيخصم منها مبلغ بسيط أعتقد أقل من 2 يورو و بعدين بيطلب منك تكتب الكود اللى جالك فى كشف حساب الفيزا أمام المبلغ ده
أول ما بتدخل الكود بيرد لك ال 2 يورو للفيزا بتاعتك تانى
و العملية كلها كنوع من التحقق من الفيزا و صاحبها
بعد كده بيتخصم منك ثمن الحاجة اللى اشترتها فقط (بما فيها مصاريف الشحن إن وجدت) بدون أى رسوم إضافية على المشترى
الرسوم كلها بتتخصم من البائع فقط
معلش مش فاهم النقطة دي (تكتب الكود اللى جالك فى كشف حساب الفيزا) هيجيلي كشف حساب من الفيزا ازاي ؟
الحاجة التانيه انا سالت البايع قال ان الشحن مجاني لمصر بس ملهوش tracking بس انا مش عارف هل بيبعت للعنوان اللي انا كاتبه ف الموقع و لا لغاية الجمارك ؟
هو الPaypal إشتغل فى مصر ولا إيه ؟؟!!
اها يا باشا بقاله فترة
إنت مش معاك فيزا أو ماستر كارد
أول ما تدخل بياناتها فى حسابك على باى بال هيتم خصم مبلغ صغير من الكارت ده
لو الكارت إنتر نت فيزا يبقى لازم تطلب خدمة العملاء بتاعة البنك بتاعك و تسأل على الكود اللى مصاحب للمبلغ اللى إتخصم من باى بال (بتوع خدمة العملاء بيبقوا عارفين الموضوع - فى البنك العربى الأفريقى كان فاهم و إدانى الكود على طول)
الكود عبارة أربع أرقام هتدخلهم ضمن بيانات الفيزا بتاعتك فى حسابك على باى بال
بكده يبقى حسابك موثق أو مؤكد
و باى بال بيردك المبلغ الصغير اللى إتخصم مرة تانية
أما بخصوص الشحن لمصر فهيبقى عن طريق البريد العادى
و لما يوصل الطرد بتاعك مكتب البريد هيبعتلك إخطار علشان تروح تستلم الطرد و تدفع الرسوم و الجمارك و التسليم بيكون إما فى أقرب مركز طرود ليك أو عن طريق مندوب يوصلك الطرد لغاية عندك
عموما خدمة البريد المصرى مش سلسة و لا مريحة و بتتأخر لكنها أرخص من كل شركات الشحن المعروفة و خصوصا فى مصاريف التخليص و الجمارك
طب معلش متعرفش الجمارك توصلها كام لجراب تابلت ؟
طيب معلش يا جماعه هتعبكوا معايا انا كتبت عنوان التسليم عنوان مكتب البريد المصري اللي في منطقتي كده المفروض انها توصل على هناك و لا ايه و هعرف ازاي انها وصلت ؟