خطوات التقديم على خط تليفون ارضى ، والشقة مش باسمى

الســلام عليكم و رحمة الله وبركاته

كنت عاوز اجيب خط تليفون ارضى جديد فى الشقة عندنا
و الشقة باسم والدى و والدى متوفى

سألت الفنى على اجراءات التقديم ،
قالى انى لازم اعمل عقد ايجار من والدى ليا صورى ، يكون بتاريخ قديم
و اسجله فى الشهر العقارى ، علشان اعرف اقدم على الخط وييجى على الشقة

فـ انا ماعرفش حاجة فى الاجراءات دى ، هل كدا الاجراءات هاتمشى طبيعى بدون مشاكل ( خصوصا ان والدى متوفى )

و موضوع التسجيل ده فيه قلق ؟
و هل هالاقى مصاريف أو رسوم أو مشاكل مع الحكومة من العقد الصورى ده ؟

و هاتبقى ايه صيغة العقد ؟

فى انتظار افادتكم بأقصى سرعة
لإنى عاوز ابدأ وانتهى من الموضوع ده يوم السبت و الاحد :)


و شكــــــــــرا

ممكن بصورة البطاقة الشخصية وتكون نفس عنوان الشقة هو عنوانك
وايصال نور او غاز او مياه باسم الوالد عادي جدااااااااااااااااااااااا اااا

البطاقة بتاعتى مش مكتوب فيها العنوان سوى اسم المنطقة اللى انا ساكن فيها :|
.
بس الفنى ماجابش سيرة موضوع الوصل والبطاقة ده !
فهل الكلام دا عن تجربة ؟
لو فعلا بيتم العمل بيه ، ممكن اشوف حد من السنترال يمشيلى الموضوع ده ، بدل عقد الايجار و الدوشة دى كلها !

اقتباس:

---

المشاركة الأصلية كتبت بواسطة ladawy

البطاقة بتاعتى مش مكتوب فيها العنوان سوى اسم المنطقة اللى انا ساكن فيها :|
.
بس الفنى ماجابش سيرة موضوع الوصل والبطاقة ده !
فهل الكلام دا عن تجربة ؟
لو فعلا بيتم العمل بيه ، ممكن اشوف حد من السنترال يمشيلى الموضوع ده ، بدل عقد الايجار و الدوشة دى كلها !

---

بص حضرتك
انا كنت نفس وضعك بالضبط
ودخلت تليفون باسمي في شقة والدي بايصال نور باسم والدي
وبطاقتي نفس عنوان ايصال النور

يا باشا الموظف أو الفني عايز يتهرش (أبجني تجدني) ده للأسف يعني وابتسم فأنت في مصر

يافندم في الحالات اللي زي دي حضرتك ماتسألش الفني ، انت تروح السنترال اللي انت تابع ليه و تسال على الإجراءات المطلوبة وتوضح لهم الوضع القائم علشان تاخد الكلام المفيد.

تحياتي.

بص يا باشا هتجيب عقد من اللى بيتباع بره فى المكتبات او تعمله داون لود من النت وتملاه بخط ايديك ولا تسجيل ولا بتاع وبتطلع على السنترال بيجلك التليفون ان شاء الله
من غير تسجيل شهر عقارى ولا بتاع

اقتباس:

---

المشاركة الأصلية كتبت بواسطة waleedrahmy

بص حضرتك
انا كنت نفس وضعك بالضبط
ودخلت تليفون باسمي في شقة والدي بايصال نور باسم والدي
وبطاقتي نفس عنوان ايصال النور

---

سؤال هاام بقى / البطاقة ؟ ولا صورة البطاقة :) ؟
لو هاياخدوا صورة بطاقة ، فـ ممكن اعملهالهم كاليفورنيا سترييت لو هاتمشى الموضوع d:
لو البطاقة نفسها مش هاعرف العب فيها طبعا :| .

اقتباس:

---

المشاركة الأصلية كتبت بواسطة أبو بودي وعمر

يا باشا الموظف أو الفني عايز يتهرش (أبجني تجدني) ده للأسف يعني وابتسم فأنت في مصر

---

ماهو دا اللى بيتهرش ، و هو الفنى الوحيد و بمثابة دكتور الاتصالات عندنا :)
و هو اللى قالى الكلام ده !

اقتباس:

---

المشاركة الأصلية كتبت بواسطة motorx

يافندم في الحالات اللي زي دي حضرتك ماتسألش الفني ، انت تروح السنترال اللي انت تابع ليه و تسال على الإجراءات المطلوبة وتوضح لهم الوضع القائم علشان تاخد الكلام المفيد.

تحياتي.

---

انا ناوى اعمل كدا فعلا ،، و لو انى عارف ان دى كلها اجراءات روتينية ولا ليها اى 30 لازمة

يعنى على سبيل المثال : اخويا شريحة فودافون بتاعته كانت اتكسرت ، و علشان نعرف نرجعها كنا بنلف حوالين نفسنا علشان هما عاوزين آخر 3 ارقام كلمهم و 3 ارقام حولوله رصيد !

يمر الزمان و نفس الحوار يحصل لعمتى ، و علشان ليا صاحب شغال فى فودافون ، قولتله الرقم اعطانى شريحة جديدة على طول ، و بدون مصاريف اضافية كمان !

اقتباس:

---

المشاركة الأصلية كتبت بواسطة amr011111

بص يا باشا هتجيب عقد من اللى بيتباع بره فى المكتبات او تعمله داون لود من النت وتملاه بخط ايديك ولا تسجيل ولا بتاع وبتطلع على السنترال بيجلك التليفون ان شاء الله
من غير تسجيل شهر عقارى ولا بتاع

---

الفنى قال نفس الكلام ، بس اضاف انه علشان انا ساكن فى مساكن تعاونيات يبقى لازم اسجله !
فعلا لو القصة دى كلها بدون موضوع التسجيل ده ، كنت عملتها فورا ، لإن القصة كلها تتلخص فى ورقة ايجار هاعملها و انا قاعد
لكن ازاى تسجيل و والدى متوفى ، و بعدين انا مستعجل و مش مستعد لاجراءات التسجيل دى ، و يا خوفى كمان انها تتعطل أو يكون فيه مسائلة قانونية أو تاخد وقت

------------ أو تكون محتاجة المؤجر وأنا بسجل ؟؟؟
يبقى ايه العمل وقتها !!

كدا الحالات اللى قدامى كالآتى :

1-
فاتورة كهرباء/مياه + بطاقة بنفس العنوان
انا عنوانى فى البطاقة مش مكتوب فيه إلا اسم المنطقة فقط ،، ولا العمارة ولا رقم الشقة ، و كذلك بطاقة والدى
لكن لو بـ صورة البطاقة ، ممكن اعمل صورة بطاقة -فوتوشوب :) - و اكتب فيها العنوان اللى فى فاتورة المياة

يبقى السؤال : صورة ولا اصل البطاقة بيحتاجوه لما بقدم على الخط ؟

2-
عقد ايجار صورى بتاريخ قديم
مع العلم بإنى ساكن فى شقة ملك لوالدى بمساكن التعاونيات

هل لازم تسجيل فى الشهر العقارى ؟ ولا عادى بمجرد العقد ؟

حصلت معايا الموقف ده
احنا قدمنا على التليفون بإعلام الوراثة وأى واحد من الأبناء يقدر يقدم الطلب
والتليفون هيكون بإسم ورثة .............

الله عليك يا باشا ،
لو الموضوع دا اتقبل و السنترال هنا بياخد بيه يبقى عشرة على عشرة
- مع العلم برضه انى قولت للفنى الكلام ده لما قابلته ، قالى ماينفعش -

هو تقريبا الفنى ماعندوش خلفية بالاجراءات الجديدة ، و عقد الامور فى وشى !!
ربنا يسهل

مفيش اى اجراءات مفاجأة هاتقابلنى ، موافقة كتابية من باقى الورثة أو اى قلش جديد من بتاع الحكومة ؟

إن شاء الله مافيش مشاكل بس فيما يخص باقى الورثة يمكن يطلبوا منك توكيل منهم إليك لإتمام إجراءات التعاقد

عقد باسمك وصورة بطاقه فقط ومش لازم مسجل اصلا
الكلام دة كان زمان الاجراءات اتغيرت

اقتباس:

---

المشاركة الأصلية كتبت بواسطة lanos2004

عقد باسمك وصورة بطاقه فقط ومش لازم مسجل اصلا
الكلام دة كان زمان الاجراءات اتغيرت

---

صحيح جداُ و حتى شهور قليلة مضت .

و العنوان الموجود فى البطاقه لا أهمية له على الإطلاق ( لا تحاول التعديل فى صورة البطاقه لأنه يتم الإطلاع على الأصل ) .
و يمكنك تركيب أكثر من تليفون بإسمك فى أكثر من بلد فى نفس الوقت
المشكلة الوحيدة هى عندما لا يكون متاح شبكة كابلات أرضية أو نقاط فاضية فى بوكسات التليفون القريبة من العنوان الذى تريد التوصيل له . . وهذه حالات قليلة على ما أعتقد . .

و بالتوفيق .

العقد المسجل ده للي عايز يغير العنوان في البطاقه بس انما التليفونات بتقبل أي عقد عادي.

كلام الفنى حضرتك مش مظبوط
المختص بالتعامل فى العقود هو قسم المبيعات
اصلا العقد اللى بتعمله ده جريمة تزوير
ولا قدر الله ممكن يوقعك فى مشاكل
ممكن تدخل التليفون باثبات انك
مقيم بالبطاقة والمبيعات هتشوف عنوانك فيها ينفع ولا لا
او
انك شاغل للعين وبيتعمل معاينة للشقة لاثبات تواجدك فيها

اشكركم يا شباب على الاهتمام و الافادة ،
انا كنت عاوز الخط علشان اجيب عليه نت ، و الحمد لله قدمت على تليفون واحد جارنا .

بس اهو الموضوع يبقى مرجع لو حد عنده نفس الموقف ...

ما تلعبش فى البطاقه نهائى

الحل الوحيد وده عن تجربه انا كنت مأجر شقه وكنت بعملها شركة كمبيوتر
وماكنش معايا غير عقد ايجار قانون جديد
روحت قدمت من غير اى مشكلة وروحت على السنترال على طول ولا فنى ولا مش فنى وكلهم زفت اى فنى هيجيلك هيقولك اهرش واحد حب يشتغلنى ويقولى الاسطوانه باظت وهجيب واحده غيرها طبعآ عملت اهبل

المهم عقد الايجار مش لازم يكون موثق ولا حاجه