خطوات التقديم على خط تليفون ارضى ، والشقة مش باسمى

**Ladawy** · 25-10-2013 06:20 PM

الله عليك يا باشا ،
لو الموضوع دا اتقبل و السنترال هنا بياخد بيه يبقى عشرة على عشرة
- مع العلم برضه انى قولت للفنى الكلام ده لما قابلته ، قالى ماينفعش -

هو تقريبا الفنى ماعندوش خلفية بالاجراءات الجديدة ، و عقد الامور فى وشى !!
ربنا يسهل

مفيش اى اجراءات مفاجأة هاتقابلنى ، موافقة كتابية من باقى الورثة أو اى قلش جديد من بتاع الحكومة ؟

**Khaled_Nowaihy** · 25-10-2013 06:41 PM

إن شاء الله مافيش مشاكل بس فيما يخص باقى الورثة يمكن يطلبوا منك توكيل منهم إليك لإتمام إجراءات التعاقد

**mmolazem** · 25-10-2013 08:41 PM

المشاركة الأصلية كتبت بواسطة lanos2004

عقد باسمك وصورة بطاقه فقط ومش لازم مسجل اصلا
الكلام دة كان زمان الاجراءات اتغيرت

صحيح جداُ و حتى شهور قليلة مضت .

و العنوان الموجود فى البطاقه لا أهمية له على الإطلاق ( لا تحاول التعديل فى صورة البطاقه لأنه يتم الإطلاع على الأصل ) .
و يمكنك تركيب أكثر من تليفون بإسمك فى أكثر من بلد فى نفس الوقت
المشكلة الوحيدة هى عندما لا يكون متاح شبكة كابلات أرضية أو نقاط فاضية فى بوكسات التليفون القريبة من العنوان الذى تريد التوصيل له . . وهذه حالات قليلة على ما أعتقد . .

و بالتوفيق .

**Ahmed_Adham** · 25-10-2013 08:48 PM

العقد المسجل ده للي عايز يغير العنوان في البطاقه بس انما التليفونات بتقبل أي عقد عادي.

**A.Saad** · 26-10-2013 10:08 PM

كلام الفنى حضرتك مش مظبوط
المختص بالتعامل فى العقود هو قسم المبيعات
اصلا العقد اللى بتعمله ده جريمة تزوير
ولا قدر الله ممكن يوقعك فى مشاكل
ممكن تدخل التليفون باثبات انك
مقيم بالبطاقة والمبيعات هتشوف عنوانك فيها ينفع ولا لا
او
انك شاغل للعين وبيتعمل معاينة للشقة لاثبات تواجدك فيها

**aldesha989** · 27-10-2013 06:56 PM

ما تلعبش فى البطاقه نهائى

الحل الوحيد وده عن تجربه انا كنت مأجر شقه وكنت بعملها شركة كمبيوتر
وماكنش معايا غير عقد ايجار قانون جديد
روحت قدمت من غير اى مشكلة وروحت على السنترال على طول ولا فنى ولا مش فنى وكلهم زفت اى فنى هيجيلك هيقولك اهرش واحد حب يشتغلنى ويقولى الاسطوانه باظت وهجيب واحده غيرها طبعآ عملت اهبل

المهم عقد الايجار مش لازم يكون موثق ولا حاجه