الموضوع: زيت الفتيس لانوس اوتوماتيك

المشاركة الأصلية كتبت بواسطة AHMADALY1999

متنساش تغير فلتر زيت الفتيس

واجيبه منين؟و بيبقى انواع ولا هو نوع واحد و تقريبا سعره كام؟

المشاركة الأصلية كتبت بواسطة MITSUKERO

الطريق من المهندسين تطلع دائري من ميدان لبنان الي نزلة المطار اللي جنب نفق السلام و تنزل تمشي علي طول تلاقي كوبري الحرفيين تمشي من تحته و تفضل ماشي علي طول لحد بنزينة كالتكس تدخل يمين بحيث تبقي البنزينة علي شمالك و تكمل هتلاقيه

شكرا جدا على الوصف بس ياريت بقى وصفه كمان بس منغير ما اطلع الدائرى
لان العربيه انا لسه شاريها معرفش ممكن تعمل معايا ايه فمش واثق انى اطلع بيها على طريق زى الدائرى

المشاركة الأصلية كتبت بواسطة elpasha1

بتاخد 12 كيلو زيت بتغيير الفلتر
من غير الفلتر حوالى 9 كيلو

و هل لازم اغير الاتنين مع بعض؟و امتى اعرف انه لازم يتغير ؟

المشاركة الأصلية كتبت بواسطة Eslam.Adly

باشا الفتيس بياخد 11.5 ليتر ده لو هاتحلة خالص وتفضى اللى جوه القربة كمان اما لو هاتغير الزيت بس (يعنى هاتفك الكارتيره) هاياخد حوالى 8 ليتر وانصك مش متغير الفلتر (او المصفى "المتعارف بيها عند الصناعيه") لان اللى فى السوق مضرب بالجزمة وهايطيرك الفتيس زى ماحصل معايا بالضبط

موضوع الزيت ممكن تحط زيت موبيل 320 atf الليتر 50 ج او زيت موبيل 220 atf الليتر 25-30ج
والافضل تحط شيل اليتر 25-30ج وده اللى انا بستعملة عندى

ولو عايز اى حاجة او ميكانيكى ابعتلى على الخاص وانا تحت امرك

يعنى شيل اللتر ب30 تقريبا ولا atf320 احسن؟

المشاركة الأصلية كتبت بواسطة marawanshahin

بالنسبة لفتيس اللانوس الأوتوماتيك بياخد حوالى 6.5 لتر لو ما فكتش الفتيس أنا لسة مغيره من شهر .حطيت 7 لتر و بعد كدة فتحت الطبة اللى فى جنب الفتيس و نزل 0.5 لتر و بعد كدة حطيت 1 لتر احتياطى يعنى اجمالى 7.5 لتر و ما تزودش عن كدة لأنى حسيت بفرق كبير جدا فى سحب العربية عن لما كنت حاطط 10 لتر قبل كدة زى ما الميكانيكية بيقولوا.

تمام شكرا لحضريتك

طيب اجيب منين فلتر االفتيس بس يكون اصلى؟؟
و تقريبا سعره كام؟!