خلاص راجع علي العفشه حته حته عند حد كويس وربنا يسهل نعرف نوصل للموضوع
عرض للطباعة
خلاص راجع علي العفشه حته حته عند حد كويس وربنا يسهل نعرف نوصل للموضوع
ممكن تكون الرجه اللى كانت بتحصل من الكبالن عملت تأثير على حاجه فى العفشه
مراجعه العفشه وان شاء الله تنحل المشكله
الحمد لله المشكله تقريبا اتحلت
انا رحت يوم الأربعاء عند واحد بتاع عفشه ورفع العربيه وكشف عليها كويس لقينا الحمد لله العربيه كويسه جدا ... الحمد لله بس هى محتاجه تغيير الجلده الاماميه للمقصات ... وللاسف ماكنش جنبنا حد بيبيع قطع غيار سكودا فاجلت موضوع التغيير لحد ما انزل القاهره واشتيريهم
المهم وانا مروح من عند بتاع العفشه لقيت واحد بتاع زوايا فاضى وانا كنت تابعت على اليوتيوب شويه فيديوهات عن كيفيه تضبيط الزوايا علشان افهم حاجه عن الأرقان اللى بتكون على الكمبيوتر ولقيت صاحبنا ده فاضى خالص قلت فرصه نتسلى مع بعض على العربيه ايه اللى هيجرى يعنى ضربوا الأعور على عينه قال ماهى بايظه بايظه ..... توكلت على الله ودخلت .. اللى عاحبنى عنده ان الجهاز بتاعه مش النوع الجديد اللى بيركب حاجات عامله زى العواكس على الكاوتش لأ ده الجهاز اللى فيه ميزان عامل زى البندقيه وبيركب فيه بطاريات وده شفته كتير على اليوتيوب ... كشفنا على العربيه ولقينا الفرده اليمين مرحله لورا شويه عن الشمال ... الفنى ضبط الزوايا وتقريبا خلى كل الارقان للناحيتين زى بعض ماهو فاضى وانا كنت رخم قوى الصراحه ... خلصت وطلعت جربت العربيه لقيت الموضوع فرق خالص العربيه اتحسنت بشكل كبييير بس الطريق اللى انا كنت باجرب العربيه عليه كان سئ ماكنتش عارف ازود عن 100 كم /س ...النهارده الحمد لله سافرت بيها مشوار طويل لاحظت فيها تعويمه بتظهر بس ابتداء من 140 كم /س بس الحمد لله لاتقارن بالسابق ... انا كده الحمد لله راضى ومبسوط
بس ايه رايكم فى موضوع جلد المقصات الأماميه دى اعملها ولا اطنش شويه هى العربيه الحمد لله مافيهاش تخبيط مع المطبات بس هو لما رفع العربيه لقى المقص اليمين بالاخص فى بوش او هزه ولقينا السبب الجلده فعلا ....
خلاص انشاء الله اخر الاسبوع هاشتري الجلده ... هأشتريى الناحيتين واركبها ان شاء الله
جلبه المقص الاصلي بحوالي ١٦٥ جم للقطعة الاصلي
اشتريها من الهاشمية وبعد ماتركبها راجع على الزوايا تانى وبالتوفيق