الشارع المصري قبل و أثناء و بعد الإفطار

إمبارح وقفت في البلكونة أرصد حركة الشارع قبل و أثناء و بعد الإفطار .. اللي في أيام تانية ببقي جزء منها

الصورة دي قبل الإفطار بتلت ساعة ..

http://img397.imageshack.us/img397/7...2008130re0.jpg

الناس متحفزة للإشارة تفتح

http://img502.imageshack.us/img502/4...2008131pt3.jpg

الأذان قرب يأذن .. فاضل خمس دقائق .. ست غلبانة بتوزغ كبايات التمر اللي ماليين طبق بلاستيك هي عاملاه عشان تاخد ثواب الناس اللي معدية ..

http://img383.imageshack.us/img383/2...2008134pa4.jpg

الله أكبر الله أكبر .. بعد الإفطار بعشر دقائق

http://img397.imageshack.us/img397/2...2008138ex0.jpg

بعد الإفطار بتلت ساعة

http://img383.imageshack.us/img383/7...2008139to5.jpg

ولا الفجر يا جدعان

http://img502.imageshack.us/img502/2...2008140ry0.jpg

و بعد الفطار بساعة و نص

http://img397.imageshack.us/img397/5...2008141rp3.jpg

http://img383.imageshack.us/img383/1...2008142ms6.jpg

ههههههههههههههه جامدين اوى
احنا بقة عندنا فيصل والهرم 24 ساعة بنفس شكل الصورة رقم 1 :hmm: :no4:

بس الصور دى فين انا شايف اماكن مختلفة

دي في المنيل .. بس كنت بصور ال view يمين و شمال و كنت بعمل زوم فا تحس إنها مش نفس المكان

يمين نفق الملك الصالح و شمال منيل الروضة هتلاقي سينما فاتت حمامة باينة
و الكوبري ده كوبري عمرو بن العاص :)

متابعة جميلة جدا
والهاجس اللى بيقلقنى فى الموضوع ده إن أى دولة عايزه تضرب مصر- لا قدر الله - ممكن تضربها فى النص ساعة بتاعة الفطار بلا عناء ، أما باقى اليوم فممكن تضربها بأقل عناء!!

هههههههههه حلوه موضوع العناء دا
بس انا ساكن فى فيصل زحمه برده فى وقت الفطار

اقتباس:

---

المشاركة الأصلية كتبت بواسطة Dr Ahmed

متابعة جميلة جدا
والهاجس اللى بيقلقنى فى الموضوع ده إن أى دولة عايزه تضرب مصر- لا قدر الله - ممكن تضربها فى النص ساعة بتاعة الفطار بلا عناء ، أما باقى اليوم فممكن تضربها بأقل عناء!!

---

الضرب في الميت حرام

مابالك بقى بالضرب فينا - يبقى اسمه ايه

هههههههههههههههه

جامد اوى الموضوع دة

شكرا يا باشا

هو انت ما كنتش صايم امبارح و لا ايه يا محمود؟ :tooth:

و لا سايب الفطار و قاعد تصور في الشارع :laugh6:

لأ بس متابعة حلوة اوي.. يا ريت القاهرة تبقى دايما بعد الفطار بنص ساعة :)

فكرة حلوة اوي
الشوارع بقى في سكندرية قبل الفطار بربع ساعة بتبقى فاضيييييييية و بعد الفطار بتبقى افضى بس زي ما انت مصور استنى كده ساعة و لا ساعة الا ربع تلاقي هجوم ع الشوارع و زحمة و ايييييييييه

و يا علا التوقيع بتاعك حلو جدااااااااااااااااااااااا ا

اقتباس:

---

المشاركة الأصلية كتبت بواسطة Dr Ahmed

أى دولة عايزه تضرب مصر- لا قدر الله - ممكن تضربها فى النص ساعة بتاعة الفطار بلا عناء ، أما باقى اليوم فممكن تضربها بأقل عناء!!

---

فعلا يا دكتور معاك حق...فى كلا الحالتين مش هيتعبوا..احنا فعلا مريحين للغاية
موضوع حلو يا محمود باشا ...و فعلا اخترت منطقة صح تقييمها....بس تصدق انت حققت لى امنية عظيمة انا كان نفسى اشوف المالك الصالح فاضية كده قبل ما اموت....و بصراحة برده ما عنديش استعداد اروحها ساعة الفطار لان مش ضامن برده انى ما اتزنقش هناك):.

صورة واحدة أحسن من ١٠٠٠ كلمة ..زاي ما بيقولوا ...ألف شكر يا محمود باشا

ايه يا محمود باشا الصور الجميلة دى

بس نبقى انت قريب اوى كده من الكلية, و لا مرة اشوفك؟!

انا بعدى من المكان ده يوميا

مشاركة جميلة يا محمود

مشاركة جميلة فعلاً

متابعه هايله يا حوده
من نفس الزوايا كمان
لا بجد رائع

والله حراااااام بجد ...
انا ندمت انى مصورتش م نصر يوم 13 /9 الى هو امبارح ...
خدنا من رابعه العدويه او بالاخص من عند المنصه كده لغايه اول عباس فى ساعه بالظبط ..!!!!!!
كنا رايحين النادى الاهلى ركنا العربيه عند اول مكرم وخدنا كل ده مشي اسهل لنا ....
حاجه زى الزفت ننزل من البيت الساعه 9 نوصل 11 وفى الايام العاديه بناخدها بالظبط فى 10 دقايق ..

شكرا لكل من شرفني بالمرور علي الموضوع .. انا في اليوم ده أصل كنا بننضف الشقة و حسيتها متشقلبة فا فطرت في البلكونة :chinese:

معاذ باشا انا قريب منك جداَ فعلا بس انا مش قاعد في المنيل علي طول .. بس حتي لو فين يا باشا أجيلك مخصوص

ايه ده ياعم ده انت جنب الكليه جدا
ابقي اجيلك اقعد عندك بأه هههههههههههههه